କନକ ବ୍ୟୁରୋ: ୧୨ ଜଣ ରାଜ୍ୟସଭା ସାଂସଦଙ୍କ ନିଲମ୍ବନକୁ ପ୍ରତ୍ୟାହାର କରିବାକୁ ନେଇ ସରକାର ଓ ବିରୋଧୀଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହେବା ପରେ ନିଲମ୍ବନ ପ୍ରତ୍ୟାହାର କରିବାକୁ ମନା କରିଦେଇଛନ୍ତି ରାଜ୍ୟସଭା ଅଧ୍ୟକ୍ଷ ଭେଙ୍କିୟା ନାଇଡୁ ।
Kanak News is now on WhatsApp
Join and get latest news updates delivered to you via WhatsApp
ଅଗଷ୍ଟ ୧୧ ତାରିଖରେ ରାଜ୍ୟ ସଭାରେ ବିରୋଧୀ ଦଳ ସାଂସଦଙ୍କ ହଙ୍ଗାମା, ଗୃହର ନିୟମ ବିରୋଧୀ ଥିଲା, ଯାହାକୁ ନେଇ ସୋମବାର ୧୨ଜଣ ସାଂସଦଙ୍କୁ ନିଲମ୍ବନ କରାଯାଇଥିଲା । ଏନେଇ ବିରୋଧୀ କଡା ମନ୍ତବ୍ୟ ଦେବା ସହ ନିଲମ୍ବନ ପ୍ରତ୍ୟାହର କରିବାକୁ ଅଡି ବସିଥିଲେ । ଏହାପରେ ନିଲମ୍ବିତ ସାଂସଦଙ୍କ ସହ ଆଲୋଚନା ହୋଇଥିଲା । ସାଂସଦ ମାନେ ନିଜ ଭୁଲ ପାଇଁ କ୍ଷମା ମାଗିଲେ ସେମାନଙ୍କ ନିଲମ୍ବନ ପ୍ରତ୍ୟାହର କରାଯିବ ବୋଲି ଭେଙ୍କିୟା ନାଇଡୁ କହିଥିଲେ ବି କ୍ଷମା ମାଗିବାକୁ ରାଜି ହେଲେନି ସାଂସଦ । ଫଳରେ ନିଲମ୍ବନ ପ୍ରତ୍ୟାହାର କରିବାକୁ ସ୍ପଷ୍ଟ ମନା କରିଛନ୍ତି ଭେଙ୍କିୟା ନାଇଡୁ । ପ୍ରତ୍ୟାହାର ନିଷ୍ପତ୍ତି ତାଙ୍କର ବ୍ୟକ୍ତିଗତ ନୁହେଁ ବରଂ ଗୃହ କିମିଟିର ନିଷ୍ପତ୍ତି । ତେଣୁ ଏହାକୁ ପ୍ରତ୍ୟାହାର କରାଯିବ ନାହିଁ ବୋଲି କହିଛନ୍ତି ଭେଙ୍କିୟା ।
ତେବେ ଏହି ପ୍ରସଙ୍ଗକୁ ନେଇ ବିରୋଧୀ ଦଳ ନେତା ମଲ୍ଲିକାର୍ଜୁନ ଖଡଗେ ଓ ଶିବସେନା ସାଂସଦ ପ୍ରିୟଙ୍କା ଚତୁର୍ବେଦୀ ସରକାରଙ୍କୁ ଦୋଷ ଦେଇ ଏହାକୁ ବେଆଇନ ବୋଲି କହିଛନ୍ତି । ହେଲେ ନିଲମ୍ବନକୁ ଯଥାର୍ଥ ବୋଲି କହିଛନ୍ତି ଅନେକ ନେତା । ସୂଚନା ମୁତାବକ, ଅଗଷ୍ଟ ମାସରେ ମୌସୁମୀ ଅଧିବେଶନରେ ବିରୋଧୀ ସାଂସଦ ପୋଡିୟମ ଭାଙ୍ଗିବା ସହ ଗୃହ ମଧ୍ୟକୁ ଯାଇ ହୋହାଲ୍ଲା କରିଥିଲେ । ବାଚସ୍ପତି ବାରମ୍ବାର ଅନୁରୋଧ କରିଥିଲେ ବି ଏହାକୁ ଭ୍ରୁକ୍ଷେପ କରିନଥିଲେ ସାଂସଦ । ଟେବୁଲ ଫୋପାଡି ନଥିପତ୍ରକୁ ଫୋପାଡି ଦେଇଥିଲେ । ଏହାକୁ ନେଇ ସଂସଦୀୟ କମିଟି ସେମାନଙ୍କୁ ସୋମବାର ନିିଲମ୍ବନ କରିଛି ।