ମୋଦିଙ୍କ ଟ୍ୱିଟର ଆକାଉଣ୍ଟରେ ଫେକ ଫଲୋଅର୍ସ ! ଘଣ୍ଟାକରେ ଗାୟବ ହେଲେ ମୋଦିଙ୍କର ୩ଲକ୍ଷ ଫେକ ଅନୁଗାମୀ ।
ଟ୍ୱିଟର କମ୍ପାନୀ ଫେକ ଆକାଉଣ୍ଟ ଫଲୋଅର୍ସଙ୍କୁ ହଟାଇବା ପାଇଁ ଅଭିଯାନ ଆରମ୍ଭ କରିଛି । ଯେଉଁଥିରେ ବିଭିନ୍ନ ପ୍ରତିଷ୍ଠିତ ବ୍ୟକ୍ତି, ରାଜନେତା ମାନଙ୍କର ଫଲୋଅର୍ସ ସଂଖ୍ୟା ହ୍ରାସ ପାଇଛି । ଏହି ପରିକ୍ରମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସବୁଠାରୁ ଅଧିକ ଫେକ ଫଲୋଅର୍ସଙ୍କୁ କ୍ଲିନ କରିଛି ଟ୍ୱିଟର । ଏଥିସହ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, ଏବଂ କେନ୍ଦ୍ରମନ୍ତ୍ରୀ ସୁଷମା ସ୍ୱରାଜଙ୍କ ଫଲୋଅର୍ସ ସଂଖ୍ୟା ମଧ୍ୟ ହ୍ରାସ ହୋଇଛି । ବର୍ତ୍ତମାନ ପର୍ଯ୍ୟନ୍ତ ଟ୍ୱିଟର ଏହି ଅଭିଯାନ ଦ୍ୱାରା ୭ କୋଟି ଫେକ ଆକାଉଣ୍ଟ କୁ ଚିହ୍ନଟ କରି ସମ୍ପୂର୍ଣ୍ଣ ଡିଲିଟ କରିଦେଇଛି । ତେବେ ପୂର୍ବରୁ ପ୍ରଧାନମନ୍ତ୍ରୀଙ୍କ ଟ୍ୱିଟର ଫଲୋଅର୍ସ ସଂଖ୍ୟା ୪ କୋଟି ୩୪ ଲକ୍ଷ ଥିବାବେଳେ ବର୍ତ୍ତମାନ ୪ କୋଟି ୩୧ ଲକ୍ଷକୁ ହ୍ରାସ ପାଇଛି । ସେହିପରି କଂଗ୍ରେସର ଯୁବରାଜ ରାହୁଲ ଗାନ୍ଧୀଙ୍କ ୧୭ ହଜାର ଫେକ ଫଲୋଅର୍ସଙ୍କୁ ଡିଲିଟ୍ କରିଛି ଟ୍ୱିଟର ।
Kanak News is now on WhatsApp
Join and get latest news updates delivered to you via WhatsApp
ପର୍ଯ୍ୟାୟକ୍ରମେ କେନ୍ଦ୍ରମନ୍ତ୍ରୀ ସୁଷମା ସ୍ୱରାଜଙ୍କର ୭୪ ହଜାର, ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରୀୱାଲଙ୍କର ୯୨ ହଜାର ଫେକ ଫଲୋଅର୍ସଙ୍କୁ ହଟାଇ ଦେଇଛି ଟ୍ୱିଟର । ଟ୍ୱିଟର ଦ୍ୱାରା ଆପତିଜନକ ପୋଷ୍ଟ ଏବଂ ସନ୍ଦିଗ୍ଧଙ୍କ ଉପରେ ନଜର ରଖି ଏଭଳି ଫେକ ଫଲୋଅର୍ସଙ୍କୁ ବାଦ ଦେଇଛି ଟ୍ୱିଟର । କେବଳ ଭାରତ ନୁହେଁ, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କର ପାଖାପାଖି ଏକ ଲକ୍ଷ ଫେକ ଫଲୋଅର୍ସଙ୍କୁ ବାଦ ଦିଆଯାଇଥିବାବେଳେ ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମାଙ୍କ ୪ ଳକ୍ଷ ଫଲୋଅର୍ସ ସଂଖ୍ୟା ହ୍ରାସ ହୋଇଛି ।
ବର୍ତ୍ତମାନ ଯେ କୌଣସି ଜିନିଷର ପ୍ରଚାର ପ୍ରସାର କରିବା ପାଇଁ ସୋସିଆଲ ମିଡିଆ ହେଉଛି ଉତ୍ତମ ମାଧ୍ୟମ । ଆଉ ଏବେ ସୋସିଆଲ ମିଡିଆରେ ଚାଲିଛି ଟ୍ୱିଟ୍ ଟ୍ରେଣ୍ଡ । ବିଶେଷ କରି ରାଜନେତାମାନେ ଏହି ସୋସିଆଲ ମିଡିଆର ଏକ ପ୍ରମୁଖ ଅସ୍ତ୍ର ଟ୍ୱିଟଟରେ ନିଜର ମତ ପ୍ରକାଶ କରି ଲୋକଙ୍କ ନିକଟତର ହେବାକୁ ଚାହୁଁଛନ୍ତି । ହେଲେ ଏତିକି ବେଳେ ଦେଶର ଦୁଇ ହେଭିୱେଟ ନେତାଙ୍କୁ ଟ୍ୱିଟର ଦେଇଛି ବଡ ଝଟକା ।