କଳା ତାଲିକାଭୁକ୍ତ ହେବ ଅଜହର? ଜାତିସଂଘ ସୁରକ୍ଷା ପରିଷଦରେ ମସୁଦକୁ କଳା ତାରିକାଭୁକ୍ତ କରିବା ସହ ସମ୍ପତି ଜବତ ପାଇଁ ୩ ଦେଶର ପ୍ରସ୍ତାବ
ଆତଙ୍କବାଦୀ ବିରୋଧୀ ଯୁଦ୍ଧରେ ଭାରତକୁ ମିଳିଲା ଆମେରିକା, ବ୍ରିଟେନ ଓ ଫ୍ରାନ୍ସର ସାଥ୍
କନକ ବ୍ୟୁରୋ: ଆତଙ୍କବାଦୀ ବିରୋଧୀ ଯୁଦ୍ଧରେ ଭାରତକୁ ମିଳିଲା ଆମେରିକା, ବ୍ରିଟେନ ଓ ଫ୍ରାନ୍ସର ସାଥ । ଆତଙ୍କବାଦୀ ସଂଗଠନ ଜୈସ-ଏ-ମହମ୍ମଦକୁ କଳା ତାଲିକାଭୁକ୍ତ କରିବାକୁ ମିଳିତ ଜାତିସଂଘ ସୁରକ୍ଷା ପରିଷଦରେ ପ୍ରସ୍ତାବ ଆଣିଛନ୍ତି ଆମେରିକା,ବ୍ରିଟେନ ଓ ଫ୍ରାନ୍ସ । ଜୈସ-ଏ-ମହମ୍ମଦ ଆତଙ୍କୀ ସଂଗଠନର ମୁଖ୍ୟ କୁଖ୍ୟାତ ଆତଙ୍କବାଦୀ ମସୁଦ ଅଜହରକୁ କଳା ତାଲିକାଭୁକ୍ତ କରିବାକୁ ପ୍ରସ୍ତାବ ଦାବି କରିଛନ୍ତି ଏହି ୩ରାଷ୍ଟ୍ର । ମାସୁଦର ଆନ୍ତର୍ଜାତୀୟ ଯାତ୍ରା ଉପରେ ପ୍ରତିବନ୍ଧକ ଓ ସମ୍ପତିକୁ ଜବତ କରିବାକୁ ଦାବି କରିଛନ୍ତି । ଏହି ପ୍ରସ୍ତାବ ସମୟରେ ଜମ୍ମୁକଶ୍ମୀର ଅବନ୍ତିପୁରା ଆତଙ୍କବାଦୀ ଆକ୍ରମଣ ଘଟଣା ଉଠାଇଛନ୍ତି ତିନି ପ୍ରମୁଖ ରାଷ୍ଟ୍ର ।
Kanak News is now on WhatsApp
Join and get latest news updates delivered to you via WhatsApp
ଏହି ପ୍ରସ୍ତାବ ଉପରେ କିଛି ଆପତି ଥିଲେ ସୁରକ୍ଷା ପରିଷଦର ସଦସ୍ୟ ରାଷ୍ଟମାନେ ଆସନ୍ତା ମାର୍ଚ୍ଚ ୧୩ ତାରିଖ ପର୍ଯ୍ୟନ୍ତ ସେମାନଙ୍କର ମତ ରଖିବା ପାଇଁ ସମୟ ଦିଆଯାଇଛି । ୨୦୦୯ରୁ ଭାରତ ମସୁଦ ଅଜହର ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଆସୁଛି । ତାପରେ୨୦୧୬-୧୭ରେ ମାସୁଦକୁ ଆନ୍ତର୍ଜାତୀୟ ଆତଙ୍କବାଦୀ ଘୋଷଣା କରିବାକୁ ଜାତିସଂଘରେ ପ୍ରସ୍ତାବ ଦେଇଥିଲା ଭାରତ ।
ତେବେ ଚୀନ ଏହି ପ୍ରସ୍ତାବକୁ ବିରୋଧ କରିବା ସହ ଭିଟୋ ପ୍ରୟୋଗ କରି ଏହାକୁ ଅଟକାଇ ଦେଇଥିଲା । ତେବେ ଗତକାଲି ଆମେରିକା , ବ୍ରିଟେନ ଓ ଫ୍ରାନ୍ସ ଏହି ପ୍ରସ୍ତାବ ଆଣିବା ପରେ ଚୀନ ପକ୍ଷରୁ କୌଣସି ପ୍ରତିକ୍ରିୟା ଆସିନାହିଁ । ଅନ୍ୟପଟେ ଆମେରିକାର ବିଦେଶମନ୍ତ୍ରୀ କହିଛନ୍ତି ଆତଙ୍କବାଦ ବିରୋଧରେ ଲଢ଼େଇରେ ଆମେରିକା ଭାରତ ସହ ଅଛନ୍ତି ।