ଏଲଏସିରେ ଭାରତ ଓ ଚୀନ୍ ସେନା ମୁହାଁମୁହିଁ ପରିସ୍ଥିତି : ରେଜାଙ୍ଗ ଲାରେ ଦୁଇ ଦେଶର ସେନା ମୁହାଁମୁହିଁ, ଭାରତୀୟ ସେନାକୁ ହଟାଇବାକୁ ଚୀନର ପ୍ରୟାସ; ରେଜାଙ୍ଗ ଲାରେ ୪୦ରୁ ୫୦ ସୈନ୍ୟ ଥିବା ସୂଚନା
କନକ ବ୍ୟୁରୋ : ଏଲଏସିରେ ଭାରତ ଓ ଚୀନ୍ ସେନା ମୁହାଁମୁହିଁ ପରିସ୍ଥିତି । ରେଜାଙ୍ଗ ଲାରେ ଦୁଇ ଦେଶର ସେନା ମୁହାଁମୁିହିଁ ହୋଇଛନ୍ତି । ଭାରତୀୟ ସେନାକୁ ହଟାଇବାକୁ ଚୀନ ପ୍ରୟାସ କରୁଛି । ରେଜାଙ୍ଗ ଲାରେ ୪୦ରୁ ୫୦ ସୈନିକ ଥିବା ସୂଚନା ରହିଛି । ପୂର୍ବଭଳି ଗତକାଲି ରାତିରେ ମଧ୍ୟ ଅନ୍ଧାର ରାତିର ସୁଯୋଗ ନେଇ ପେଙ୍ଗଙ୍ଗ ହ୍ରଦର ଦକ୍ଷିଣ ପାଶ୍ୱର୍ରେ ଥିବା ସୋପୋଆ ମାଇନଟେନ ଟପ୍ସରେ ଭାରତୀୟ ସେନାର ଏକ କ୍ୟାମ୍ପ ନିକଟରେ ଫଲ୍ସ ଫାୟାରିଙ୍ଗ୍ କରିଥିଲେ ପିପୁଲସ ଲିବରେସନ ଆର୍ମିର ଯବାନ । ଏହାର ଜବାବରେ ଭାରତୀୟ ସେନା ପାଲଟା ଜବାବ ଦେଇଛି । ଫଳରେ ଚୀନ ସେନାକୁ ପଛ ଘୁଂଚା ଦେବାକୁ ବାଧ୍ୟ ହୋଇଛି । ସୋପୋଆ ଟପସ ସାମରୀକ ଦୃଷ୍ଟି କୋଣରୁ ବେଶ୍ ଗୁରୁତ୍ୱ ବହନ କରୁଛି । ଏଠାରେ ଭାରତର ସ୍ଥିତି ମଜଭୁତ ରହିଛି । ଏଥିପାଇଁ ଚୀନ ସେନା ଏହାକୁ ନିଜ କବଜାକୁ ନେବାକୁ ପ୍ରୟାସ ଜାରି ରଖିଛି । ଯାହାକୁ ପଣ୍ଡ କରିଦେଇଛନ୍ତି ଭାରତୀୟ ସେନା । କାଲାଟପ୍ ଓ ହେଲମେଟ ଟପକୁ ଚୀନ ସେନା କବଜା କରିବା ପରେ ଭାରତୀୟ ସେନା ସମ୍ପୂର୍ଣ୍ଣ ସତର୍କ ରହିଛି । ତେଣୁ ଚୀନ ଅନୁପ୍ରବେଶ ଉଦ୍ୟମ କରିବା ମାତ୍ରେ ତାକୁ କଡା ଜବାବ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ୧୯୭୫ ପରେ ଏଲଏସିରେ ଦୁଇ ଦେଶର ସେନା ମଧ୍ୟରେ ଏହା ପ୍ରଥମ ଗୁଳି ମାଡ ବୋଲି କୁହାଯାଉଛି । ଏପରିକି ଗଲୱାନ ଘାଟିରେ ହୋଇଥିବା ବଡ ସଂଘର୍ଷରେ ମଧ୍ୟ ଗୁଳି ବିନିମୟ ହୋଇନଥିଲା । ଏହି ଘଟଣା ପରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କୁ ଏଲଏସିର ସ୍ଥିତି ନେଇ ସେନା ମୁଖ୍ୟ ସମସ୍ତ ସୂଚନା ଦେଇଛନ୍ତି । ଏବଂ ଆଜି ସନ୍ଧ୍ୟା ପ୍ରତିରକ୍ଷାମନ୍ତ୍ରୀ, ସିଡିଏସ୍ ବିପିନ୍ ରାୱତ ଓ ତିନି ସେନା ମୁଖ୍ୟଙ୍କ ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ବୈଠକ ବସିବ ।