ନବଯୌବନ ଦର୍ଶନ ବେଳେ ପରିମାଣିକ ଟିକେଟ୍ କଳାବଜାରୀ : ୧୦୦ ଟଙ୍କା ଟିକେଟକୁ ୧୫୦ ଟଙ୍କାରେ ବିକ୍ରି କରାଯାଉଥିବା ଅଭିଯୋଗ
କନକ ବ୍ୟୁରୋ : ଆଉ ଦିନକ ପରେ ରଥଯାତ୍ରା । ଏଥିପାଇଁ ପୁରୀରେ ଭକ୍ତଙ୍କ ଗହଳି ବଢିବାରେ ଲାଗିଛି । ଶ୍ରଦ୍ଧାଳୁଙ୍କ ସୁଅ ଛୁଟିଥିବା ବେଳେ ମହାପ୍ରଭୁଙ୍କୁ ଦର୍ଶନ କରିବା ପାଇଁ ପ୍ରବଳ ଉତ୍କଣ୍ଠା ରହିଛି । ଆଜି ଶ୍ରୀଜିଉଙ୍କ ନବ ଯୌବନ ଦର୍ଶନ କରୁଛନ୍ତି ଭକ୍ତ । ଏହାରି ଭିତରେ ବ୍ଲାକରେ ପାରମାଣିକ ଟିକେଟ ବିକ୍ରି ହେଉଥିବା ଅଭିଯୋଗ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଶ୍ରୀମନ୍ଦିର ଦକ୍ଷିଣ ଦ୍ୱାର ବାହାରେ ଗୁମାସ୍ତାମାନେ ଟିକେଟ ବ୍ଲାକ କରୁଥିବା ସାଂଘାତିକ ଅଭିଯୋଗ ଉଠିଛି । ଭକ୍ତମାନେ ପଇସା ଦେଇ ସୁବିଧାରେ ଠାକୁରଙ୍କୁ ଦର୍ଶନ କରିବା ପାଇଁ ଆଗୁଆ ଟିକେଟ କରିଥାନ୍ତି । ଯାହାକୁ ପାରମାଣିକ ଟିକେଟ ବୋଲି କୁହାଯାଏ । ଏପରିକି ପୋଲିସ ଉପସ୍ଥିତିରେ ଟିକେଟ ବ୍ଲାକ କରାଯାଉଛି । ହେଲେ ଏନେଇ ଅଭିଯୋଗ ହେଇନଥିବା କହିଛନ୍ତି କେନ୍ଦ୍ରାଂଚଳ ଆଇଜି ନରସିଂହ ଭୋଳ ।