କନକ ବ୍ୟୁରୋ : ଛତିଶଗଡ଼ରେ ରାହୁଲ ରେସ୍କୁ ଅପରେସନ୍ରେ ସମସ୍ତଙ୍କ ମନ ଜିତିଥିବା ଏନଡିଆରଏଫ୍ ଟିମ୍ କଟକରେ ପହଁଞ୍ଚିଛନ୍ତି । ମୁଣ୍ଡଳୀ ସ୍ଥିତ ଏନଡିଆରଏଫ୍ ବାଟାଲିୟନରେ ସେକେଣ୍ଡ ଇନ୍ କମାଣ୍ଡ ବର୍ଦ୍ଧମାନ ମିଶ୍ରଙ୍କ ସହ ଟିମର ଯବାନମାନେ ପହଁଞ୍ଚିବା ପରେ ସେମାନଙ୍କୁ ସମ୍ବର୍ଦ୍ଧନା ଦେଇଛନ୍ତି ସାଥୀ ଯବାନ । ରାସ୍ତାର ଦୁଇ କଡ଼ରେ ଛିଡ଼ା ହୋଇ ଫୁଲ ବର୍ଷା କରିବା ସହ ଅଭିବାଦନ ଜଣାଇଥିଲେ । ଜୟ ଯବାନ ଓ ଜୟ ଜଗନ୍ନାଥ ଧ୍ୱନିରେ ଟିମକୁ ସ୍ୱାଗତ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ରାହୁଲ ରେସ୍କ୍ୟୁ ଅପରେସନ୍ରେ ବର୍ଦ୍ଧମାନ ମିଶ୍ର, ଏନଡିଆରଏଫ୍ ଟିମ୍ର ନେତୃତ୍ୱ ନେବା ସହ ରାହୁଲଙ୍କୁ ଉଦ୍ଧାର କରିବାରେ ପ୍ରମୁଖ ଭୂମିକା ତୁଲାଇଥିଲେ । ଏହି ଅପରେସନ୍ରେ ଅନେକ ଚ୍ୟାଲେଞ୍ଜ ରହିଥିଲା, ଏନଡିଆରଏଫ୍ ଇତିହାସରେ ଏହା ଏକ ବଡ଼ ଅପରେସନ୍ ବୋଲି କହିଛନ୍ତି ବର୍ଦ୍ଧମାନ ।