ରକ୍ତ ନମୂନା ଦେବାକୁ ଭୟ କରି ଗାଁ ଛାଡ଼ିଲେ ଗ୍ରାମବାସୀ । ଗାଁରେ ଡାକ୍ତରୀ ଟିମ୍, ଜଙ୍ଗଲରେ ଗ୍ରାମବାସୀ । ରାୟଗଡ଼ାରେ ଆଜିଠୁ ଆରମ୍ଭ ହୋଇଛି ସେରୋ ସର୍ଭେ
କନକ ବ୍ୟୁରୋ: ଗାଁରେ ଡାକ୍ତରୀ ଟିମ୍, ଜଙ୍ଗଲରେ ଗ୍ରାମବାସୀ । କରୋନା କାଳରେ ରକ୍ତ ନମୂନା ଦେବାକୁ ଭୟ କରୁଛନ୍ତି ଆଦିବାସୀ ଗ୍ରାମବାସୀ । ରାୟଗଡା ଜିଲ୍ଲାରେ ଆଜି ଠାରୁ ସେରୋ ସର୍ଭେ ଆରମ୍ଭ ହୋଇଛି । ଛଅ ବର୍ଷରୁ ଉଦ୍ଧ୍ୱର୍ ଶିଶୁଙ୍କ ସମେତ ବୟସ୍କ ବ୍ୟକ୍ତିଙ୍କ ଠାରୁ ନମୁନା ସଂଗ୍ରହ ହେଉଛି । ଏକ ୯ ଜଣିଆ ଟିମ ରାୟଗଡାରେ ପହଂଚି ଆଜି ଜୁରୁଡି ଗାଁକୁ ଯାଇଥିଲେ । ମେଡିକାଲ ଟିମ୍ ଗାଁରେ ପହଂଚି ଯାହା ଦେଖିଥିଲେ ତାହା ସମସ୍ତଙ୍କୁ ଆଶ୍ଚଯ୍ୟ କରିଛି । ଗାଁରେ ଘରେ ଘରେ ତାଲା ପଡିଥିଲା । କେହି ଘରେ ନଥିଲେ, ଗ୍ରାମବାସୀ ରକ୍ତ ନମୁନା ଦେବାକୁ ଆସିବା ପରିବର୍ତେ ଘରେ ଚାବି ପକାଇ ଜଙ୍ଗଲରେ ଲୁଚି ଥିବା ଜଣାପଡିଥିଲା ।
Kanak News is now on WhatsApp
Join and get latest news updates delivered to you via WhatsApp
ଶିଶୁଙ୍କ ସ୍ୱାସ୍ଥ୍ୟରେ ମହାମାରୀକୁ ପ୍ରତିରୋଧ ନିମନ୍ତେ ଆଟିଂବଡି କିଭଳି ରହିଛି ସେନେଇ ଅଖିଳ ଭାରତିୟ ଚିକିସô୍ା ଅନୁସନ୍ଧାନ ପରିଷଦ ଅର୍ଥାତ୍ ଆଇସିଏମ୍ଆର୍ ପକ୍ଷରୁ ନମୁନା ସଂଗ୍ରହ କରାଯାଉଛି । ରାୟଗଡା ଜିଲ୍ଲାରେ ୧୦ଟି କ୍ଲଷ୍ଟରରେ ଏହି ସେରୋ ସର୍ଭେ କାର୍ଯକ୍ରମ ଅନୁଷ୍ଠିତ ହେବ । ଆଜି ଏହି ଟିମ ରାୟଗଡା ବ୍ଲକ ବାଇସିଙ୍ଗ ପଚାଂୟତ ଜୁରୁଡି ଗାଁରେ ପହଚିଂ ଥିଲେ ବି ନମୁନା ସଂଗ୍ରହ ନିମନ୍ତେ ଗାଁ ଲୋକେ ଆସିବା ବଦଳରେ ନିକଟସ୍ଥ ଜଙ୍ଗଲକୁ ଚାଲି ଯାଇଥିଲେ ।