ଗ୍ଲେସିୟର ଫାଟିବା ପରେ ତପୋବନର ଉପର ଭାଗରେ ସୃଷ୍ଟି ହୋଇଛି ହ୍ରଦ : ଧିରେ ଧିରେ ବଢୁଛି ଜଳସ୍ତର, ନଦୀ କୂଳିଆ ଲୋକଙ୍କୁ ସତର୍କ କଲା ପ୍ରଶାସନ
କନକ ବ୍ୟୁରୋ : ଗ୍ଲେସିୟର ଫାଟିବା ପରେ ତପୋବନର ଉପର ଭାଗରେ ଏକ ହ୍ରଦ ସୃଷ୍ଟି ହୋଇଛି । ଏହି ହ୍ରଦର ଜଳସ୍ତର ଧିରେ ଧିରେ ବଢ଼ିବାରେ ଲାଗିଛି । ତେବେ ଏହାର ତଳ ମୁଣ୍ଡରୁ ନିର୍ମାଣ ହୋଇଥିବା ବନ୍ଧ ବାଟ ଦେଇ ପାଣିକୁ ନିୟନ୍ତ୍ରିତ ଭାବେ ଛଡାଯାଉଛି । ଏପରି କରାଯିବାର କାରଣ ଯଦି ଅଚାନକ ହ୍ରଦର ପାଣି ଏକାଥର ଅଧିକ ହୋଇଯିବ ଓ ବନ୍ଧରେ ଥିବା ପାଣିରେ ମିଶିଯିବ ତେବେ ତାକୁ ସମ୍ଭାଳିବା କଷ୍ଟକର ହୋଇପଡିବ । ଆଉ ଯଦି ବନ୍ଧ ଭାଙ୍ଗିଲା ତେବେ ତଳ ଅଂଚଳରେ ବ୍ୟାପକ କ୍ଷତି ଘଟାଇବ ।
Kanak News is now on WhatsApp
Join and get latest news updates delivered to you via WhatsApp
ଗ୍ଲେସିୟର ଫାଟିବା ପରେ ତଳ ଅଂଚଳରେ ଯେଭଳି ବନ୍ୟା ପରିସ୍ଥିତି ସୃଷ୍ଟି ନହୁଏ ସେଥିପାଇଁ ବନ୍ଧରେ ପାଣିକୁ ଅଟକାଇ ଦିଆଯାଇଥିଲା । ଏବେ ସେହି ବନ୍ଧର ପାଣିକୁ ଅତି ସତର୍କତାର ସହିତ ଛଡାଯାଉଛି । କାରଣ ତପୋବନର ଉପରମୁଣ୍ଡରେ ଅଧିକ ପାଣି ଜମା ହେବାରେ ଲାଗିଛି । ଅନ୍ୟପଟେ ତଳ ଅଂଚଳରେ ଥିବା ନଦୀ କୂଳିଆ ଲୋକଙ୍କୁ ସତର୍କ ରହିବାକୁ ପରାମର୍ଶ ଦେଇଛି ପ୍ରଶାସନ । ଋଷିକେଶ ଏବଂ ହରିଦ୍ବାରରେ ଲୋକଙ୍କୁ ଗଂଗା ତଟକୁ ନଯିବା ପାଇଁ ଚେତାବନୀ ଜାରି କରାଯାଇଛି । ହରିଦ୍ବାରରେ କୁମ୍ଭମେଳା ଆୟୋଜନ ପାଇଁ ଭିଡ଼ ଜମିଥିବାରୁ ଲୋକଙ୍କୁ ନିର୍ଦ୍ଧାରିତ ସତର୍କତା ଅବଲମ୍ବନ କରିବାକୁ କୁହାଯାଇଛି ।
ଆଗାମୀ ୭୨ ଘଣ୍ଟା ମଧ୍ୟରେ ଗଂଗାର ଜଳସ୍ତର ବଢ଼ିବା ଆଶଙ୍କା ଥିବାରୁ ଅଧିକ ସମ୍ବେଦନଶୀଳ ଅଂଚଳରୁ ଗ୍ରାମବାସୀଙ୍କୁ ଖାଲି କରାଯାଇଛି । ଗ୍ଲାସିୟର ଫାଟିବା ପରେ ରାଇନି ଗ୍ରାମ ନିକଟରେ ଋଷିଗଂଗା ତପୋବନ ଜଳବିଦ୍ୟୁତ ପ୍ରକଳ୍ପର ବନ୍ଧ ଭାଙ୍ଗିଯିବାରୁ ବନ୍ୟ ସଙ୍କଟ ଭୟାନକ ରୂପ ନେଇଥିବା ଜଣାପଡ଼ିଛି । ଏହି ବନ୍ଧ ଭାଙ୍ଗିଯିବା ପରେ ଧଉଳି ଗଂଗା ନଦୀରେ ଅଚାନକ ଭୀଷଣ ବନ୍ୟା ଆସିବାରୁ କ୍ଷୟକ୍ଷତି ବଢ଼ିଯାଇଛି । ଚମୋଲି ଜିଲ୍ଲାରେ ଶତାଧିକ ଘର ନିଶ୍ଚିହ୍ନ ହୋଇଯାଇଥିବା ଆଶଙ୍କା କରାଯାଉଛି । ରାଇନିରୁ ଯୋଶୀମଠ ପର୍ଯ୍ୟନ୍ତ ଅଂଚଳରେ ଘଟିଥିବା ବଡ଼ ବିପର୍ଯୟର ଆକଳନ ପାଇଁ ଅନେକ ଦିନ ଲାଗିଯିବ ବୋଲି କୁହାଯାଉଛି ।