୫ରାଜ୍ୟକୁ ସତର୍କ କଲେ କେନ୍ଦ୍ର ସରକାର: ସଂକ୍ରମିତଙ୍କ ସଂଖ୍ୟା ବୃଦ୍ଧି ନେଇ ଚିନ୍ତା ପ୍ରକଟ
କନକ ବ୍ୟୁରୋ: ଗୁଜରାଟରେ ଓମିକ୍ରନର ଉପପ୍ରଜାତି ଏକ୍ସଇ କରୋନା ଭୂତାଣୁର ପ୍ରଥମ ମାମଲା ଚିହ୍ନଟ ହୋଇଥିବା ସୂଚନା ମିଳିଛି । କିଛି ଦିନ ପୂର୍ବରୁ ମୁମ୍ବାଇରୁ ଗୁଜରାଟ ଯାଇଥିବା ଜଣେ ବ୍ୟକ୍ତି ପ୍ରଥମେ କରୋନା ସଂକ୍ରମିତ ଚିହ୍ନଟ ହୋଇଥିଲେ । ପରେ ଜିନୋମ ସିକ୍ୱେନ୍ସିଂରୁ ସେ ଏକ୍ସଇ ଭ୍ୟାରିଆଂଟ ସଂକ୍ରମିତ ଥିବା ସ୍ପଷ୍ଟ ହୋଇଥିଲା । ତେବେ ତାଙ୍କ ନିକଟରେ କୌଣସି ଗୁରୁତର ଲକ୍ଷଣ ଦେଖାଯାଇନଥିଲା ଏବଂ ସେ ସପ୍ତାହକ ମଧ୍ୟରେ ସୁସ୍ଥ ହୋଇଯାଇଥିଲେ ବୋଲି ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଦେଶରେ ପାଂଚ ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାକୁ ନେଇ କେନ୍ଦ୍ର ସରକାର ଚିନ୍ତା ପ୍ରକଟ କରିଛନ୍ତି । କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେଶ ଭୂଷଣ ଏ ନେଇ ରାଜ୍ୟ ଗୁଡିକୁ ଚିଠି ଲେଖି ସତର୍କ ରହିବା ସହ କଡ ନଜର ରଖିବାକୁ ନିର୍ଦ୍ଦେଶ ଦେଇଛନ୍ତି ।
ସତର୍କ ରହିବାକୁ ପରାମର୍ଶ
– ଦିଲ୍ଲୀ, ହରିୟାଣା, କେରଳ, ମହାରାଷ୍ଟ୍ର ଓ ମିଜୋରାମକୁ କେନ୍ଦ୍ରର ଚିଠି
– କରୋନା ସଂକ୍ରମିତଙ୍କ ଉପରେ ନଜର ରଖିବା ସହ ଆବଶ୍ୟକ ପଦକ୍ଷେପ ନେବାକୁ ପରାମର୍ଶ
– ଗୁଜରାଟରେ କରୋନାର ନୂଆ ଭ୍ୟାରିଆଂଟ ଏକ୍ସଆଇ ଚିହ୍ନଟ
– ଏକ୍ସଆଇ ଭ୍ୟାରିଆଂଟ ଓମିକ୍ରନ ତୁଳନାରେ ୧୦ ଗୁଣା ଅଧିକ ସଂକ୍ରାମକ
– ଚୀନ, ୟୁରୋପ ଆଦି ଦେଶରେ ଏବେ କରୋନା ସଂକ୍ରମଣ ବଢୁଛି
– ଚୀନର ଆର୍ଥିକ ରାଜଧାନୀ ସାଙ୍ଘାଇରେ ଦ୍ରୁତ ଗତିରେ ବ୍ୟାପୁଛି କରୋନା
ଜାତିସଂଘର ମହାସଚିବ ଆଂଟୋନିଓ ଗୁଟେରସ କହିଛନ୍ତି ଏସିଆ ଏବଂ ୟୁରୋପରେ ସଂକ୍ରମଣ ବ୍ୟାପୁଛି । ପ୍ରତିଦିନ ୧୦ ଲକ୍ଷରୁ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି । ୟୁରୋପରେ କରୋନାର ନୂଆ ଲହର ଆସିବ ବୋଲି ଜାତିସଂଘ ଆକଳନ କରିଛି । ତେଣୁ ସମସ୍ତେ କିଭଳି କରୋନା ଟିକା ନେବେ ତାଉପରେ ଗୁରୁତ୍ୱ ଦିଆଯିବା ଦରକାର ବୋଲି ଗୁଟେରସ୍ କହିଛନ୍ତି ।