ଉତ୍ତରାଖଣ୍ଡରେ କଂଗ୍ରେସରୁ ପ୍ରାର୍ଥୀ ହେବେ ମିସ ଇଣ୍ଡିଆ ଅନୁକ୍ରିତି, ଜାଣନ୍ତୁ କଣ ରହିଛି ଅନୁକ୍ରିତିଙ୍କ ପଛରେ ରାଜନୀତି
କନକ ବ୍ୟୁରୋ : ଫେବୃଆରୀ ମାସରୁ ଦେଶର ୫ ଟି ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ଏହା ପୂର୍ବରୁ ସବୁ ରାଜନୈତିକ ଦଳମାନେ ସେମାନଙ୍କ ପ୍ରାର୍ଥୀ ଘୋଷଣା କରିବାରେ ଲାଗିଛନ୍ତି । ଏହି କ୍ରମରେ ଉତ୍ତରଖଣ୍ଡରେ ବି କଂଗ୍ରେସ ପ୍ରାର୍ଥୀ ତାଲିକା ଘୋଷଣା କରିବାକୁ ଯାଉଛି । ହେଲେ ପ୍ରାର୍ଥୀ ତାଲିକା ଘୋଷଣା ପୂର୍ବରୁ କଂଗ୍ରେସ ଅନୁକ୍ରିତି ଗୋସାଇଁଙ୍କୁ ଟିକେଟ ଦେଉଥିବା କଥା ଜଣାପଡିବା ପରେ ଏହାକୁ ନେଇ ଉତ୍ତରାଖଣ୍ଡ ରାଜନୀତି ସରଗରମ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଅନୁକ୍ରିତି ହେଉଛନ୍ତି ପୂର୍ବତନ କ୍ୟାବିନେଟ ମନ୍ତ୍ରୀ ହରକସିଂ ରାୱତଙ୍କ ବୋହୂ । କେବଳ ସେତିକି ନୁହେଁ ଅନୁକ୍ରିତି ଜଣେ ମଡେଲ ଓ ମିସ୍ ଇଣ୍ଡିଆ ପ୍ରତିଯୋଗିତା ବି ଜିତି ସାରିଛନ୍ତି । ଅନ୍ୟପଟେ ସେ ଗତକାଲି କଂଗ୍ରେସରେ ଯୋଗ ଦେଇଛନ୍ତି । ଅନୁକ୍ରିତିଙ୍କ ଜନ୍ମ ୧୯୯୪ ମସିହାରେ ଉତ୍ତରଖଣ୍ଡର ଗଡବାଲ ଠାରେ ହୋଇଥିଲା । ସେ ଆର୍ମି ପବ୍ଲିକ ସ୍କୁଲ ଲ୍ୟାସଡୋନ ଠାରେ ଯୁକ୍ତ ଦୁଇ ପର୍ଯ୍ୟନ୍ତ ଶିକ୍ଷାଲାଭ କରିବା ରେ ଡେରାଡୁନ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜୀରେ ବି,ଟେକ ସମାପ୍ତ କରିଛନ୍ତି । ଏହାସହ ସେ ୨୦୧୩ ମସିହାରେ ମିସ୍ ଇଣ୍ଡିଆ ଜିତିଛନ୍ତି । ଅନ୍ୟପଟେ ସେ ୨୦୧୪ ମସିହାରେ ଟାଇମ-୫୦ ତାଲିକାର ୪୯ ନମ୍ବର ସ୍ଥାନରେ ରହିଥିଲେ । ସେ ୨୦୧୮ ମସିହାରେ ହରକସିଂ ରାୱତଙ୍କ ପ୍ରୁଅ ପୁଷ୍ପିତ ରାୱତଙ୍କୁ ବିବାହ କରିଥିଲେ ।
ହରକ ସିଂ ପ୍ରଥମେ ଉତ୍ତରଖଣ୍ଡ କଂଗ୍ରେସର ଜଣେ ବରିଷ୍ଠ ନେତା ଥିଲେ । ହେଲେ ୬ ବର୍ଷ ପୂର୍ବେ ଏକ ଘଟଣା କ୍ରମେ ସେ ବିଜେପିରେ ଯୋଗ ଦେଇଥିଲେ । ହେଲେ ଗତକାଲି ସେ ବିଜେପି ଛାଡି ନିଜ ବୋହୂ ଅନୁକ୍ରିତିଙ୍କ ସହ ପୁଣି କଂଗ୍ରେସରେ ସାମିଲ ହୋଇଛନ୍ତି । ଏନେଇ ଆଶା କରାଯାଉଛି କି ଅନୁକ୍ରିତିଙ୍କୁ କଂଗ୍ରେସ ଉତ୍ତରଖଣ୍ଡର କୌଣସି ବି ଆସନରୁ ପ୍ରାର୍ଥୀ କରିପାରେ ।