ରାଜ୍ୟର ୧୦ ବର୍ଷରେ ମରିଛନ୍ତି ୮୪୩ ହାତୀ : ବିଧାନସଭାରେ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀଙ୍କ ପ୍ରଶ୍ନର ଉତର ରଖିଲେ ଜଙ୍ଗଲ ଓ ପରିବେଶ ମନ୍ତ୍ରୀ
ବିକ୍ରମ ଆରୁଖ କହିଲେ, ହାତୀ କରିଡର ପୁନଃରୁଦ୍ଧାର ପାଇଁ ଖର୍ଚ୍ଚ ହୋଇଛି ୧୦ କୋଟି ୭୦ ଲକ୍ଷ ଟଙ୍କା
କନକ ବ୍ୟୁରୋ : ରାଜ୍ୟରେ ୧୦ ବର୍ଷରେ ୮ଶହରୁ ଅଧିକ ହାତୀଙ୍କ ମୃତ୍ୟୁ ହୋଇଛି । ୨୦୧୦-୧୧ରୁ ୨୦୨୦-୨୧ ମାର୍ଚ୍ଚ ୨୨ ତାରିଖ ସୁଦ୍ଧା ମୋଟ୍ ୮୪୩ ହାତୀଙ୍କ ମୃତ୍ୟୁ ହୋଇଥିବା ବିଧାନସଭାରେ ସୂଚନା ଦେଇଛନ୍ତି ଜଙ୍ଗଲ ଓ ପରିବେଷ ମନ୍ତ୍ରୀ ବିକ୍ରମ କେଶରୀ ଆରୁଖ । ବିଧାନସଭାରେ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀଙ୍କ ଏ ସଂପର୍କୀତ ଏକ ପ୍ରଶ୍ନର ଉତରରେ ଗୃହକୁ ଏଭଳି ସୂଚନା ଦେଇଛନ୍ତି ବିଭାଗୀୟ ମନ୍ତ୍ରୀ । ହାତୀ-ମଣିଷ ବିବାଦର ସମାଧାନ ପାଇଁ ରାଜ୍ୟ ସରକାର ସ୍ୱଳ୍ପ ମିଆଦୀ ଓ ଦୀର୍ଘ ମିଆଦୀ ଯୋଜନା ସବୁ ହାତକୁ ନେଇଛନ୍ତି । ରାଜ୍ୟରେ ୧୪ଟି ହାତୀ କରିଡର ଓ ୩ଟି ହାତୀ ବସତି ଚିହ୍ନଟ କରି ଏହାର ପୁନରୁଦ୍ଧାର କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ୧୦ ବର୍ଷରେ ଚିହ୍ନଟ ହାତୀ କରିଡରର ପୁନରୁଦ୍ଧାର ପାଇଁ ରାଜ୍ୟ ବଜେଟରେ ବ୍ୟୟବରାଦ କରିବା ସହ କେନ୍ଦ୍ର ସରକାରଙ୍କ କାମ୍ପା ଯୋଜନାରେ ୧୦ କୋଟି ୭୦ ଲକ୍ଷ ୬୯ ହଜାର ଟଙ୍କା ଖର୍ଚ୍ଚ କରାଯାଇଥିବା ମନ୍ତ୍ରୀ ସୂଚନା ଦେଇଛନ୍ତି । ସେହିପରି ହାତୀମାନଙ୍କ ଚଳପ୍ରଚଳ ପାଇଁ ପର୍ଯ୍ୟାପ୍ତ ସ୍ଥାନର ଅଭାବକୁ ଦୂର କରିବା ଉଦ୍ଦେଶ୍ୟରେ ମହାନଦୀ ହାତୀ ସଂରକ୍ଷଣ ଅଂଚଳ ଓ ସମ୍ବଲପୁର ହାତୀ ସଂରକ୍ଷଣ ଅଂଚଳର ଆୟତର ବୃଦ୍ଧି କରିବା ପ୍ରସ୍ତାବ ରାଜ୍ୟ ସରକାରଙ୍କ ବିଚାରାଧୀନ ରହିଛି ।