ବେରୋଜଗାରୀରେ ହରିୟାଣା, ଚାକିରୀ ଦେବାରେ ଛତିଶଗଡ ସବୁଠାରୁ ଆଗରେ। ଜାଣନ୍ତୁ ଦେଶର ସ୍ଥିତି କଣ?
କନକ ବ୍ୟୁରୋ: ଭାରତରେ ବେରୋଜଗାରୀ ଦର ନଭେମ୍ବର ମାସରେ ଗତ ୩ ମାସର ସର୍ବୋଚ୍ଚ ସ୍ତରରେ ପହଞ୍ଚିଛି । ସେଣ୍ଟର ଫର ମନିଟରିଂ ଇଣ୍ଡିଆନ ଇକୋନୋମୀ(ସିଏମଆଇଇ)ର ନଭେମ୍ବରର ରିପୋର୍ଟରେ ଏହି ତଥ୍ୟ ସାମ୍ନାକୁ ଆସିଛି । ରିପୋର୍ଟ ଅନୁସାରେ, ବେରୋଜଗାରୀ ମାମଲାରେ ସହରଠାରୁ ଗାଁ ଭଲ ସ୍ଥିତିରେ ରହିଛି । ତେବେ ଆସନ୍ତୁ ଜାଣିବା କେଉଁଠି କେମିତି ରହିଛି ବେରୋଜଗାରୀ ଦର । ଗତ ୧୨ ମାସରେ ରିପୋର୍ଟ ରହିଛି କଣ?
Kanak News is now on WhatsApp
Join and get latest news updates delivered to you via WhatsApp
ନଭେମ୍ବର ମାସରେ ରିପୋର୍ଟରୁ ଜଣାପଡୁଛି ଯେ ସହରରେ ବେରୋଜଗାରୀ ଦର ବୃଦ୍ଧି ପାଇ ୮.୯୬ ପ୍ରତିଶତ ରହିଛି । ସେହିଭଳି ଗାଁରେ ଏହି ସ୍ଥିତି ୭.୨୧ ପ୍ରତିଶତ ରହିଛି । ଅନ୍ୟପଟେ ସର୍ଭେ ରିପୋର୍ଟ ଅନୁସାରେ ଅକ୍ଟୋବର ତୁଳନାରେ ନଭେମ୍ବର ମାସରେ ବରୋଜଗାରୀ ଦର ଯଥେଷ୍ଟ ଅଧିକ ରହିଥିଲା । ଏଭଳି ଏଥିପାଇଁ ହୋଇଥିଲା କାରଣ ଉତ୍ସବଋତୁ କାରଣରୁ ଅନେକ କମ୍ପାନୀ ଲୋକଙ୍କୁ ଚାକିରୀ ପ୍ରଦାନ କରିଥିଲେ । ନଭେମ୍ବର ମାସର ତଥ୍ୟକୁ ଯଦି ଦେଖିବା ତେବେ ସବୁଠାରୁ ଅଧିକ ବେରୋଜଗାରୀ ହରିୟାଣାରେ ରହିଛି । ଏଠାରେ ବେରୋଜଗାରୀ ଦର ୩୦.୬ ପ୍ରତିଶତ ରହିଛି । ସେହିଭଳି ରାଜସ୍ଥାନରେ ୨୪.୫ ପ୍ରତିଶତ ବେରୋଜଗାରୀ ଦର ଥିବା ବେଳେ ଜମ୍ମୁକାଶ୍ମୀରରେ ବେରୋଜଗାରୀ ଦର ୨୩.୯ ପ୍ରତିଶତ ରହିଛି । ବିହାରରେ ୧୭.୩, ତ୍ରିପୁରାରେ ବେରୋଜଗାରୀ ଦର ୧୪.୫ ପ୍ରତିଶତ ରହିଛି ।
ସିଏମଆଇଇ ରିପୋର୍ଟ ଅନୁସାରେ ଛତିଶଗଡ, ଉତ୍ତରାଖଣ୍ଡ, ଓଡିଶା, କର୍ଣ୍ଣାଟକ ଏବଂ ମେଘାଳୟରେ ଏହି ସବୁ ରାଜ୍ୟରେ ବେରୋଜଗାରୀ ଦର ସବୁଠାରୁ କମ ରହିଛି । ନଭେମ୍ବର ମାସରେ ଛତିଶଗଡରେ ବେରୋଜଗାରୀ ଦର ୦.୧ ପ୍ରତିଶତ, ଉତ୍ତରାଖଣ୍ଡରେ ୧.୨ ପ୍ରତିଶତ, ଓଡିଶାରେ ୧.୬ ପ୍ରତିଶତ, କର୍ଣ୍ଣାଟକରେ ୧.୮ ପ୍ରତିଶତ ଏବଂ ମେଘାଳୟରେ ବେରୋଜଗାରୀ ଦର ୨.୧ ପ୍ରତିଶତ ରହିଛି ।
ଗତ ଏକବର୍ଷର ତଥ୍ୟକୁ ଯଦି ଦେଖିବା ଜାନୁଆରୀରେ ବେରୋଜଗାରୀ ଦର ୬.୫୬, ଫେବ୍ରୁଆରୀରେ ୮.୧୧, ମାର୍ଚ୍ଚରେ ୭.୫୭, ଅପ୍ରେଲରେ ୭.୮୩, ମେ ମାସରେ ୭.୧୪ ପ୍ରତିଶତ ବେରୋଜଗାରୀ ଦର ଥିଲା । ସେହିଭଳି ଜୁନ ମାସରେ ଏହା ୭.୮୩, ଜୁଲାଇରେ ୬.୮୩, ଅଗଷ୍ଟରେ ୮.୨୮, ସେପ୍ଟେମ୍ବରରେ ୬.୪୩, ଅକ୍ଟୋବରରେ ୭.୮, ନଭେମ୍ବରରେ ୮.୦୯ ପ୍ରତିଶତ ବେରୋଜଗାରୀ ଦର ରହିଛି ।