୪୨ବର୍ଷ ପରେ ରତ୍ନଭଣ୍ଡାରକୁ ଫେରିଲା ଠାକୁରାଣୀଙ୍କ ସୁନା ଅଳଙ୍କାର । ୧୯୮୦ ମସିହାରେ ଚୋରି ହୋଇଥିଲା ସାକ୍ଷୀଗୋପିନାଥଙ୍କ ମନ୍ଦିରରୁ ସୁନା ଗହଣା ।
କନକ ବ୍ୟୁରୋ: ୧୯୮୦ ମସିହାରେ ସାକ୍ଷୀଗୋପିନାଥ ଦେବଙ୍କ ମନ୍ଦିରରୁ ମା ରାଧାଦେବୀଙ୍କର ୨ପଟ ସୁନା ଖଡୁ ସହିତ ଏକ ସୁନା ହାର ଚୋରି ହୋଇଯାଇଥିଲା । ଯାହାକି ସେ ସମୟରେ ଦାୟତ୍ୱରେ ଥିବା ସେବାୟତ ମାନଙ୍କ ମଧ୍ୟରେ ଆତଙ୍କ ଖେଳି ଯାଇଥିଲା । ଚୋରି ଯାଇଥିବା ସୁନା ଅଳଙ୍କାର ଗୁଡିକର ଓଜନ ପ୍ରାୟ ୬୩ ଗ୍ରାମରୁ ଅଧିକ ଥିଲା । ତଦନ୍ତ ସମୟରେ ଜଣାପଡିଥିଲା ଯେ ଦାୟତ୍ୱରେ ଥିବା ସେବକ ମାନେ ହିଁ ଏହି ସୁନା ଅଳଙ୍କାର ଗୁଡିକ ଚୋରି କରିଛନ୍ତି । ସେ ସମୟରେ ଥବା ମନ୍ଦିର କାର୍ଯ୍ୟନିର୍ବାହୀ ଅଧିକାରୀ ସଙ୍ଗେ ସଙ୍ଗେ ଥାନାରେ ଏକ ମାମଲା ରୁଜ କରିଥିଲେ । ତଦନ୍ତ ଆରମ୍ଭ ହେବା ସହ ଅଭିଯୁକ୍ତ ଏହି ଚୋରି ମାମଲାରେ ଜେଲ ମଧ୍ୟ ଯାଇଥିଲେ । ଏବଂ ଏହି ଚୋରି ସୁନାଅଳଙ୍କାର ସାକ୍ଷୀଗୋପାଳ ଷ୍ଟେଟବ୍ୟାଙ୍କ ଶାଖାରେ ୧ହଜାର ଟଙ୍କାରେ ବନ୍ଦକ ପଡିଥିବାର ଜଣାପଡିଥିଲା ।
Kanak News is now on WhatsApp
Join and get latest news updates delivered to you via WhatsApp
ମନ୍ଦିର ଅଳଂକାର ଚୋରି ମାମଲା କୋର୍ଟକୁ ଯିବା ପରେ ଏହି ଚୋରି ସୁନା ଅଳଙ୍କାର ଗୁଡିକ ମାନ୍ୟବରଙ୍କ କୋର୍ଟ ତୁରନ୍ତ ସୁନା ଅଳଙ୍କାର ଗୁଡିକ କୋର୍ଟରେ ଜମା ଦେବା ପାଇଁ ନିର୍ଦ୍ଦେଶ ଦେଇଥିଲେ । ଏହା ମଧ୍ୟରେ ୪୨ ବର୍ଷ ବିତିଯାଇଛି । ଶେଷରେ ମାନ୍ୟବର ଉଚ୍ଚ ନ୍ୟାୟଳଙ୍କ ନିର୍ଦ୍ଦେଶକ୍ରମେ ସାକ୍ଷୀଗୋପିନାଥ ଦେବଙ୍କ କାର୍ଯ୍ୟନିର୍ବାହୀ ଅଧିକାରୀ ବସନ୍ତ ପ୍ରଧାନଙ୍କୁ ଏହି ଅଳଙ୍କାର ଗୁଡିକ ହସ୍ତାନ୍ତର କରାଯିବା ପରେ ପ୍ରଧାନ ମନ୍ଦିର ବଣିଆ କୃଷ୍ଣଚନ୍ଦ୍ର ସାହୁଙ୍କ ଡକାଇ ଦୁଇପଟ ଖଡୁ ଓ ଗୋଟିଏ ସୁନାର ହାର ଓଜନ କରାଇ ଥିଲେ । ଦୁଇ ପଟ ଖଡୁ ଗୋଟିଏ ହାର ଯାହାରକି ଓଜନ ପ୍ରାୟ ୬୩ ଗ୍ରାମ ୩୪୦ ମିଲିଗ୍ରାମ ବୋଲି ଜଣାପଡିଛି । ଏହି ସୁନା ଅଳଙ୍କାର ଗୁଡିକ ମନ୍ଦିର ସୁପରଭାଇଜର ବିଶ୍ୱନାଥ ମହାପାତ୍ରଙ୍କ ଦାୟତ୍ୱରେ ରଖାଯାଇଛି । ସେବାୟତ ରାମଚନ୍ଦ୍ର ମହାପାତ୍ର, ରଘୁନାଥ ମହାପାତ୍ର, ସୂର୍ଯ୍ୟନାରାୟଣ ମହାପାତ୍ର, ବିଜୟ କୁମାର ନନ୍ଦ, ଦୁର୍ଗା ନାରାୟଣ ମହାପାତ୍ର ପ୍ରମୁଖଙ୍କ ଉପସ୍ଥିତ ରହିଥିଲେ ।