ରୋଜଗାରର ରାସ୍ତା ଦେଖାଇଛି ଟୋରାକୋଟା କାମ। ଦକ୍ଷତା ବୃଦ୍ଧି ପାଇଁ ସରକାରଙ୍କ ହସ୍ତଶିଳ୍ପ ବିଭାଗ ପକ୍ଷରୁ ଦିଆଯାଉଛି ତାଲିମ।
କନକ ବ୍ୟୁରୋ: କେନ୍ଦ୍ରାପଡା ଜିଲ୍ଲା ମାର୍ଶାଘାଈ ବ୍ଲକ କୁମ୍ଭାରସାହିର ସ୍ୱୟଂସହାୟିକା ଗୋଷ୍ଠୀର ମହିଳାମାନେ ସ୍ୱାବଲମ୍ବୀ ହେବା ପାଇଁ ଆରମ୍ଭ କରିଛନ୍ତି ଟେରାକୋଟା ହସ୍ତଶିଳ୍ପ କାମ । ମାଟିରେ ବିଭିନ୍ନ ପ୍ରକାରର ସାଜସଜ୍ଜା ସାମଗ୍ରୀ ସାଙ୍ଗକୁ ମୁର୍ତ୍ତି ପ୍ରସ୍ତୁତ କରି ଏହାକୁ ବିକ୍ରୟ କରି ଭଲ ରୋଜଗାର କରୁଛନ୍ତି । ଘରର ସମସ୍ତ କାମସାରି ବଳକା ସମୟରେ ଟେରାକୋଟା କାର୍ଯ୍ୟ କରି ରୋଜଗାର ହେଉଥିବା ଅର୍ଥକୁ ନିଜର ପରିବାର ଏବଂ ପିଲା ମାନଙ୍କର ପାଠପଢାରେ ଖର୍ଚ୍ଚ କରୁଛନ୍ତି । ଓଡିଶା ସରକାରଙ୍କ ହସ୍ତଶିଳ୍ପ ବିଭାଗ ପକ୍ଷରୁ ସମସ୍ତ ପ୍ରକାରର ବୈଷୟିକ ଜ୍ଞାନକୌଶଳ ସହିତ ତାଲିମ ଯୋଗାଇ ଦିଆଯାଉଛି । ଗୋଷ୍ଠୀର ସଦସ୍ୟମାନେ ତାଲିମ ପାଇ ମାଟିରେ ସୁନ୍ଦର ସୁନ୍ଦର କଳାକୃତି ନିର୍ମାଣ କରୁଛନ୍ତି । ଏସବୁକୁ ବ୍ୟବସାୟୀମାନେ ତାଙ୍କ ନିକଟରୁ ନେବା ସହିତ ବିଭିନ୍ନ ଦୋକାନ ଏବଂ ମେଳା ମହୋତ୍ସବରେ ଷ୍ଟଲ୍ ଦେଇ ବିକ୍ରୟ କରି ଲାଭବାନ ହୋଇପାରୁଛନ୍ତି । ବଜାରରେ ଲୋକମାନଙ୍କ ମଧ୍ୟରେ ଟେରାକୋଟା ସାମଗ୍ରୀର ବିଶେଷ ଚାହିଦା ଥିବାର ମଧ୍ୟ ଦେଖିବାକୁ ମିଳୁଛି ।
Kanak News is now on WhatsApp
Join and get latest news updates delivered to you via WhatsApp
ମାର୍ଶାଘାଈ ପଞ୍ଚାୟତ କୁମ୍ଭାରସାହିର ରୁଦ୍ରପାଳ ଏବଂ ରତ୍ନେଶ୍ୱରି ପରି ଦୁଇଟି ସ୍ୱୟଂସହାୟିକା ଗୋଷ୍ଠୀର ମହିଳା ସଦସ୍ୟମାନଙ୍କୁ ହସ୍ତଶିଳ୍ପ ବିଭାଗ ପକ୍ଷରୁ ଜଣେ ମାଷ୍ଟରଟ୍ରେନର୍ଙ୍କ ଜରିଆରେ ୬ ମାସିଆ ତାଲିମ ଯୋଗାଇ ଦିଆଯାଇଛି । ଦୁଇଟି ଗୋଷ୍ଠୀରେ ୧୫ ଜଣ କରି ସମୁଦାୟ ୩୦ ଜଣ ମହିଳାମାନଙ୍କୁ ମାଟିରେ ମୁର୍ତୀ ଗଢିବାର କୌଶଳ ଶିଖାଯାଉଛି । ମାଟିକୁ ଚକଟି କାଳକୃତି ନିର୍ମାଣ ପରେ ୨ରୁ ୩ ଦିନ ଖରାରେ ସୁଖାଇଲା ପରେ ଭାଟିରେ ପୋଡ଼ାଯାଇଥାଏ । ଟୋରାକୋଟା ମାଧ୍ୟମରେ ପେନଷ୍ଟାଣ୍ଡ, ଡଷ୍ଟବିନ୍, ଘୋଡା, ହାତୀ, ମାଛ, ବିଭିନ୍ନ ପ୍ରକାରର ଫୁଲ, ଦୀପ, ଠାକୁରଙ୍କ ସନ୍ଦର ସୁନ୍ଦର ମୁର୍ତି ସହିତ ବିଭିନ୍ନ ପ୍ରକାରର ଛୋଟବଡ କଳାକୃତି ନିର୍ମାଣ କରୁଛନ୍ତି ସ୍ୱୟଂ ସହାୟିକା ଗୋଷ୍ଠିର ମହିଳା । ଓଡିଶା ସରକାରଙ୍କର ହସ୍ତଶିଳ୍ପ ବିଭାଗ ପକ୍ଷରୁ ସ୍ୱୟଂସହାୟିକା ଗୋଷ୍ଠୀର ମହିଳାମାନଙ୍କୁ ଟେରାକୋଟା ତାଲିମ ପ୍ରଦାନ କରାଯିବା ସହିତ ଦକ୍ଷତା ବୃଦ୍ଧି କରାଯାଉଛି । ଯାହାଦ୍ୱାରା ମହିଳା ମାନେ ସ୍ୱାବଲମ୍ବୀ ହୋଇପାରୁଛନ୍ତି ।