‘ଜରୁରୀ କାମ ଅଛି, ୪୦ ହଜାର ଟଙ୍କା ପଠାଅ’ । ମୋଦିଙ୍କ ମନ୍ତ୍ରୀଙ୍କ ନାଁରେ ଫେକ୍ ଆକାଉଣ୍ଟ ଖୋଲି ଟଙ୍କା ମାଗୁଛନ୍ତି ସାଇବର ଲୁଟେରା ।
କନକ ବ୍ୟୁରୋ : ମନ୍ତ୍ରୀଙ୍କ ନାଁରେ ମହାଠକେଇ ଉଦ୍ୟମ । କର୍ମୀଙ୍କୁ ଟଙ୍କା ମାଗୁଛନ୍ତି ମନ୍ତ୍ରୀ । କିନ୍ତୁ ମନ୍ତ୍ରୀ ଅସଲି ନୁହଁନ୍ତି ପୂରା ନକଲି । କାରଣ ଯେଉଁ ଆକାଉଣ୍ଟରୁ ଟଙ୍କା ମଗାଯାଉଛି ତାହା ମନ୍ତ୍ରୀଙ୍କ ଅସଲି ଆକାଉଣ୍ଟ ନୁହେଁ । ଉତ୍ତରପ୍ରଦେଶ ମୋହନଲାଲଗଞ୍ଜର ସାଂସଦ ତଥା କେନ୍ଦ୍ରମନ୍ତ୍ରୀ କୌଶଲ କିଶୋରଙ୍କ ନାଁରେ ଏଭଳି ଏକ ଆକାଉଣ୍ଟ ଖୋଲି ଟଙ୍କା ମଗାଯାଉଥିବାର ଖବର ଏବେ ସାମ୍ନାକୁ ଆସିଛି । ମନ୍ତ୍ରୀଙ୍କ ନାଁରେ କିଛି କର୍ମୀଙ୍କୁ ଟଙ୍କା ମଗାଯାଉଥିବାର ସ୍କ୍ରିନସଟ ଏବେ ସୋସିଆଲ ମିଡ଼ିଆରେ ଭାଇରାଲ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ଫେସବୁକରେ ମନ୍ତ୍ରୀଙ୍କ ନାଁରେ ଖୋଲା ଯାଇଥିବା ଫେକ୍ ଆକାଉଣ୍ଟରୁ ଗତ କେଇଦିନ ପୂର୍ବରୁ ଏକ କର୍ମୀଙ୍କୁ ମେସେଜ ଆସିଥିଲା । ଆଉ ଏଥିରେ ଲେଖାଯାଇଥିଲା ମୁଁ କୌଶଳ କୁମାର ଆପଣଙ୍କ ଠାରୁ ସାହାଯ୍ୟ ଚାହୁଁଛି । ଏଭଳି ମେସେଜ ପାଇବା ପରେ କର୍ମୀ ଜଣକ କହିଥିଲେ ଆପଣ ସତରେ କୌଶଳ କୁମାର ନା ତାଙ୍କର କୌଣସି ପ୍ରଂଶସକ । ଫେକ୍ ଆକାଉଣ୍ଟଧାରୀ ଜଣକ କହିଥିଲେ, ମୁଁ କୌଶଳ କିଶୋର କହୁଛି, ତୁମେ କେଉଁଠି ଅଛ । ଏହାଶୁଣି କର୍ମୀ ଜଣକ କହିଥିଲେ, ମୋ ଭଳି ଗରିବକୁ କିଭଳି ମନେ ପକାଇଲେ । ଏହା ଦେଖି ନକଲି ଆକାଉଣ୍ଟଧାରୀ କହିଥିଲେ ମୋର ଟିକିଏ ସାହାଯ୍ୟ ଦରକାର । ଏକ ଜରୁରୀ କାମ ପାଇଁ ଏବେ କିଛି ଟଙ୍କା ଟ୍ରାନ୍ସଫର କରିପାରିବ । କର୍ମୀ ଜଣକ କହିଥିଲେ, କେତେ ଟଙ୍କା ଦରକାର? ଏହା ଶୁଣି ଯୁବକ ଜଣକ କହିଥିଲେ, ୪୦ ହଜାର ଟଙ୍କା ଦରକାର । ଫୋନ ପେ ନା ଗୁଗୁଲ ପେ କରିବ କୁହ?
ତେବେ ମିଳିଥିବା ସୂଚନା ମୁତାବକ, କର୍ମୀ ଜଣକ ଉକ୍ତ ଆକାଉଣ୍ଟରେ ଟଙ୍କା ଟ୍ରାନ୍ସଫର କରିନଥିଲେ । କିନ୍ତୁ ଏହାର ସ୍କ୍ରିନସଟ୍ ସୋସିଆଲ ମିଡ଼ିଆରେ ଭାଇରାଲ କରିଥିଲେ । ଏହାଜାଣିବା ପରେ କେନ୍ଦ୍ରମନ୍ତ୍ରୀ କୌଶଳ କୁମାର ନିଜର ଅସଲି ଆକାଉଣ୍ଟରୁ ଫେକ୍ ଆଇଡି ସମ୍ପର୍କରେ ଲୋକଙ୍କୁ ସତର୍କ କରିବା ସହ କୌଣସି ବ୍ୟକ୍ତିଙ୍କୁ ଟଙ୍କା ନ ଦେବାକୁ କହିଛନ୍ତି । ଏନେଇ ପୋଲିସକୁ ସୂଚନା ଦିଆଯାଇଛି । ପୋଲିସ ଏବେ ଏହାର ଯାଞ୍ଚ କରୁଛି ।