କନକ ବ୍ୟୁରୋ : ଏନଆଇଟି ଓଡ଼ିଆ ଛାତ୍ରଙ୍କ କମାଲ । ଗବେଷଣା ଓ ନିଜସ୍ୱ ଜ୍ଞାନ କୌଶଳରେ ଅଣ୍ଡର ୱାଟର ରୋବଟ ତିଆରି କରିଛନ୍ତି ରାଉରକେଲା ଏନଆଇଟିର ଏକ ୧୪ ଜଣିଆ ଟିମ୍ । ଅତ୍ୟାଧୁନିକ ତଥା ଉଚ୍ଚ କ୍ଷମତା ସମ୍ପନ୍ନ ଅଣ୍ଡର ୱାଟର ରୋବଟ କିଭଳି ପାଣି ଭିତରକୁ ଯାଇ ଅନୁସନ୍ଧାନ କରିବାରେ ସକ୍ଷମ ହେଉଛି ତାହା ଦେଖିବାକୁ ମିଳିଛି । ଏହି ୧୪ଜଣିଆ ଟିମରେ ପୂର୍ବତନ ଛାତ୍ର, ଏବେ ପାଠପଢୁଥିବା ଛାତ୍ର ଏବଂ କିଛି ଗବେଷଣା କରୁଥିବା ଛାତ୍ର ସାମିଲ ଅଛନ୍ତି । ୨୦୧୪ରେ ୫ଜଣ ଛାତ୍ରଙ୍କୁ ନେଇ ଏହି ପ୍ରକଳ୍ପର ପରିକଳ୍ପନା କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ପରବର୍ତ୍ତୀ ସମୟରେ ଏହା ଉପରେ ଦୀର୍ଘ ଗବେଷଣା କରାଯାଇ ଷ୍ଟାର୍ଟଅପ୍ କମ୍ପାନୀ କୋରାସିଆ ଟେକ୍ନୋଲୋଜି ପ୍ରାଇଭେଟ୍ ଲିମିଟେଡ଼ ମାଧ୍ୟମରେ ଏହାର ଚୁଡ଼ାନ୍ତୁ ରୂପରେଖ ପ୍ରସ୍ତୁତ ହୋଇଛି । ଯାହାକି ଦେଶ ବିଦେଶରେ ଆଦୃତ ହେବା ସହ ପୁରସ୍କୃତ ମଧ୍ୟ ହୋଇଛି । ଏହି ଅଣ୍ଡର ୱାଟର ରୋବର୍ଟ ପାଇଁ ଗବେଷଣା ଓ ପ୍ରସ୍ତୁତିରେ ପ୍ରାୟ ୫୦ ଲକ୍ଷ ଟଙ୍କା ବ୍ୟୟ ହୋଇଛି । ଏହି ଅଣ୍ଡର ୱାଟର ରୋବଟ ରେଷ୍ଟେରିଓ ମ୍ୟାପିଂ ଓ ୩୬୦ ଡିଗ୍ରୀ କ୍ୟାମେରା ସହିତ ଲିଥିୟମ ପଲିମର ବ୍ୟାଟେରୀ, ଗଭୀର ଜଳ ଭିତରେ ଶଦ୍ଦ, ତରଙ୍ଗ, ଦିଗ, ବେଗ ଓ ସ୍ଥାନ ନିରୁପଣ ପାଇଁ କ୍ଷମତା ସମ୍ପନ୍ନ ଆଇଏମୟୁ ତଥା ଡିଭିଏଲ ୟୁନିଟ୍ ସ୍ଥାପନ କରାଯାଇଛି ।