ପାକିସ୍ତାନକୁ ଆମେରିକାର କଡ଼ା ଚେତାବନୀ ! ଆତଙ୍କବାଦ ଦମନ ପାଇଁ ଇସଲାମବାଦ ବ୍ୟବସ୍ଥା କରୁ ନଚେତ୍ ଉଦ୍ଦେଶ୍ୟ ହାସଲ ପାଇଁ ରାସ୍ତା ବାହାର କରିବ ୱାସିଂଟନ
କନକ ବ୍ୟୁରୋ: ପୁଣି ପାକିସ୍ତାନକୁ ଆମେରିକାର ଚେତାବନୀ । ପାକିସ୍ତାନରେ ଚାଲିଥିବା ଆତଙ୍କବାଦୀ ସଂଗଠନ ବିରୋଧରେ ପାକିସ୍ତାନ କଡା କାର୍ଯ୍ୟାନୁଷ୍ଠାନ ଗ୍ରହଣ କରୁ ବୋଲି ଆମେରିକା ଚେତାବନୀ ଦେଇଛି । ଯଦି ଆତଙ୍କବାଦ ରୋକିବା ଦିଗରେ ଇସଲମାବାଦ କୌଣସି ପଦକ୍ଷେପ ନନିଏ ତେବେ ୱାସିଂଟନ ଏଥିପାଇଁ ରାସ୍ତା ବାହାର କରିବ ବୋଲି କଠୋର ଶବ୍ଦରେ ଶୁଣାଇ ଦେଇଛି ଆମେରିକା ।
Kanak News is now on WhatsApp
Join and get latest news updates delivered to you via WhatsApp
ଆମେରିକୀୟ ସଚିବ ରେକ୍ସ ଟିଲରସନ ସ୍ପଷ୍ଟ କରିଛନ୍ତି ଯେ, ପାକିସ୍ତାନକୁ ଆମେରିକା କେବଳ ସର୍ତମୂଳକ ସହାୟତା ଯୋଗାଇ ଦେବ । ଟିଲରସନ ପାକିସ୍ତାନ ପ୍ରଧାନମନ୍ତ୍ରୀ ସାହିଦ ଖକ୍କନ ଅବାସୀଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିଛନ୍ତି । ଏହାପରେ ଆତଙ୍କବାଦ ପ୍ରସଙ୍ଗରେ ପାକିସ୍ତାନକୁ ଆମେରିକା ଚେତାବନୀ ଦେଇଥିବା ନେଇ ସଙ୍କେତ ଦେଇଛନ୍ତି ଦକ୍ଷିଣ ଏସିଆ ରାଷ୍ଟ୍ରସମୂହ ପାଇଁ ଆମରେିକାର କାର୍ଯ୍ୟକାରୀ ସଚିବ ଏଲିସ ୱେଲ୍ସ । ରେକ୍ସ ଟିଲରସନଙ୍କ ସହ ଏଲିସ ୱେଲ୍ସ ମଧ୍ୟ ପାକିସ୍ତାନ ଗସ୍ତରେ ଥିଲେ ।