ବେଆଇନ ଭାବରେ ବାରହା ପାଇଁ ବସାଯାଇଥିବା ବିଦ୍ୟୁତ ଫାଶରେ ପଡି ଗଲା ୨ ଜୀବନ
ଜୀବନ୍ତ ବିଦ୍ୟୁତ୍ ତାର ଫାଶ ୨ ଜଣଙ୍କ ପ୍ରାଣ ନେଇଛି
କନକ ବ୍ୟୁରୋ : ବାରହା ଶିକାର ପାଇଁ ବେଆଇନ୍ ଭାବେ ବସାଇଥିବା ଜୀବନ୍ତ ବିଦ୍ୟୁତ୍ ତାର ଫାଶ ୨ ଜଣଙ୍କ ପ୍ରାଣ ନେଇଛି। ଏହି ଦୁଇଜଣ ହେଲେ, ବଅଁରପାଳ ବ୍ଲକ ଟେଣ୍ଟୋଲୋଇ ଗାଁର ଶୁକଦେବ ନାୟକ(୨୭) ଓ ହିନ୍ଦୋଳ ବ୍ଲକ ରକଲା ଗାଁର ଜ୍ୟୋତିଷ ନାୟକ(୨୨) । ଶୁକଦେବ ତାଙ୍କ ଶ୍ବଶୁରଘର ହିନ୍ଦୋଳ ବ୍ଲକ ରକଲା ଗାଁକୁ ଯାଇଥିଲେ। କୌଣସି କାମରେ ସେଠାରୁ ସେ ରକଲା ଗାଁର ଜ୍ୟୋତିଷଙ୍କ ସହିତ ତାଳବାହାଳିକୁ ଯାଇଥିଲେ। ବିଳମ୍ବିତ ସନ୍ଧ୍ୟାରେ ଉଭୟେ ଏକ ବାଇକରେ ଝାଡ଼ୁବେରଣୀ ପାହାଡ଼ ତଳ ଜଂଗଲିଆ ରାସ୍ତା ଦେଇ ଫେରୁଥିବା ବେଳେ ବାର୍ହା ଶିକାର ପାଇଁ ବସାଯାଇଥିବା ବିଦ୍ୟୁତ ତାର ଫାଶରେ ପଡ଼ି ଯାଇଥିଲେ।
Kanak News is now on WhatsApp
Join and get latest news updates delivered to you via WhatsApp
ରାସ୍ତା ଅନ୍ଧାର ଥିବାରୁ ସେମାନେ ଫାଶକୁ ଦେଖି ପାରିନଥିଲେ। ବିଦ୍ୟୁତ ଆଘାତରେ ଘଟଣାସ୍ଥଳରେ ଜ୍ୟୋତିଷଙ୍କର ମୃତ୍ୟୁ ଘଟିଥିଲା। ଅପରପକ୍ଷରେ ଗୁରୁତର ଅବସ୍ଥାରେ ଶୁକଦେବଙ୍କୁ ହିନ୍ଦୋଳ ଡାକ୍ତରଖାନା ନିଆଯାଇଥିଲା। ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। କଣ୍ଟାବଣିଆ ପୁଲିସ୍ ଘଟଣାସ୍ଥଳରେ ପହଂଚି ଘଟଣାର ତଦନ୍ତ ଚଳାଇଛିି। ଆଜି ମୃତକଙ୍କ ଶବ ବ୍ୟବଚ୍ଛେଦ ହେବ ବୋଲି ଜଣାପଡ଼ିଛି।