ରାଷ୍ଟ୍ରପତି ନିର୍ବାଚନ ପୂର୍ବରୁ ବିରୋଧୀଙ୍କ ହେବ ମେଳି: ବିରୋଧୀଙ୍କୁ ନେଇ ବୈଠକ କରିବେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ
କନକ ବ୍ୟୁରୋ: ଆସନ୍ତା ମାସରେ ଅନୁଷ୍ଠିତ ହେବ ରାଷ୍ଟ୍ରପତି ନିର୍ବାଚନ । ଏହି ନିର୍ବାଚନରେ ବିଜେପିକୁ ଚକମା ଦେବାକୁ ଉଦ୍ୟମ ଆରମ୍ଭ କରିଛନ୍ତି ବିରୋଧୀ । ବିଜେପି ବିରୋଧରେ ରଣନୀତି ପ୍ରସ୍ତୁତ କରିବା ପାଇଁ ଜୁନ ୧୫ରେ ବିରୋଧୀଦଳମାନଙ୍କ ବୈଠକ ଡାକିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ପ.ବଙ୍ଗରେ କ୍ଷମତାସୀନ ମମତାଙ୍କ ଟିଏମସି ସହ କଂଗ୍ରେସର ତିକ୍ତତା ଲାଗି ରହିଛି । ହେଲେ ମମତା ଡାକିଥିବା ବିଜେପି ବିରୋଧୀ ବୈଠକରେ କଂଗ୍ରେ ଯୋଗ ଦେବ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ମମତା ଡାକିଥିବା ବୈଠକରେ କଂଗ୍ରେସର ବରିଷ୍ଠ ନେତା ମଲ୍ଲିକାର୍ଜୁନ ଖଡଗେ, ଜୟରାମ ରମେଶ, ରଣଦୀପ ସୁରଜେୱାଲ ଯୋଗ ଦେବେ ।ଏମାନେ ବିରୋଧୀ ଦଳଗୁଡିକଙ୍କ ସହ ମିଶି ରାଷ୍ଟ୍ରପତି ନିର୍ବାଚନରେ କେମିତି ବିଜେପିକୁ କାଉଂଟର କରିବେ ସେ ବିଷୟରେ ଆଲୋଚନା କରିବେ । ସେପଟେ ବିରୋଧୀ ମେଂଟର ରାଷ୍ଟ୍ରପତି ପ୍ରାର୍ଥୀ ଶରଦ ପାୱାର ହେବେ ବୋଲି ଚର୍ଚ୍ଚା ହେଉଥିଲା । କିନ୍ତୁ ନିଜେ ଶରଦ ପାୱାର ଏହାକୁ ଖଣ୍ଡନ କରିସାରିଛନ୍ତି । ମମତାଙ୍କ ଆଜି ନୂଆ ଦିଲ୍ଲୀରେ ପହଁଚି ଶରଦ ପାୱାରଙ୍କୁ ଭେଟିଛନ୍ତି ।