କାଶୀପୁରରେ ଝାଡବାନ୍ତି ପ୍ରସଙ୍ଗ: ଦୂଷିତ ପାଣି ପାଇଁ ବ୍ୟାପୁଛି ରୋଗ, ବିଧାନସଭାରେ ବିବୃତ୍ତି ରଖିଲେ ସଂସଦୀୟ ବ୍ୟାପାର ମନ୍ତ୍ରୀ।
କନକ ବ୍ୟୁରୋ: ରାୟଗଡା ଜିଲ୍ଲୀ କାଶୀପୁରରେ ଝାଡବାନ୍ତି ବ୍ୟାପିବର କାରଣ ଦୂଷିତ ପାଣି । ବିଧାନସଭାରେ ଏନେଇ ବିବୃତ୍ତି ରଖିଛନ୍ତି ସଂସଦୀୟ ବ୍ୟାପର ମନ୍ତ୍ରୀ ନିରଞ୍ଜନ ପୂଜାରୀ । ଗତ କିଛି ଦିନ ଧରି କାଶୀପୁରେ ଛାଡବାନ୍ତି ବ୍ୟାପିବାରେ ଲାଗିଛି । ବର୍ତ୍ତମାନ ସୁଦ୍ଧା ଏଥିରେ ୭୦ ଜଣ ଆକ୍ରାନ୍ତ ହୋଇଥିବା ବେଳେ ୫ ଜଣଙ୍କ ଅବସ୍ଥା ଗୁରୁତର ରହିଛି । ସେପଟେ ୭ ଜଣଙ୍କ ମୃତ୍ୟୁ ହୋଇସାରିଛି । ଡାଇରିଆରେ ଜଣଙ୍କ ପରେ ଜଣଙ୍କ ମୃତ୍ୟୁ ରାଜ୍ୟ ସରକାରଙ୍କ ଚିନ୍ତା ବଢାଇ ଦେଇଛି । ଏହାରି ଭିତରେ ଡାଇରିଆ ସ୍ଥିତି ପରଖିବା ପାଇଁ ଆରଏମ୍ଆରସିର ସ୍ୱତନ୍ତ୍ର ବିଶେଷଜ୍ଞ ଦଳ ଟିକିରିରେ ପହଞ୍ଚିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଡାକ୍ତର ବିଭୁତି ଭୂଷଣ ପାଲଙ୍କ ନେତୃତ୍ୱରେ ଆରଏମ୍ଆରସିର ସ୍ୱତନ୍ତ୍ର ବିଶେଷଜ୍ଞ ଦଳ ଆଜି କାଶୀପୁର ବ୍ଲକ ଡାଇରିଆ ପ୍ରଭାବିତ ଅଞ୍ଚଳ ଗସ୍ତ କରିଛନ୍ତି । ସ୍ଥିତି ଅନୁଧ୍ୟାନ କରିବା ସହ ପ୍ରଭାବିତ ଗ୍ରାମଗୁଡିକରେ ଜଳ ଓ ମଳ ନମୁନା ସଂଗ୍ରହ କରାଯାଉଛି । ଏଥିସହ ଜିଲ୍ଲା ଜନସ୍ୱାସ୍ଥ୍ୟ ଲ୍ୟାବ ରିପୋର୍ଟ ମଧ୍ୟ ଅନୁଧ୍ୟାନ କରିବେ ଆରଏମ୍ଆରସିର ବିଶେଷଜ୍ଞ ଦଳ ।