ଡ୍ରାଇଭର ସାଜିଥିଲା ଲୁଟେରା । ଏଟିଏମ ଭ୍ୟାନ ଅପହରଣ କରି ଲୁଟ ଘଟଣାର ହେଲା ପର୍ଦ୍ଦାଫାସ । ଘରେ ମାଟିତଳେ ପୋତିଥିବା ହାଣ୍ଡିରୁ ମିଳିଲା ବିଡ଼ା ବିଡ଼ା ଟଙ୍କା
କନକ ବ୍ୟୁରୋ: ବ୍ରହ୍ମପୁର ବଡ ବଜାର ଥାନା ଅଂଚଳରୁ ଏଟିଏମ ଭ୍ୟାନ ଲୁଟ ଘଟଣାରେ ପୁଲିସକୁ ନୂଆ ସୁରାକ ମିଳିଛି । ଖୋଦ ଏଟିଏମ ଡ୍ରାଇଭରଙ୍କୁ ଘରୁ ବିଡା ବିଡା ନୋଟ ଜବତ କରିଛି ପୁଲିସ । ଘର ବାରିପଟେ ଗାତ ଖୋଳି ଏକ ଟିଣ ଡବାରେ ଟଙ୍କା ଲୁଚାଯାଇଥିଲା । ଲୁଟ ଘଟଣାରେ ସଂପୃକ୍ତି ସନ୍ଦେହରେ ପୁଲିସ ଡ୍ରାଇଭର ଓ ଅନ୍ୟ ୨ ଜଣଙ୍କୁ ଉଠାଇ ନେଇ ପଚରା ଉଚରା କରୁଛି ।
Kanak News is now on WhatsApp
Join and get latest news updates delivered to you via WhatsApp
ଗତ ୧୮ତାରିଖ ଦିନ ବଡବଜାର ଥାନାରେ ଏଟିଏଏମରେ ଟଙ୍କା ଭର୍ତି କରୁଥିବା ଭ୍ୟାନ ଲୁଟ ନେଇ ଅଭିଯୋଗ ହୋଇଥିଲା । ପୁଲିସ ଖୋଳତାଡ କରି ଓଡିଶା ଆନ୍ଧ୍ର ବର୍ଡର ଗିରିଶୋଲାଠା ନିକଟରେ ଏଟିଏମ ଭ୍ୟାନକୁ ଠାବ କରାଯାଇଥିଲା । ଗାଡି ଭିତରୁ ଅଚେତ ଅବସ୍ଥା ଡ୍ରାଇଭର ଆଶିଷ ଦିଗାଲଙ୍କୁ ଅଚେତ ଅବସ୍ଥାରେ ଉଦ୍ଧାର କରିଥିଲା ପୁଲିସ । ହେଲେ ଭ୍ୟାନରେ ଥିବା ପ୍ରାୟ ୨୪ ଲକ୍ଷ ଟଙ୍କା ଗାଏବ ଥିଲା ।
ଚେତା ଫେରିବା ପରେ ଡ୍ରାଇଭର ବୟାନ ଦେଇଥିଲା ତାଙ୍କୁ ବନ୍ଧୁକ ଦେଖାଇ ଅପହରଣ କରିନେଇଥିଲେ ୨ ଜଣ ଦୁର୍ବୃତ । ପରେ ଗିରିଶୋଲା ଠାରେ ତା ମୁହଁରେ ନିଶା ସ୍ପ୍ରେ କରି ଦୁଇ ଦୁର୍ବୃତ ଭ୍ୟାନରୁ ଟଙ୍କା ଧରି ସ୍କର୍ପିଓରେ ଫେରାର ହୋଇଯାଇଥିଲେ । ହେଲେ ପୁଲିସ ଡ୍ରାଇଭରକୁ ସନ୍ଦେହ କରି ଥାନାକୁ ଉଠାଇ ଆଣି ପଚପରାଉଚରା କରିବା ସହ ତା ଘରୁ ପୁଳା ପୁଳା ନୋଟ ଜବତ କରିଛି ।