ଉତ୍ତରାଖଣ୍ଡରେ କଂଗ୍ରେସ ହେଉଛି ମଜବୁତ, ୬ ବର୍ଷ ପରେ ଦଳକୁ ଫେରିଲେ ଏହି ଟାଣୁଆ ନେତା
କନକ ବ୍ୟୁରୋ : ଦେଶରେ ୫ ଟି ରାଜ୍ୟରେ ଆଗକୁ ରହିଛି ବିଧାନସଭା ନିର୍ବାଚନ । ଏହା ପୂର୍ବରୁ ରାଜନୈତିକ ଦଳର ନେତାମାନଙ୍କ ଦଳ ବଦଳ ଓ କ୍ଷମତା କନ୍ଦଳ ଦେଖି ଭୋଟରମାନେ ଆଶ୍ଚର୍ଯ୍ୟ ହେବାରେ ଲାଗିଛନ୍ତି । ଏହି କ୍ରମରେ ୬ ବର୍ଷ ତଳେ ଉତ୍ତରାଖଣ୍ଡରେ କଂଗ୍ରେସ ସରକାରକୁ ଭାଙ୍ଗି ବିଜେପିରେ ଯୋଗ ଦେଇଥିବା ହରକ ସିଂ ରାୱତ ପୁଣିଥରେ କଂଗ୍ରେସକୁ ଫେରିଛନ୍ତି । ୫ ଦିନ ତଳେ ବିଜେପି ତାଙ୍କୁ ଦଳରୁ ବହିସ୍କାର କରିଥିବା ବେଳେ ସେ କଂଗ୍ରେସରେ ଯୋଗ ଦେଉଥିବା ନେଇ ଆଲୋଚନା ହେଉଥିଲା । କିନ୍ତୁ ଉତ୍ତରାଖଣ୍ଡ କଂଗ୍ରେସ ମୁଖ୍ୟ ତଥା ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ହରିଶ ସିଂ ରାୱତଙ୍କ ବିରୋଧ ଯୋଗ ହରକ ସିଂ କଂଗ୍ରେସରେ ଯୋଗ ଦେଇପାରୁ ନଥିଲେ । ଶେଷରେ ଆଜି ହରକ ସିଂ ହରିଶ ସିଂ ରାୱତଙ୍କ ଉପସ୍ଥିତିରେ କଂଗ୍ରେସରେ ଯୋଗ ଦେଇଛନ୍ତି । କେବଳ ହରକ ସିଂ ନୁହଁନ୍ତି ତାଙ୍କ ବୋହୂ ଅନୁକୃତି ଗୋସାଇ ବି କଂଗ୍ରେସରେ ଯୋଗ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
When Congress wins with full majority on Mar 10, that’ll be my apology (on saying there are no apologies in politics). BJP thought of me as a ‘use & throw’; I was very upset. I didn’t break my friendship with HM Amit Shah till the last moment, as I had promised: Harak Singh Rawat pic.twitter.com/3OgPVzY25t
— ANI (@ANI) January 21, 2022
ଏନେଇ ହରକ ସିଂ ଗଣମାଧ୍ୟମକୁ କହିଛନ୍ତି କି, ସେ ୬ ବର୍ଷ ପୂର୍ବେ ଏହି କାରଣରୁ ବିଜେପିରେ ଯୋଗ ଦେଇଥିଲେ କି ଡବଲ ଇଂଜିନ ସରକାର ରହିଲେ ରାଜ୍ୟରେ ବିକାଶ ହେବ ଓ ଲୋକମାନେ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ଯୋଜନା ଦ୍ୱାରା ଉପକୃତ ହୋଇପାରିବେ । ହେଲେ ୬ ବର୍ଷ ମଧ୍ୟରେ ଲୋକଙ୍କ ବିକାଶରେ ବିଜେପି ସହଯୋଗ କରିପାରି ନଥିବା ସେ ଅଭିଯୋଗ କରିଛନ୍ତି । ଅନ୍ୟପଟେ ବିଜେପି ଦଳରେ ସେ ଅସହାୟ ହୋଇପଡିଥିବା କଥା ବି କହିଛନ୍ତି । ଏହାସହ ସେ ଆଗାମୀ ଦିନରେ କେବଳ ବିଜେପିକୁ ପରାସ୍ତ କରିବାକୁ ପ୍ରୟାସ କରିବେ ବୋଲି ଗଣମାଧ୍ୟମ ଆଗରେ କହିଛନ୍ତି ।