କନକ ବ୍ୟୁରୋ : ଆନ୍ତର୍ଜାତୀୟ ପରିବେଶକର୍ମୀ ଗ୍ରେଟା ଥନବର୍ଗ ଭାରତରେ ଚାଲିଥିବା କୃଷକ ଆନ୍ଦୋଳନକୁ ସମର୍ଥନ କରି କିଛିଦିନ ଆଗରୁ ଏକ ଟ୍ୱିଟ୍ କରିଥିଲେ । ଏହି ଟ୍ୱିଟ୍ କୁ ନେଇ ସାରା ଦେଶରେ ହଙ୍ଗାମା ସୃଷ୍ଟି ହୋଇଥିଲା । ଏହି ଟ୍ୱିଟରେ ଟୁଲକିଟ୍ ବ୍ୟବହାର ହୋଇଥିବା ନେଇ ପ୍ରମାଣ ମିଳିବା ପରେ ଏହା ଉପରେ ପୋଲିସ କାର୍ଯ୍ୟାନୁଷ୍ଠାନ ପାଇଁ ତତ୍ପର ହୋଇପଡିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହି ମାମଲାରେ ଆଜି ଦିଲ୍ଲୀ ପୋଲିସର ଏକ ସ୍ପେଶାଲ ସେଲ ବେଙ୍ଗାଲୁରୁରୁ ଜଳବାୟୁ କାର୍ଯ୍ୟକର୍ତ୍ତା ଦିଶା ରବିଙ୍କୁ ଗିରଫ୍ କରିଛନ୍ତି । ଫେବୃଆରୀ ୪ ତାରିଖରେ ଏନେଇ ଦିଲ୍ଲୀ ପୋଲିସ ପକ୍ଷରୁ ମାମଲା ରୁଜୁ ହୋଇଥିଲା । ପୋଲିସ ଅଭିଯୋଗ କରିଛି କି ଚାଷୀ ଆନ୍ଦୋଳନ ସହିତ ଜଡିତ ଥିବା ଟୁଲକିଟକୁ ଏଡିଟ୍ କରିବା ପରେ ଦିଶା ରବି ଏହାକୁ ପଠାଇଛନ୍ତି ।
ଜାନୁଆରୀ ୨୬ ତାରିଖରେ କୃଷକ ସଂଗଠନ ମାନଙ୍କ ପକ୍ଷରୁ ହୋଇଥିବା ଟ୍ରାକ୍ଟର ରାଲି ସମୟରେ ଘଟିଥିବା ହିଂସା ଉପରେ ଦିଲ୍ଲୀ ପୋଲିସ ତଦନ୍ତ କରିବା ସହ ଏହି ଟୁଲକିଟ୍ ମାମଲାର ବି ତଦନ୍ତ କରୁଛି ଦିଲ୍ଲୀ ପୋଲିସ । ଏକ୍ସପର୍ଟ ମାନଙ୍କ କହିବା ମୁତାବକ ପରିବେଶବିତ୍ ଗ୍ରେଟା ଥନବର୍ଗ ଟୁଲ୍ କିଟ୍ ମାଧ୍ୟମରେ ଟୁଇଟ୍ କରିଥିଲେ । ଏହା ପରେ ସେ ଏହାକୁ ହଟାଇ ଦେଇଥିଲେ । ପରେ ଜଣାପଡିଥିଲା ଯେ ଏହି ଟୁଲ କିଟ୍ ର ସ୍କ୍ରିପ୍ଟ ରାଇଟର ଏକ ଖଲିସ୍ତାନୀ ସଂଗଠନ । ଦିଶା ରବିଙ୍କୁ ଗିରଫ୍ କରିବା ପରେ ତାଙ୍କୁ ଅଧିକ ପଚରା ଉଚରା ଚଳାଇଛି ଦିଲ୍ଲୀ ପୋଲିସର ସ୍ପେଶାଲ ସେଲ୍ ।