କନକ ବ୍ୟୁରୋ: ଭଦ୍ରକର ୧୬ ନଂବର ଜାତୀୟ ରାଜପଥ ରାହାଂଚ ଛକ ନିକଟରେ ଗ୍ୟାସ୍ ଲିକ୍ କାରଣରୁ ପ୍ରାୟ ୧୨ ଘଂଟାରୁ ଅଧିକ ସମୟ ଧରି ବନ୍ଦ ରହିଥିବା ଗାଡି ଚଳାଚଳ ସ୍ୱଭାବିକ ହୋଇଛି । ଗ୍ୟାସ୍ ବୋଝେଇ ଟ୍ୟାଙ୍କର ଦୁର୍ଘଟଣାର ଶିକାର ହେବା ପରେ ଏଥିରୁ ଗ୍ୟାସ୍ ଲିକ୍ ହେବା ଆରମ୍ଭ କରିଥିଲା । ଗ୍ୟାସ୍ ଲିକ୍ କାରଣରୁ ଶୁକ୍ରବାର ରାତିରୁ ରାହାଂଚ ଛକ ଓ ଆଖପାଖ ଅଂଚଳରେ ଆତଙ୍କ ଖେଳିଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ପୁରା ଅଂଚଳକୁ ଗ୍ୟାସ୍ ବ୍ୟାପିବା ପରେ ବିଦ୍ୟୁତ୍ କାଟ୍ କରାଯିବା ସହିତ ରୋଷେଇ ବନ୍ଦ ରଖିବାକୁ ନିବେଦନ କରିଥିଲା ପ୍ରଶାସନ । ଭଦ୍ରକ ଗ୍ରାମାଂଚଳ ପୋଲିସ ଓ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଁଚି ଗ୍ୟାସ୍ ଲିକ୍ ବନ୍ଦ କରିବାକୁ ଉଦ୍ୟମ କରିଥିଲା । ଏହା ବନ୍ଦ ନହେବାରୁ ବାଲେଶ୍ୱର ଓ କଟକରୁ ସ୍ପେଶାଲ ଟିମ୍ ଉଦ୍ୟମ କରି ଗ୍ୟାସ୍ ଲିକ୍ ବନ୍ଦ କରିଥିଲେ । ଏବେ ୧୬ ନଂବର ଜାତୀୟ ରାଜପଥରେ ରାହାଂଚ ଦେଇ ଗାଡି ଚଳାଚଳ ସ୍ୱଭାବିକ ହୋଇଛି । କହିବାକୁ ଗଲେ ଏକ ବଡ ଧରଣର ଅଘଟଣ ବି ଟଳିଯାଇଛି ।