ଅକ୍ଷୟ କୁମାରଙ୍କୁ WWE ସୁପରଷ୍ଟାର ଅଣ୍ଡରଟେକରଙ୍କ ଫାଇଟିଂ ଚ୍ୟାଲେଞ୍ଜ । ରେସଲିଂ ମୈଦାନରେ ସତ ଲଢେଇ ପାଇଁ ଦେଲେ ନିମନ୍ତ୍ରଣ, ଦେଖନ୍ତୁ କ’ଣ କହିଲେ ଖିଲାଡି ଷ୍ଟାର
କନକ ବ୍ୟୁରୋ : ଡବ୍ଲୁ ଡବ୍ଲୁ ଇ ରେସଲର ଦ-ଅଣ୍ଡରଟେକରକୁ କିଏ ବା ନଜାଣିଛି । ଅଣ୍ଡର ଟକର ଏମିତି ଏକ ରେସଲର ଯିଏକି ଡବ୍ଲୁ ଡବ୍ଲୁ ଇରେ ଏକ ବିଶାଳ ରେକର୍ଡ ସୃଷ୍ଟି କରିପାରିଛନ୍ତି । ସେ ୨୫ ଥରରୁ ୨୩ଥର ରସଲମେନିଆ ଟାଇଟେଲ ଜିତି ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି । ଅଣ୍ଡରଟେକରକୁ ଦ-ଡେଡ୍ ମ୍ୟାନ ଏବଂ ଦ-ବିଷ୍ଟ ବୋଲି ମଧ୍ୟ କୁହାଯାଏ । ଆଉ ଡବ୍ଲୁ ଡବ୍ଲୁ ଇର ଏହି ବିଷ୍ଟ୍ ବଲିଉଡର ଖିଲାଡି କୁମାରଙ୍କୁ ଫାଇଟ ଚ୍ୟାଲେଞ୍ଜ ଦେଇଛନ୍ତି । ଅଣ୍ଡରଟେକଙ୍କ ଟ୍ୱିଟର ମଜାଳିଆ ଢଙ୍ଗରେ ଉତ୍ତର ରଖିଛନ୍ତି ଅକ୍ଷୟ କୁମାର ।
Kanak News is now on WhatsApp
Join and get latest news updates delivered to you via WhatsApp
ଗତ କିଛି ଦିନ ପୂର୍ବେ ଅକ୍ଷୟ କୁମାରଙ୍କ ସୁପରହିଟ୍ ଫିଲ୍ମ ‘ଖିଲାଡିଓ କା ଖିଲାଡି’କୁ ୨୫ ବର୍ଷ ପୁରିଥିଲା । ଆଉ ଏହାକୁ ବେସ୍ ଧୁମଧାମରେ ସେଲିବ୍ରେଟ୍ କରିଥିଲେ ଅକ୍ଷ । ଏହା ସହିତ ସେହି ଫିଲ୍ମରେ ଅଣ୍ଡରଟେକର ସହ ଜଡିତ ଏକ ମିମ୍ ସୋସିଆଲ ମିଡିଆରେ ସେୟାର କରିଥିଲେ । ଏହି ସୋସିଆଲ ମିଡିଆରେ ବେସ୍ ଭାଇରାଲ ହୋଇଛି । ଦର୍ଶକମାନେ ମଧ୍ୟ ଏହି ମିମରେ ଅକ୍ଷୟ କୁମାରଙ୍କ ପ୍ରଶଂସା କରିଥିବା ଦେଖିବାକୁ ମିଳିଛି
ଖିଲାଡିଓ କା ଖିଲାଡି ଫିଲ୍ମରେ ଅକ୍ଷୟ କୁମାର ଅଣ୍ଡରଟେକର ସହ ଫାଇଟ୍ କରିଥିଲେ । ଫିଲ୍ମରେ ଦୁଇଜଣଙ୍କ ମଧ୍ୟରେ ଚାଲିଥିବା ଫାଇଟ୍ ଦର୍ଶକଙ୍କୁ ବେସ୍ ଉତ୍ସାହିତ କରିଥିଲା । କିନ୍ତୁ ଏବେ ଅକ୍ଷୟ କୁମାର ଟ୍ୱିଟ୍ କରି ଦର୍ଶକଙ୍କ ଦ୍ୱନ୍ଦ୍ୱ ଦୂର କରିଛନ୍ତି । ସେ ଟ୍ୱିଟରେ ଲେଖିଛନ୍ତି, ଫିଲ୍ମରେ ଅକ୍ଷୟ ଯାହା ସହ ଫାଇଟ୍ କରୁଛନ୍ତି, ସେ ବାସ୍ତବରେ ଅଣ୍ଡର ଟେକର ନଥିଲେ । ସେ ବ୍ରାୟନ୍ସ ଲି ନାମକ ଜଣେ ବ୍ୟକ୍ତି ଥିଲେ । ଯିଏକି ଅଣ୍ଡରଟେକରର ଭୂମୀକା ନେଇଥିଲେ । ଆଉ ଏହି ମିମକୁ ନେଇ ଅଣ୍ଡରଟେକର ଅକ୍ଷୟ କୁମାରଙ୍କୁ ରିୟଲ ଫାଇଟ୍ ପାଇଁ ଚ୍ୟାଲେଞ୍ଜ କରିଛନ୍ତି । ଟ୍ୱିଟ୍ କରି ଲେଖିଛନ୍ତି, କୁହ କେବେ ରିୟଲ ଫାଇଟ୍ ପାଇଁ ପ୍ରସ୍ତୁତ ହେଉଛ? ଆଉ ଅକ୍ଷୟ କୁମାର ବେସ୍ ମଜାଳିଆ ଢଙ୍ଗରେ ଅଣ୍ଡରଟେକରଙ୍କ ଟ୍ୱିଟର ଉତ୍ତର ରଖିଛନ୍ତି । ଅକ୍ଷୟ ଲେଖିଛନ୍ତି, ପ୍ରଥମେ ମୁଁ ମୋର ଇନ୍ସୁରାନ୍ସ ପଲିସି ଚେକ୍ କରିନିଏ, ତା ପରେ କହିବି! ଏଭଳି ମଜାଳିଆ ରିପ୍ଲାଏ ଦବା ସହ ଏକ ସ୍ମାଇଲ୍ ଇମୋଜି ମଧ୍ୟ ସେଣ୍ଡ କରିଛନ୍ତି ଅକ୍ଷୟ କୁମାର ।