କୋଟିଆ ଗ୍ରାମପୁଞ୍ଜରେ ପାଳନ ହେଲା ଉତ୍କଳ ଦିବସ । ଓଡିଶା ମାଟିରେ ଆସି ଆନ୍ଧ୍ର ବିରୋଧରେ ଗର୍ଜିଲେ ଆନ୍ଧ୍ର ବାସିନ୍ଦା ।
ସୀମା ଆରପଟେ ହେଉନି ବିକାଶ, ଓଡିଶାରେ ମିଶିବାକୁ ପ୍ରସ୍ତୁତ ୧୮ଟି ଗାଁର ଲୋକ
କନକ ବ୍ୟୁରୋ: ଓଡିଶା ମାଟିରେ ଆନ୍ଧ୍ର ବିରୋଧୀ ସ୍ୱର । ଆନ୍ଧ୍ର ବିରୋଧରେ ଗର୍ଜିଲେ ଖୋଦ୍ ଆନ୍ଧ୍ର ବାସିନ୍ଦା । ପ୍ରଥମଥର ପାଇଁ କୋଟିଆ ଗ୍ରାମପୁଞ୍ଜରେ ପାଳନ ହୋଇଛି ଉକ୍ରଳ ଦିବସ । ଜିଲ୍ଲା ପ୍ରଶାସନ ପକ୍ଷରୁ ଆୟୋଜିତ ଉକ୍ରଳ ଦିବସରେ ଓଡିଶାରେ ମିଶିବା ପାଇଁ ଇଚ୍ଛା ପ୍ରକାଶ କରିଛନ୍ତି ଅ।।ନ୍ଧ୍ର କାଡମା ପଂଚାୟତର ୧୮ ଟି ଗାଁର ଲୋକ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ସାଲୁର ମଣ୍ଡଳମର ପୂର୍ବତନ ବ୍ଲକ ଅଧ୍ୟକ୍ଷ ପାଙ୍ଗି ମାଳତୀ ଦୋରାଙ୍କ ନେତୃତ୍ୱରେ ଆନ୍ଧ୍ର ଲୋକ ଉକ୍ରଳ ଦିବସ ସମ୍ମିଳନୀରେ ଯୋଗଦେଇ ଆନ୍ଧ୍ରର ଦୋ ମୁହାଁ ନୀତିକୁ ପଦାରେ ପକାଇଛନ୍ତି । ଏମାନେ ଓଡିଶାରେ ମିଶିବା ପାଇଁ ନିବେଦନ କରିଛନ୍ତି । କୋଟିଆର ବିକାଶକୁ ଦେଖି ସେମାନେ ଓଡିଶାରେ ସାମିଲ ହେବା ପାଇଁ ଦାବି କରିଛନ୍ତି । ସୀମା ଆରପଟେ ଆନ୍ଧ୍ର କୌଣସି ବିକାଶ କରୁନଥିବାବେଳେ କୋଟିଆ ଉପରେ ଖଣିଜ ସଂପଦ ପାଇଁ ଆଖି ପକାଇ ଥିବା ସେମାନେ କହିଛନ୍ତି ।
ଅନ୍ୟପକ୍ଷରେ ଜିଲ୍ଲା ପ୍ରଶାସନ ଉକ୍ରଳ ଦିବସ ପାଳନ କରି ଆନ୍ଧ୍ରକୁ ଖୋଲା ଚ୍ୟାଲେଞ୍ଜ ଦେଇଛି । କୋଟିଆର ବିକାଶ ପାଇଁ ରାଜ୍ୟ ସରକାର ଦେଢଶହ କୋଟି ଟଙ୍କା ଦେଇଥିଲେ । ଆଉ ୨୨ କୋଟି ଟଙ୍କା ଦେବା ପାଇଁ ଜିଲ୍ଲା ପ୍ରଶାସନ ଦାବି କରିଛି । ଏଥିରେ ଜିଲ୍ଲାର ପର୍ଯ୍ୟଟନ କ୍ଷେତ୍ରର ବିକାଶ କରାଯିବ ।