କନକ ବ୍ୟୁରୋ: ୟୁକ୍ରେନ ଉପରେ ଋଷିଆର ଯୁଦ୍ଧ ପ୍ରସ୍ତୁତିକୁ ଦୃଷ୍ଟିରେ ରଖି ନର୍ଥ ଆଟଲାଣ୍ଟିକ୍ ଟ୍ରିଟି ଅର୍ଗାନାଇଜେସନ୍(ନାଟୋ)ର ସଦସ୍ୟ ଦେଶଗୁଡିକ ଏକଜୁଟ ହୋଇଛନ୍ତି । ନାଟୋ ଋଷିଆ ଉପରେ ଚାପ ପକାଇବା ସହ ପୂର୍ବ ୟୁରୋପର ସୁରକ୍ଷା ପାଇଁ ସୋମବାର ଜେଟ୍, ଯୁଦ୍ଧ ବିମାନ ପଠାଇଛି । ୟୁକ୍ରେନ୍ ସୀମାରେ ଋଷିଆ ଲକ୍ଷାଧିକ ସୈନ୍ୟ ମୁତୟନ କରି ଯୁଦ୍ଧ ସ୍ଥିତି ଉପୁଜାଇଥିବାବେଳେ ଏହାକୁ ବିରୋଧ କରି ଆମେରିକା ସମେତ କିଛି ୟୁରୋପୀୟ ରାଷ୍ଟ୍ର ୟୁକ୍ରେନକୁ ସାମରିକ ସହାୟତା ଯୋଗାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନାଟୋ ସଙ୍ଗଠନର ରାଷ୍ଟ୍ରଗୁଡିକ ସୁରକ୍ଷା ଯୋଗାଇବା ପାଇଁ ନାଟୋ ସମସ୍ତ ଆବଶ୍ୟକ ପଦକ୍ଷେପ ନେବ ବୋଲି ଏହି ପାଶ୍ଚତ୍ୟ ମିଲିଟାରୀ ଏଲାଏନ୍ଦର ମହାସଚିବ ଜେନ୍ସ ଷ୍ଟୋଲଟେନବର୍ଗ ଏକ ବିବୃତ୍ତିରେ କହିଛନ୍ତି । ସେହିପରି ପୂର୍ବ ୟୁରୋପ ଓ ବାଲଟିକ୍ସ ଅଞ୍ଚଳ ପାଇଁ କେତେ ହଜାର ଆମେରିକୀୟ ସୈନ୍ୟ ଓ ଅତ୍ୟାଧୁନିକ ଅସ୍ତ୍ରଶସ୍ତ୍ର ଯୋଗାଇବାକୁ ରାଷ୍ଟ୍ରପତି ଜୋ ବାଇଡେନ୍ ନିଷ୍ପତ୍ତି ନେଇଥିବା ଜଣାପଡିଛି ।
ୟୁକ୍ରେନ୍ ସୀମାରେ ଋଷ ଯେପରି ନିଜ ସେନା ଓ ଅସ୍ତ୍ରଶସ୍ତ୍ର ଛାଉଣୀ କରିସାରିଲାଣି ତାକୁ ଦେଖିଲେ ଏହା ୟୁକ୍ରେନ୍ ଉପରେ ଯେ କୌଣସି ସମୟରେ ଆକ୍ରମଣ କରିବା ଜଣାପଡୁଛି । ୟୁକ୍ରେନର ରାଜଧାନୀ କ୍ୱିଭରେ ଥିବା ଦୂତାବାସଗୁଡିକୁ ଆମେରିକା ଓ ବ୍ରିଟେନ ଖାଲି କରିବାରେ ଲାଗିଛି । ଏହାସହ ଆମେରିକା ଦୂତାବସ ପକ୍ଷରୁ ଆମେରିକା ନାଗରିକଙ୍କ ପାଇଁ ଟ୍ରାଭେଲ ଆଡଭାଇଜରୀ ଜାରି କରାଯାଇଛି ।