ଧୀରେ ଧୀରେ ଅନୁକୂଳ ହେଉଛି ପାଗ । ଆସନ୍ତା ସପ୍ତାହରେ ଓଡ଼ିଶା ଛୁଇଁପାରେ ମୌସୁମୀ
କନକ ବ୍ୟୁରୋ: କିଛି ଦିନ ହେଲା ପଶ୍ଚିମ ଓଡ଼ିଶାରେ ତାତି ଓ ଉପକୂଳ ଓଡ଼ିଶାରେ ପ୍ରବଳ ଗୁଳୁଗୁଳିରେ ତ୍ରାହି ତ୍ରାହି ଡାକୁଥିବା ଓଡ଼ିଶାବାସୀଙ୍କ ପାଇଁ ଆସିଲା ଆଶ୍ୱସ୍ତି କଲା ଭଳି ଖବର । ପାଣିପାଗ ବିଭାଗ ଆକଳନ କରିଛି, ମୌସୁମୀ ବାୟୁ ଓଡ଼ିଶା ପହଁଚିବା ପାଇଁ ପାଗ ଧୀରେ ଧୀରେ ଅନୁକୂଳ ହେଉଛି । ଜୁନ ୧୫ କିମ୍ବା ୧୬ ତାରିଖରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ ଓଡ଼ିଶାର କିଛି ଅଂଶ ଛୁଇଁପାରେ ।
Kanak News is now on WhatsApp
Join and get latest news updates delivered to you via WhatsApp
ପାଣିପାଗ ବିଭାଗ ଜାରି କରିଥିବା ମୌସୁମୀ ବାୟୁ ଗତିପଥର ରେଖାଚିତ୍ରରେ ପୂର୍ବରୁ ଆକଳନ କରାଯାଇଥିଲା, ଜୁନ ୧୦ ତାରିଖରେ ଓଡ଼ିଶା ନିକଟବର୍ତି ହୋଇଥାନ୍ତା ମୌସୁମୀ ବାୟୁ । ହେଲେ ଏ ନେଇ ପାଗ ଅନୁକୂଳ ନହେବାରୁ ଏଥିରେ ବିଳମ୍ବ ହୋଇଛି ।
- ରାଜ୍ୟରେ ପ୍ରାକ୍-ମୌସୁମୀର ପ୍ରଭାବ ଆରମ୍ଭ
- ଆସନ୍ତା ୪ ଦିନ ମଧ୍ୟରେ ୩ ଡିଗ୍ରୀ ପର୍ଯ୍ୟନ୍ତ ତଳକୁ ଖସିପାରେ ତାପମାତ୍ରା
ଗତ କିଛି ଦିନ ଧରି ପ୍ରଚଣ୍ଡ ଗ୍ରୀଷ୍ମ ପ୍ରବାହ ପରେ ଗତ ଦୁଇ ଦିନ ହେଲା ଉପକୂଳ ଓଡ଼ିଶାରେ ପାଗ ମେଘୁଆ ରହିଛି । ଆଗାମୀ ୫ ଦିନ ଯାଏଁ କାଳବୈଶାଖୀ ବର୍ଷାର ସମ୍ଭାବନା ଥିବାରୁ ତାପମାତ୍ରା ଅପେକ୍ଷାକୃତ କମ୍ ରହିବ ବୋଲି ଆକଳନ କରିଛି ଆଂଚଳିକ ପାଣିପାଗ କେନ୍ଦ୍ର । ବିଶେଷକରି ଦକ୍ଷିଣ ଓଡ଼ିଶାରେ ବର୍ଷା ହେବା ସମ୍ଭାବନା ଅଧିକ ରହିଛି । ଆସନ୍ତା ୨୪ ଘଣ୍ଟାରେ ଗଂଜାମ, ଗଜପତି, ପୁରୀ, ବରଗଡ଼, ଝାରସୁଗୁଡ଼ା, ସୁନ୍ଦରଗଡ଼, କେନ୍ଦୁଝର, ମୟୂରଭଂଜ, ଭଦ୍ରକ, ଯାଜପୁର, ବାଲେଶ୍ୱର ଆଦି ଜିଲ୍ଲା ଓ ଅନ୍ୟ କିଛି ସ୍ଥାନରେ ଘଡ଼ଘଡ଼ି ସହ ବର୍ଷା ହେବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ ।