କନକ ବ୍ୟୁରୋ : ରେସଲର ବିବାଦକୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଟ୍ୱିଟ୍ ମାଧ୍ୟମରେ କେନ୍ଦ୍ର ସରକାରଙ୍କୁ ଘେରିଛନ୍ତି । ସେ ତାଙ୍କ ଟ୍ୱିଟରେ ହରିଆଣାର ମନ୍ତ୍ରୀଙ୍କ ଠାରୁ ଆରମ୍ଭ କରି କୁସ୍ତସଂଘର ଅଧ୍ୟକ୍ଷଙ୍କ ଉପରେ ମଧ୍ୟ ବର୍ଷିଛନ୍ତି । ସେ କହିଛନ୍ତି କି କୁସ୍ତିସଂଘ ଅଧ୍ୟକ୍ଷଙ୍କ ଉପରେ ଗମ୍ଭୀର ଅଭିଯୋଗ ଆସିଥିଲେ ମଧ୍ୟ ସେ କାହିଁକି ଇସ୍ତଫା ଦେଉ ନାହାଁନ୍ତି । ଏହାସହ ସରକାର କାହିଁକି ବ୍ରିଜଭୂଷଣ ଶରଣ ସିଂଙ୍କ ଉପରେ କାର୍ଯ୍ୟାନୁଷ୍ଠାନ କରୁନାହାଁନ୍ତି ବୋଲି ସେ ପ୍ରଶ୍ନ କରିଛନ୍ତି । ସେ ଅଭିଯୋଗ କରିଛନ୍ତି କି ଦେଶର ମହିଳା ଖେଳାଳୀଙ୍କ ସୁରକ୍ଷା ମାମଲାରେ ବିଜେପି ଓ କେନ୍ଦ୍ର ସରକାର ନିଜ ନେତାମାନଙ୍କୁ ସୁରକ୍ଷା ଦେବାକୁ ଚେଷ୍ଟା କରୁଛନ୍ତି । ଏହା ଲଜ୍ଜାଜନକ ବୋଲି ସେ କହିଛନ୍ତି ।
ସେପଟେ ମହିଳା ରେସଲରଙ୍କ ଧାରଣା ଆଜି ତୃତୀୟ ଦିନରେ ପହଂଚିଛି । ଏହି ଧାରଣାକୁ ସମର୍ଥନ ଦେବାକୁ ଆଜି ବକ୍ସର ବିଜେନ୍ଦରସିଂ ଧାରଣା ସ୍ଥଳରେ ପହଂଚିଛନ୍ତି । ସେ କହିଛନ୍ତି କି ମୁଁ ରେସଲରଙ୍କ ସହିତ ଅଛି ।
हरियाणा के मिनिस्टर से लेकर WFI के अध्यक्ष तक पर गंभीर आरोप लगे, लेकिन ना इस्तीफ़े हुए, ना कार्रवाई। देश की महिला खिलाड़ियों की सुरक्षा के मसले पर इनकी पार्टी और सरकार अपने नेताओं को बचाने में लगी हैं। ये बेहद शर्मनाक है।
— Arvind Kejriwal (@ArvindKejriwal) January 20, 2023
ଅନ୍ୟପଟେ ଭାରତୀୟ ମହିଳା ରେସଲରମାନେ କୁସ୍ତିସଂଘର ଅଧ୍ୟକ୍ଷ ବ୍ରିଜଭୂଷଣଙ୍କ ଉପରେ ଲଗାଇଥିବା ଅସଦାଚରଣ ଅଭିଯୋଗର ଜବାବ ଦେବାକୁ ପ୍ରସ୍ତୁତ ହେଉଛନ୍ତି ବ୍ରିଜ ଭୂଷଣ । ପ୍ରଥମେ କୁହାଯାଉଥିଲା କି ସେ ମଧ୍ୟାହ୍ନ ୧୨ଟାରେ ସାମ୍ବାଦିକ ସମ୍ମିଳନୀ କରି ଏହାର ଜବାବ ଦେବେ । ହେଲେ ଏବେ ସୂଚନା ମିଳିଛି କି ଅପରାହ୍ନ ୪ଟା ବେଳେ ସେ ସାମ୍ବାଦିକ ସମ୍ମିଳନୀ କରିବେ ।