ଉତ୍ତର କୋରିଆକୁ ଆମେରିକାର ପାଲଟା ଆକ୍ରମଣ ! ଟ୍ରମ୍ପ କହିଲେ, ଆମେରିକା ପାଖରେ ଅଛି ଉତ୍ତର କୋରିଆ ଠାରୁ ଶକ୍ତିଶାଳୀ ପରମାଣୁ ବୋମା
କନକ ବ୍ୟୁରୋ : ଆମେରିକା ଓ ଉତ୍ତର କୋରିଆ ମଧ୍ୟରେ ଲାଗିରହିଛି ବିବାଦ । ଉତ୍ତର କୋରିଆ ନିକଟରେ ପରମାଣୁ ବୋମା ଅଛି ଏହାର ସୀମା ଭିତରେ ରହିଛି ଆମେରିକା ଏବଂ ଏହାର ସ୍ୱିଚ ତାଙ୍କ ହାତରେ ରହିଥିବା କହି ଆମେରିକାକୁ ଧମକ ଦେଇଥିଲେ କିମ୍ ଜୋଙ୍ଗ ଉନ୍ । ଏହାପରେ ବୁଧବାର ଦିନ ପାଲଟା ଆକ୍ରମଣ କରିଛି ଆମେରିକା । ଆମେରିକା ନିକଟରେ ବି ପରମାଣୁ ବୋମା ରହିଛି ଯାହା ଅଧିକ ବଡ ଓ ଶକ୍ତିଶାଳୀ ବୋଲି କହିଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଟ୍ୱିଟର ଜରିଆରେ ଆମେରିକାର ଏହି ଜବାବ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଟ୍ରମ୍ପ ତାଙ୍କ ଟ୍ୱିଟରେ କହିଛନ୍ତି ଯେ, ଉତ୍ତର କୋରିଆର ନେତା କିମ୍ ଜୋଙ୍ଗ ଉନ କହିଛନ୍ତି ଯେ ତାଙ୍କ ଡେସ୍କରେ ସବୁବେଳେ ପରମାଣୁ ବୋମାର ସ୍ୱିଚ ଥାଏ । ଜର୍ଜରିତ ଓ ଅନାହାରର ତାଙ୍କ ସାମ୍ରାଜ୍ୟରୁ କିଏ ତାଙ୍କୁ କହିବ କି ପରମାଣୁ ବୋମାର ସ୍ୱିଚ ଆମେରିକା ନିକଟରେ ବି ଅଛି ତାହା ଅଧିକ ବଡ ଓ ଶକ୍ତିଶାଳୀ ଏବଂ ତାହା କାର୍ଯ୍ୟକ୍ଷମ ମଧ୍ୟ । ଦିନକ ତଳେ ନିଜ ଦେଶକୁ ସମ୍ବୋଧନ କଲା ବେଳେ ଏକଛତ୍ରବାଦୀ ଶାସକ କିମ୍ ଜୋଙ୍ଗ ଉନ୍ କହିଥିଲେ ଯେ, ଉତ୍ତର କୋରିଆର ପରମାଣୁ ବୋମାର ସୀମା ଭିତରେ ଆମେରିକା ଆସୁଛି । ଏହାର ସ୍ୱିଚ ସବୁବେଳେ ତାଙ୍କ ଡେସ୍କରେ ରହିଥାଏ ବୋଲି କହିଥିଲେ କିମ୍ ଜୋଙ୍ଗ ଉନ୍ । ଏହାର କଡା ଜବାବ ରଖିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।