ଟ୍ରିପଲ ତଲାକକୁ ବ୍ୟାନ କରିବା ପାଇଁ ଆଇନ ଆଣିବେ କେନ୍ଦ୍ରସରକାର : ସଂସଦର ଶୀତ ଅଧିବେସନରେ ବିଲ୍ ଆଗତ କରିବା ସମ୍ଭାବନା
କନକ ବ୍ୟୁରୋ : ତିନି ତଲାକ ବ୍ୟବସ୍ଥା ବନ୍ଦ କରିବା ପାଇଁ ଆଇନ ଆଣିବାକୁ ଯାଉଛନ୍ତି ମୋଦି ସରକାର । ସଂସଦର ଶୀତ ଅଧିବେସନରେ ଏ ସଂପର୍କିତ ବିଲ ଆଗତ ହୋଇପାରେ । ଯାହା ଫଳରେ ମୁସଲମାନ ମହିଳାଙ୍କ ଗୌରବ ରକ୍ଷା ହୋଇପାରିବ । ଗତ ଅଗଷ୍ଟ ୨୨ ତାରିଖରେ ଟ୍ରିପଲ ତଲାକକୁ ଅସାମ୍ବିଧାନିକ କହିବା ସହ ଏହା ମୁସଲିମ ମହିଳାଙ୍କ ମୌଳିକ ଅଧିକାରକୁ କ୍ଷୁର୍ଣ୍ଣ କରୁଥିବା କହିଥିଲେ ସୁପ୍ରିମକୋର୍ଟ । ତେଣୁ ଏହାକୁ ସଂପୂର୍ଣ୍ଣ ନିଷିଦ୍ଧ କରିବା ଲାଗି ସରକାର ସଂସଦରେ ଆଇନ ଆଣିବାକୁ କହିଥିଲେ କୋର୍ଟ ।
Kanak News is now on WhatsApp
Join and get latest news updates delivered to you via WhatsApp
କୋର୍ଟଙ୍କ ନିର୍ଦ୍ଦେଶ ଅନୁସାରେ ତିନି ତଲାକକୁ ବ୍ୟାନ କରିବା ଲାଗି ଏକ ଆଇନ ଆଣିବା ପାଇଁ ମନ୍ତ୍ରୀସ୍ତରୀୟ କମିଟି ଗଠନ କରିଛନ୍ତି ମୋଦିସରକାର । କାରଣ ସୁପ୍ରିମକୋର୍ଟଙ୍କ ଶୁଣାଣି ପରେ ମଧ୍ୟ ସୋସିଆଲ ମିଡିଆରେ ତିନିଥର ତଲାକ କହି ବିବାହ ବିଚ୍ଛେଦ କରିବା ଘଟଣା ସାମ୍ନାକୁ ଆସିଛି ।