କନକ ବ୍ୟୁରୋ: ଋଷ ୟୁକ୍ରେନ ଯୁଦ୍ଧରେ ନୂଆ ମୋଡ ଆଣିଛି ପୁଟିନ ବାହିନୀ । ଯୁଦ୍ଧରେ ୟୁକ୍ରେନ ସହ ମୁକାବିଲାରେ ରୁଷକୁ ସଫଳତା ମିଳୁନଥିବା ଯୋଗୁଁ ଏବେ ଆର୍ମି ମୁଖ୍ୟଙ୍କୁ ମଇଦାନକୁ ଓହ୍ଲାଇଛନ୍ତି ରାଷ୍ଟ୍ରପତି ପୁଟିନ । ମସ୍କୋରୁ ଯାଇ ଏବେ ୟୁକ୍ରେନରେ ପହଁଚିଛନ୍ତି ଆର୍ମି ମୁଖ୍ୟ ଭେଲେରୀ ଗେରୋସିମୋ । କଳେ ବଳେ କୌଶଳେ ୟୁକ୍ରେନ ଉପରେ ଜିତ ହାସଲ କରିବା ପାଇଁ ପୁଟିନ ସରକାର ନୂଆ ନୂଆ ରଣନୀତି ଆପଣଉଛନ୍ତି । ତେବେ ଯୁଦ୍ଧକୁ ଆର୍ମି ଚିଫକୁ ଓହ୍ଳାଇବା ଆଗକୁ ହୁଏତ ରକ୍ତାକ୍ତ ସଂର୍ଘଷକୁ ଆହୁରି ତ୍ରୀବ କରିପାରେ ବୋଲି ଚର୍ଚ୍ଚା ହେଉଛିି ।
Kanak News is now on WhatsApp
Join and get latest news updates delivered to you via WhatsApp
ଦେଶର ସେନା ପ୍ରମୁଖ ପଦ ଛାଡି ଯୁଦ୍ଧ ମଇଦାନକୁ ଓହ୍ଲାଇବା ହୁଏତ ଯୁଦ୍ଧର ରୂପରେଖରେ ବଡ ପରିବର୍ତ୍ତନ ଆଣିପାରେ । ପୁଟିନ ବାହିନୀ କୌଣସି ସ୍ୱତନ୍ତ୍ର ମିଲିଟାରୀ ଅପରେସନ ପାଇଁ ଆର୍ମି ମୁଖ୍ୟଙ୍କ ମଇଦାନକୁ ଆଣିବା ଆଗକୁ ଯୁଦ୍ଧରେ ନୂଆ ମୋଡ ଆଣିପାରେ ।
ୟୁକ୍ରେନ ଛାତିରେ ଘନ ଘନ ଆକ୍ରମଣ ଜାରି ରଖିଛି ରୁଷ । ଓଡେଶାର ବିମାନବନ୍ଦରକୁ ଆକ୍ରମଣ କରି ଧ୍ୱଂସ କରିସାରିଛି ରୁଷ । ୟୁକ୍ରେନର ୧୭ଟି ସାମରିକସ୍ଥଳ ଉପରେ ରୁଷ ଜୋରଦାର ଏୟାରଷ୍ଟ୍ରାଇକ କରିଥିଲା । ଏଥିରେ ୨ଶହରୁ ଅଧିକ ସେନା ମୃତ୍ୟୁବରଣ କରିବା ସହ ୟୁକ୍ରେନ ବଡ କ୍ଷତି ସହିିଛି । ସେପଟେ ମାରିୟୁପୋଲର ଜନବସିତ ଅଞ୍ଚଳରେ ମିସାଇଲ ମାଡ କରୁଛି ପୁଟିନସେନା । ସେଠାରେ ଫସି ରହିଥିବା ଲୋକଙ୍କୁ ଉଦ୍ଧାର କରୁଛି ମିଳିତ ଜାତିସଂଘର ଏକ ସ୍ୱତନ୍ତ୍ର ଟିମ ।
ଆକାଶ ପଥରୁ ଘନ ଘନ ଆକ୍ରମଣ, ସ୍ଥଳପଥରେ ଘମାଘୋଟ ଲଢେଇ ଭିତରେ ରୁଷ ଜଳପଥରୁ ବି ଆକ୍ରମଣ ଜାରି ରଖିଛି । ୟୁକ୍ରେନକୁ ଚାରିପଟୁ ଘେରିବା ପାଇଁ କୃଷ୍ଣସାଗରରେ ଶକ୍ତିଶାଳୀ ଯୁଦ୍ଧପୋତ ମୃତୟନ କରିବା ସହ ସମୁଦ୍ର ଗର୍ଭର ମିସାଇଲ ମାଡ କରୁଛି ରୁଷ । ତେବେ ୟୁକ୍ରେନ ରାଷ୍ଟ୍ରପତି ଭୋଲଡମିର ଜେଲେନସ୍କି ଅଭିଯୋଗ କରିଛନ୍ତି ଯେ ତାଙ୍କ ଦେଶକୁ ସମୁଦ୍ରପଥଦେଇ ଚାରିପଟୁ ଘେରିବା ଆରମ୍ଭ କରିଛି ବଡ ଆର୍ଥିକ କ୍ଷତି ପହଁଚାଇବାକୁ ଉଦ୍ୟମ କରୁଛି ରୁଷ ।
ୟୁକ୍ରେନ ଉପରେ ବର୍ବରତା କାଣ୍ଡ ଘଟାଇ ଚାଲିଥିବା ରୁଷ ରାଷ୍ଟ୍ରପତିଙ୍କ ଅସୁସ୍ଥତା ଖବର ଆସୁଥିଲା ତାକୁ ଖଣ୍ଡନ କରିଛି କ୍ରେମଲିନ । ଚର୍ଚ୍ଚା ହେଉଥିବା ଖବର ଏକ ଗୁଜବ କହିଛି କ୍ରେମଲିନ । ନିକଟରେ ରୁଷର କିଛି ଗଣମାଧ୍ୟମରେ ପ୍ରସାରିତ ଖବର ଅନୁଯାୟୀ ରାଷ୍ଟ୍ରପତି ପୁଟିନ ପ୍ୟାନକ୍ରିୟା କ୍ୟାନସରରେ ପୀଡିତ ଅଛନ୍ତି ଓ ଖୁବଶୀଘ୍ର ତାଙ୍କର ଅସ୍ତ୍ରୋପଚାର କରାଯିବ । ଏହି ସମୟରେ ନିଜ କ୍ଷମତାକୁ ସେ କିଛି ଦିନ ପାଇଁ ହସ୍ତାନ୍ତର କରିବେ ବୋଲି ଖବର ପ୍ରଚାର ହୋଇଥିଲା ।
ସୋମବାର ୟୁକ୍ରେନ ରାଷ୍ଟ୍ରପତିଙ୍କୁ ଭେଟିଛନ୍ତି ଆମେରିକା ହାଉସ ଅଫ ରିପ୍ରେଜେନଟେଟିଭ ସଦସ୍ୟ ନନାସି ପିଲୋସି । କିଭରେ ଜେଲେନସ୍କି ଓ ପିଲୋସିଙ୍କ ସାକ୍ଷାତର ହୋଇଥିବା ସୂଚନା ରହିଛି । ସାକ୍ଷାତ ସମୟର ଭିଡିଓକୁ ଜେଲେନସ୍କି ଟୁଇଟ କରିଛନ୍ତି । ୟୁକ୍ରେନକୁ ପୂର୍ଣ୍ଣ ସହଯୋଗ ଓ ସମର୍ଥନ ଯୋଗାଇବା ନେଇ ପୁଣି ପ୍ରତିଶ୍ରୁତି ଦେଇଛି ବାଇଡେନ ପ୍ରଶାସନ