ବିଜେପିରେ ସାମିଲ ହେଲେ ବୀରାପ୍ପନ ଝିଅ । କହିଲେ, ବାପା ଯାହା କରିଥିଲେ ଭୁଲ କିନ୍ତୁ ଗରୀବଙ୍କ ଭଲ ପାଇଁ ସେ ଲଢ଼େଇ କରୁଥିଲେ ।
କନକ ବ୍ୟୁରୋ: ବିଜେପିରେ ସାମିଲ ହେଲେ ଜଙ୍ଗଲ ଦସ୍ୟୁ ବୀରପ୍ପନଙ୍କ ଝିଅ । ଦିନେ ସାରା ଦେଶକୁ ଥରହର କରୁଥିବା ତାମିଲନାଡୁର କୁଖ୍ୟାତ ଡାକୁ ବୀରପ୍ପନର ଝିଅ ବିଦ୍ୟା ରାଣୀ ବିଧିବଦ୍ଧ ଭାବେ ଗେରୁଆ କ୍ୟାମ୍ପରେ ସାମିଲ ହୋଇଛନ୍ତି । ଗତକାଲି ତାମିଲନାଡୁର କୃଷ୍ଣଗିରି ଠାରେ ବିଜେପିର ଏକ ଦଳୀୟ ସଭାରେ ଶପଥ ପାଠ କରି ପଦ୍ମ ଶିବିରକୁ ଏଣ୍ଟ୍ରି କରିଛନ୍ତି ବୀରାପ୍ପନଙ୍କ ଝିଅ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ବିଜେପିରେ ସାମିଲ ହେବା ପରେ ବିଦ୍ୟାରାଣୀ କହିଛନ୍ତି କି, ମୋ ବାପା ବାଛିଥିବା ରାସ୍ତା ଭୁଲ ଥିଲା କିନ୍ତୁ ସେ ସବୁବେଳେ ଗରୀବଙ୍କ କଥା ଚିନ୍ତା କରୁଥିଲା । ମୁଁ ବିଜେପିରେ ସାମିଲ ହେଲି କେବଳ ଅସହାୟ ଲୋକଙ୍କୁ ସାହାଯ୍ୟ କରିବା ମୋର ମୂଳ ଲକ୍ଷ୍ୟ । ତେବେ ବୀରପ୍ପନର ଦୁଇଟି ଝିଅ ବିଧ୍ୟାରାଣୀ ଓ ପ୍ରଭା ରାଣୀ । ପେଶାରେ ବଡ଼ ଝିଅ ବିଦ୍ୟାରାଣୀ ଜଣେ ଓକିଲ । ତେଣୁ ଲୋକଙ୍କୁ ନ୍ୟାୟ ଦେବା ପାଇଁ ରାଜନୀତି ଏବଂ କ୍ଷମତାର ଆବଶ୍ୟକ ରହିଛି ବୋଲି ତାଙ୍କ ସମର୍ଥକମାନେ କହିଛନ୍ତି ।
ଅନ୍ୟପଟେ ୧୫ ବର୍ଷ ତଳେ ଦକ୍ଷିଣ ଭାରତକୁ ଆତଙ୍କିତ କରିଥିବା ଜଙ୍ଗଲ ଦସ୍ୟୁ ବୀରପ୍ପନ ୨୦୦୪ରେ ପୁଲିସ ହାତରେ ନିହତ ହୋଇଥିଲା । ଚନ୍ଦନ କାଠର ଚୋରା ଚାଲାଣ ଏବଂ ଅପହରଣ ଓ ଅନ୍ୟାନ୍ୟ ଅପରାଧିକ ମାମଲା ପାଇଁ କେବଳ ଦକ୍ଷିଣ ଭାରତ ନୁହେଁ ସାରା ଦେଶରେ ଛନକା ଭରିଥିଲା ବୀରପ୍ପନ ଭୟ ।