କୋରାପୁଟ ଲକ୍ଷ୍ମୀପୁର ଷ୍ଟେଟବ୍ୟାଙ୍କରୁ ଚୋରି ସୁନାର ହେଲା ପର୍ଦ୍ଦାଫାଶ । ପୂର୍ବତନ ବ୍ୟାଙ୍କ କର୍ମଚାରୀ ଶେଖର କୁଳଦୀପିଆ ଚୋରି କରିଥିବା ସୂଚନା
କନକ ବ୍ୟୁରୋ : କୋରାପୁଟ ଲକ୍ଷ୍ମୀପୁର ଷ୍ଟେଟବ୍ୟାଙ୍କରୁ ଚୋରି ସୁନାର ହେଲା ପର୍ଦ୍ଦାଫାଶ । ସୁନା ଚୋରୀର ପରଦା ହଟାଇଲା ଲକ୍ଷ୍ମୀପୁର ପୋଲିସ । ୧ କେଜି ୧୮୯ ଗ୍ରାମ ସୁନା ଜବତ କରିଛି ପୋଲିସ । ପୂର୍ବତନ କର୍ମଚାରୀ ଶେଖର କୁଳଦୀପିଆ ଏହି ସୁନା ଚୋରୀ କରିଥିଲେ । ସମ୍ପୃକ୍ତ କର୍ମଚାରୀ କେମିତି ଚୋରୀ କରିଥିଲେ ସେନେଇ ସବିଶେଷ ସୁଚନା ଦେଇଛି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ତେବେ ବଳକା ସୁନାକୁ ବିକ୍ରି କରି ନିଜ ନାଁରେ ଜମି କିଣିବା ସହ କିଛି ନଗଦ ଟଙ୍କା ପାଖରେ ରଖିଥିଲା ଲୁଟେରା । ୨ ଲକ୍ଷ ୯୫ ହଜାର ନଗଦ ଟଙ୍କା ଓ ଜମିର କାଗଜ ପତ୍ର ଜବତ କରିଛି ପୋଲିସ । ଏନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି କୋରାପୁଟ ଏସପି । ନାରାୟଣପାଟଣା ବିକ୍ରମପୁର ଅଂଚଳର ଏହି କର୍ମଚାରୀଙ୍କ ଘରୁ ଚୋରୀ ସୁନା ଜବତ ହୋଇଛି । ପୁଲିସ ସିସିଟିଭି ଆଧାରରେ କର୍ମଚାରୀଙ୍କ ଘରେ ଚଢାଉ କରିଥିଲା । ରାତି ସାରା ବ୍ୟାଙ୍କରେ ଲୁଟ୍ କରିଥିଲେ ସମ୍ପୃକ୍ତ କର୍ମଚାରୀ । ଗ୍ରାହକ ହିସାବରେ ଯାଇ ସର୍ଭର ରୁମରେ ଲୁଚି ରହି ଚୋରୀ କରିଥିବା ସୁଚନା ଦେଇଛି ପୋଲିସ । ନଭେମ୍ବର ୩୦ ତାରିଖରେ ସୁନା ଚୋରି ହୋଇଥିଲା । କୋରାପୁଟ ଲକ୍ଷ୍ମୀପୁର ଷ୍ଟେଟବ୍ୟାଙ୍କ ଲକରରୁ ୧ କେଜି ୬୧୦ ଗ୍ରାମ ସୁନା ଗାଏବ ହୋଇଯାଇଥିଲା । ଏହାର ମୂଲ୍ୟ ପ୍ରାୟ ଦେଢ କୋଟି ହେବ । ଏ ନେଇ ସଂପୃକ୍ତ ବ୍ୟାଙ୍କ ପରିଚାଳକ ଶୁକ୍ରବାର ଦିନ ଥାନାରେ ଏତଲା ଦେଇଥିଲେ । କର୍ମଚାରୀ ଜଣଙ୍କ ୨୧ ପ୍ୟାକେଟ୍ ସୁନା ଚୋରୀ କରିଥିବା ପୋଲିସ ସୁଚନା ଦେଇଛି ।