ସୋସିଆଲ୍ ମିଡିଆରେ ଚହଳ ସୃଷ୍ଟି କଲେ ବିଦିଶା ! ଇମରାନ୍ ଖାନ୍ ଙ୍କ ୫୦ ମିନିଟର ଭାଷଣକୁ ୫ ମିନିଟ୍ ରେ ମୁହଁଭଙ୍ଗା ଜବାବ୍ ଦେଇଥିବା ଏହି ମହିଳା ଅଫିସର୍ ଜଣକ କିଏ ?
ସଂଯୁକ୍ତ ରାଷ୍ଟ୍ରରେ ପାକିସ୍ତାନ ପ୍ରଧାନମନ୍ତ୍ରୀ ଇମରାନ୍ ଖାନଙ୍କ ମିଛର ପର୍ଦ୍ଦାଫାସ୍ କରିଛି ଭାରତ । ଇମରାନ୍ ଖାନଙ୍କ ଷଡ଼ଯନ୍ତ୍ର ଏବଂ ତାଙ୍କ ଅସଲ ରୁପକୁ ସମସ୍ତଙ୍କ ଆଗକୁ ଆଣିବା ପାଇଁ ଭାରତ ପକ୍ଷରୁ ଏହି ଗୁରୁଦାୟିତ୍ୱକୁ ବହନ କରିଛନ୍ତି ନୂଆ ମହିଳା ଅଫିସର୍ ବିଦିଶା ମୈତ୍ରା । ସଂଯୁକ୍ତ ରାଷ୍ଟ୍ରରେ ଭାରତର ପ୍ରଥମ ସଚିବ ରୁପେ କାର୍ଯ୍ୟଭାର ଗ୍ରହଣ କରିଥିବା ବିଦିଶା ଭାରତର ଜଣେ ନୂଆ ଅଧିକାରୀ ରୁପେ ନିଯୁକ୍ତ ହୋଇଛନ୍ତି । ଇମ୍ରାନଙ୍କ ଅଭିଭାଷଣକୁ କାଉଂଟର କରି ମିଳିତ ଜାତିସଂଘରେ ଭାରତୀୟ ବୈଦେଶିକ ମନ୍ତ୍ରାଳୟର ପ୍ରଥମ ସଚିବ ବିଦିଶା ମୈତ୍ରା କହିଛନ୍ତି, ଜାତିସଂଘରେ ଡାହା ମିଛ କହିଛନ୍ତିି ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନ୍ । ସେ ଭୁଲ ତଥ୍ୟ ଦେଇ ବିଶ୍ୱକୁ ବିଭ୍ରାନ୍ତ କରୁଛନ୍ତି । ଏହା ସହିତ ପାକିସ୍ତାନରେ କୌଣସି ଆତଙ୍କବାଦୀ ସଂଗଠନ ନାହିଁ ବୋଲି ଜାତିସଂଘରେ ଇମ୍ରାନ ଦେଇଥିବା ବିବୃତିକୁ ମଧ୍ୟ କାଉଣ୍ଟର କରିଛନ୍ତି ବିଦିଶା । ତାଙ୍କର ଏହି ସାହସିକତାପୂର୍ଣ୍ଣ କାର୍ଯ୍ୟ ପରେ ଲୋକଙ୍କ ପାଇଁ ହିରୋ ପାଲଟିଯାଇଛନ୍ତି ବିଦିଶା । ତେବେ ଆସନ୍ତୁ କିଏ ଏହି ବିଦିଶା ମୈତ୍ରା ତାଙ୍କ ବିଷୟରେ ଅଧିକ ଜାଣିବା ।
Kanak News is now on WhatsApp
Join and get latest news updates delivered to you via WhatsApp
#WATCH Vidisha Maitra, First Secretary MEA exercises India’s right of reply to Pakistan PM Imran Khan’s speech says, “Can Pakistan PM confirm the fact it is home to 130 UN designated terrorists and 25 terrorist entities listed by the UN, as of today?” pic.twitter.com/vGFQH1MIql
— ANI (@ANI) September 28, 2019
ସ୍ୱର୍ଣ୍ଣପଦକ ବିଜେତା ବିଦିଶା :
୨୦୦୯ ବ୍ୟାଚର ବିଦିଶା ମୈତ୍ରା ଭାରତୀୟ ବିଦେଶ ସେବାରେ ନିଜକୁ ନିୟୋଜିତ କରିଛନ୍ତି। ୨୦୦୮ ସିଭିଲ୍ ସର୍ଭିସ୍ ପରୀକ୍ଷାରେ ୩୯ ରାଙ୍କରେ ଉତ୍ତୀର୍ଣ୍ଣ ହୋଇ ସେ ଟ୍ରେନିଙ୍ଗ୍ ନେଇଥିଲେ ଏବଂ ବେଷ୍ଟ୍ ଟ୍ରେନିଙ୍ଗ୍ ଅଫିସର୍ ର ଆୱାର୍ଡ ଜିତିଥିଲେ । ‘ପରମାନେଣ୍ଟ୍ ମିଶନ୍ ଅଫ୍ ଇଣ୍ଡିଆ ଟୁ ଦ ୟୁଏନ୍’ ର ୱେବସାଇଟ୍ ମୁତାବକ , ସଂଯୁକ୍ତ ରାଷ୍ଟ୍ରରେ ପୋଷ୍ଟିଙ୍ଗ୍ ହେବାପରେ ତାଙ୍କୁ ସୁରକ୍ଷା ପରିଷଦ କାର୍ଯ୍ୟ ସହ ଜଡିତ କରାଯାଇଥିଲା । ସେ ଉଭୟ ସିକ୍ୟୁରିଟି କାଉନସିଲ୍ ସହ ଜଡିତ ଥିବା ବିଷୟ ଏବଂ ରାଜନୈତିକ ମିଶନ୍ କୁ ମଧ୍ୟ ତଦାରଖ କରିଥାନ୍ତି । ଏହାଛଡା ନିରପେକ୍ଷ ଦେଶଙ୍କ ସହ ସମନ୍ୱୟ , ସଂଘାଇ କର୍ପୋରେସନ୍ ଅର୍ଗାନାଇଜେସନ୍ ର ଦାୟିତ୍ୱ ଭାର ମଧ୍ୟ ତାଙ୍କ କାନ୍ଧ ଉପରେ ରହିଛି । ସଂଯୁକ୍ତ ରାଷ୍ଟ୍ର ଜରିଆରେ ଦୁନିଆର ନାମୀଦାମୀ ବିଶ୍ୱବିଦ୍ୟାଳୟ , କଲେଜ୍ ଏବଂ ଶିକ୍ଷାସଂସ୍ଥା ସହ ସଂପର୍କ କରିବା ଦାୟିତ୍ୱ ମଧ୍ୟ ତାଙ୍କ ଉପରେ ରହିଛି । କିନ୍ତୁ ବର୍ତ୍ତମାନ ସେ ଏବେ ଚର୍ଚ୍ଚାର ପରିସରକୁ ଆସିଛନ୍ତି । ଇମରାନ୍ ଖାନ୍ ଙ୍କ ୫୦ ମିନିଟ୍ ର ଲମ୍ବାଚଉଡା ଭାଷଣକୁ ମାତ୍ର ୫ ମିନିଟ୍ ରେ ଫ୍ୟୁଜ୍ କରିଦେଇଛନ୍ତି ବିଦିଶା । ବିଦିଶା ମୈତ୍ରା କହିଥିଲେ, ପାକ୍ ପ୍ରଧାନମନ୍ତ୍ରୀଙ୍କ ଆହ୍ୱାନ କ୍ରମେ ଜାତିସଂଘର ଅନୁଧ୍ୟାନକାରୀ ଦଳ ପାକିସ୍ତାନ ଯାଇ ଆତଙ୍କବାଦୀଙ୍କ ଉପସ୍ଥିତିର ଜାଞ୍ଚ୍ କରନ୍ତୁ । ଜାତିସଂଘ ଦ୍ୱାରା ନିଷିଧ ଘୋଷିତ ୧୩୦ ଆତଙ୍କବାଦୀ ଓ ୨୫ ଆତଙ୍କବାଦୀ ସଂଗଠନ ପାକିସ୍ତାନରେ ରହିଛି । ଏକଥାକୁ ପ୍ରଧାନମନ୍ତ୍ରୀ ଇମ୍ରାନ ଖାନ୍ ଅସ୍ୱୀକାର କରିପାରିବେ କି ? ସେ କହିଥିଲେ , ପାକ୍ ଦୁନିଆର ଏକମାତ୍ର ଦେଶ ଯିଏ ସଂଯୁକ୍ତ ରାଷ୍ଟ୍ର ଦ୍ୱାରା ଆତଙ୍କବାଦୀ ଘୋଷଣା କରିଥିବା ବ୍ୟକ୍ତିଙ୍କୁ ପେନସନ୍ ଦେଉଛି ।