“ଚାକରାଣୀ ରଖନ୍ତୁ, ଦରମା ବିଷୟରେ ପରେ କଥା ହେବା, ପ୍ରଥମେ କାମ ଦେଖନ୍ତୁ”….ତା’ପରେ ୪ ଲକ୍ଷ ଧରି ମାରିଲେ ଚମ୍ପଟ
“ବାସନ ବି ଏମିତି ସଫା କରିବୁ ଯେ, ସେଥିରେ ଆପଣଙ୍କ ମୁହଁ ଦେଖାଯିବ... ”
“ଦିଦି ଆପଣ ଆମର ଦରମା ବିଷୟରେ ପରେ ଭାବିବେ, ପ୍ରଥମେ ଆମର କାମ ଦେଖି ନିଅନ୍ତୁ କି, ଆମେ କେତେ ଭଲ କାମ କରୁଛୁ । ବାସନ ବି ଏମିତି ସଫା କରିବୁ ଯେ, ସେଥିରେ ଆପଣଙ୍କ ମୁହଁ ଦେଖାଯିବ… ” । ଏମିତି ମିଠା ମିଠା କଥା କହି ଦୁଇଜଣ ମହିଳା ନିଜକୁ ଚାକରାଣୀ କହି ସାଉଥ ଏକ୍ସଟେନ୍ସନ ଅଂଚଳର ଏକ କୋଠାରେ ପଶିଗଲେ । ଜଣେ ମହିଳା ରୋଷେଇ ଘରେ ବାସନ ସଫା କରିବାକୁ ଲାଗିଲା ଏବଂ ଅନ୍ୟ ଜଣେ ଝାଡୁ ଉଠାଇ ଘର ସଫା କରିବାକୁ ଲାଗିଲା । ଝାଡୁ କରି କରି କିଛି ମିନିଟରେ ଡ୍ରଇଙ୍ଗ ରୁମ୍ ଓ ବେଡରୁମ୍ ପର୍ଯ୍ୟନ୍ତ ପହଂଚିଗଲେ । ଏବଂ ସେଠି ରଖାହୋଇଥିବା ଗହଣା ଓ ପାଖାପାଖି ୪ ଲକ୍ଷ ଟଙ୍କା ଲୁଟିନେଲେ । ସେହି ଘରେ ପାଖାପାଖି ୮ ଜଣ ସଦସ୍ୟ ଥିଲେ । କିନ୍ତୁ ଉଭୟ ମହିଳା ବହୁତ ଚାଲାକିରେ ମାତ୍ର ୧୦ ମିନିଟ୍ ଭିତରେ ଲକ୍ଷ ଲକ୍ଷ ଟଙ୍କାର ଗହଣା ଓ ଟଙ୍କା ସଫା କରିନେଲେ ।
Kanak News is now on WhatsApp
Join and get latest news updates delivered to you via WhatsApp
ଏହାପରେ ପଡୋଶୀ ମାଉସୀଙ୍କୁ ଧନ୍ୟବାଦ ଦେଇ ଆସୁଛୁ କି, ଆମକୁ ଚାକିରୀ ମିଳିଗଲା ବୋଲି କହି ସେମାନେ ଘରୁ ବାହାରିଗଲେ । ପରେ ଯେତେବେଳେ ଘର ଲୋକ ଆଲମାରୀ ଖୋଲି ଦେଖିଲେ, ଚୋରି ହୋଇଥିବା ଜାଣିଲେ । ଏହି ଘଟଣା ସକାଳ ପାଖାପାଖି ୯ଟା ୪୫ରେ ସାଉଥ ଏକ୍ସ ପାର୍ଟ-୧ ର ସି ବ୍ଲକ୍ ବିଲ୍ଡିଙ୍ଗରେ ଘଟିଛି ।