ପ୍ରଶ୍ନପତ୍ର ଲିକ୍ ମାମଲାରେ ମୁହଁ ଖୋଲିଲେ ଅଧ୍ୟାପକ: କହିଲେ, ମୁଁ ନିର୍ଦ୍ଦୋଷ, ତଦନ୍ତରେ କରିବି ସହଯୋଗ
କନକ ବ୍ୟୁରୋ: ସମ୍ବଲପୁର ୟୁନିଭର୍ସିଟିରେ ପ୍ରଶ୍ନପତ୍ର ଲିକ୍ ଘଟଣାରେ ଥାନାରେ ମାମଲା ରୁଜୁ ହେବା ପରେ ତଦନ୍ତ ଆରମ୍ଭ କରିଛି ପୋଲିସ । ବୁର୍ଲା ପୋଲିସର ଦୁଇ ଜଣିଆ ଟିମ୍ ୟୁନିଭର୍ସିଟିରେ ପହଂଚି ତଦନ୍ତ ଆରମ୍ଭ କରିଛନ୍ତି । କେଉଁ ପରିସ୍ଥିତିରେ ପ୍ରଶ୍ନପତ୍୍ର ଲିକ୍ ହେଲା, ସେ ନେଇ ଛାନଭିନ୍ ଚାଲିଛି । ପୂର୍ବରୁ ପୋଲିସ୍ ଅଧିକାରୀ କୁଳପତିଙ୍କୁ ଭେଟିଥିବା ବେଳେ ଏବେ ପରୀକ୍ଷା ନିୟନ୍ତ୍ରକଙ୍କୁ ଭେଟି ପଚରାଉଚରା କରିଛିି । ଏହି ଘଟଣାରେ ସମସ୍ତଙ୍କୁ ପରିସରଭୁକ୍ତ କରାଯିବ ବୋଲି ଏସଡିପିଓ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସମ୍ବଲପୁର ୟୁନିଭର୍ସିଟିରେ ଏଜୁକେସନ, ଫିଜିକ୍ସ ଅନର୍ସ ପେପର ଲିକ୍ ଘଟଣାରେ କୁଚିଣ୍ଡା ମହାବିଦ୍ୟାଳୟ ଅଧ୍ୟକ୍ଷଙ୍କୁ ଚିଠି ଲେଖିଛନ୍ତି ୟୁନିଭର୍ସିଟିର କୁଳପତି । ଅନ୍ୟପଟେ ପ୍ରଶ୍ନପତ୍ର ଲିକ୍ ମାମଲାରେ କାର୍ପଟଦାର ବୋଲି ଅଭିଯୋଗ ହେଉଥିବା କୁଚିଣ୍ଡା କଲେଜ ଅଧ୍ୟାପକ ନିର୍ମଳ ଉର୍ମା ସ୍ପଷ୍ଟୀକରଣ ରଖିଛନ୍ତି । ସେ କହିଛନ୍ତି ଯେ, ପ୍ରଶ୍ନପତ୍ର ଲିକ୍ ନେଇ ତାଙ୍କର କୌଣସି ହାତ ନାହିଁ । ତଦନ୍ତରେ ସମ୍ପୂର୍ଣ୍ଣ ସହଯୋଗ କରିବେ ବୋଲି ସେ କହିଛନ୍ତି । ୟୁନିଭର୍ସିଟିର କୁଳପତି ଏବଂ ପରୀକ୍ଷା ନିୟନ୍ତ୍ରକଙ୍କୁ ଭେଟି ଅଧ୍ୟାପକ ଉର୍ମା ନିଜ ପକ୍ଷ ରଖିଛନ୍ତି ।
ସେପଟେ ବିଧାନସଭାରେ ପ୍ରଶ୍ନପତ୍ର ଲିକ୍ ମାମଲା ଉଠିଛି । ବିରୋଧୀ ଦଳ ଉପନେତା ବିଷ୍ଣୁ ସେଠୀ ଏହି ପ୍ରସଙ୍ଗ ଶୂନ୍ୟକାଳରେ ଉଠାଇ ମନ୍ତ୍ରୀ ଗୃହରେ ବିବୃତି ରଖନ୍ତୁ ବୋଲି ଦାବି କରିଛନ୍ତି ।