ଓଡ଼ିଶାରେ ଗଡୁଛି କେତେ ଅନଫିଟ୍ ଗାଡ଼ି? ବିଧାନସଭାରେ ୧୫ ବର୍ଷରୁ ଅତିକ୍ରମ କରିଥିବା ଗାଡ଼ିର ହିସାବ ଦେଲେ ମନ୍ତ୍ରୀ ।
କନକ ବ୍ୟୁରୋ: ଓଡ଼ିଶା ରାସ୍ତାରେ ୧୫ ବର୍ଷ ଅତିକ୍ରମ କରିଥିବା ଗାଡ଼ି କେତେ ଗଡୁଛି? ବିଧାନସଭାରେ ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କୁ ପ୍ରଶ୍ନ କଲେ କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି । ଆଉ ଏହାର ଉତ୍ତରରେ ପରିବହନ ମନ୍ତ୍ରୀ କହିଛନ୍ତି କି, ରାଜ୍ୟରେ ୧୫ ବର୍ଷ ଅତିକ୍ରମ କରିଥିବା ମୋଟ୍ ୬୭୨ଟି ବସ୍, ୧୭ ହଜାର ୪୯୮ଟି ଟ୍ରକ । ମୋଟ୍ ୨୩ ହଜାର ୯୦୪ଟି ଚାରି ଚକିଆ ଯାନ ଚଳାଚଳ କରୁଛି । ସେଥି ମଧ୍ୟରୁ ୪୫୦ଟି ଯାତ୍ରୀବାହି ଯାନ ଥିବାବେଳେ ୨୩ ହଜାର ୪୫୪ଟି ପ୍ରାଇଭେଟ୍ ଗାଡ଼ି ଚଳାଚଳ କରୁଛି ବୋଲି ମନ୍ତ୍ରୀ ଗୃହରେ ଲିଖିତ ଉତ୍ତର ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଦୁଇ ଚକିଆ ଯାନଗୁଡ଼ିକ ପାଇଁ ରାଜ୍ୟ ସରକାରଙ୍କ ଦ୍ୱାରା କୌଣସି ମିଆଦ ରଖାଯାଇନାହିଁ । ସବୁଠାରୁ ବଡ଼କଥା ହେଲା କି, ରାଜ୍ୟରେ ୧୫ ବର୍ଷ ଅତିକ୍ରମ କରିଥିବା ବସ୍ ଟ୍ରକ ଗୁଡ଼ିକୁ ଚଳାଚଳ ନକରିବାର କ୍ଷମତା ମୋଟର ଯାନ ଆଇନ୍ ୧୯୮୮ ଧାରା ୫୯ ଅନୁଯାୟୀ କେନ୍ଦ୍ର ସରକାରଙ୍କ କ୍ଷମତା ପରିସରଭୁକ୍ତ ଅଟେ ବୋଲି ରାଜ୍ୟ ପରିବହନ ମନ୍ତ୍ରୀ ଉତ୍ତର ଦେଇଛନ୍ତି ।