କନକ ବ୍ୟୁରୋ : ସ୍ୱାଧୀନତାର ୭୫ ବର୍ଷ ଉପଲକ୍ଷେ ଦେଶ ଏବେ ଆଜାଦୀ କା ଅମୃତ ମହୋତ୍ସବ ପାଳନ କରୁଛି । ଦେଶର କୋଟି କୋଟି ଜନତା ଏବେ ଏହି ଅଭିଯାନରେ ସାମିଲ ହୋଇଛନ୍ତି । ହର ଘର ତ୍ରିରଙ୍ଗା ଅଭିଯାନ ଏହାର ଏକ ଅଂଶବିଶେଷ । ଯେଉଁ ଅଭିଯାନରେ ଅନେକ ଲୋକ ନିଜ ଘରେ ତ୍ରିରଙ୍ଗା ଉଡାଉଥିବା ବେଳେ କିଛି ଲୋକ ନିଜ ସୋସିଆଲ ମିଡ଼ିଆ ପ୍ରୋଫାଇଲରେ ତ୍ରିରଙ୍ଗା ଫଟୋ ରଖି ଏହାକୁ ଆହୁରି ସ୍ୱତନ୍ତ୍ର କରିବାକୁ ଚେଷ୍ଟା କରିଛନ୍ତି । ଆଉ ଏହି ଅଭିଯାନରେ ଏବେ ଯୋଡି ହୋଇଛନ୍ତି ଭାରତୀୟ କ୍ରିକେଟ ଦଳର ସଦସ୍ୟ ।
Kanak News is now on WhatsApp
Join and get latest news updates delivered to you via WhatsApp
ଟିମ୍ ଇଣ୍ଡିଆର କ୍ୟାପଟେନ ରୋହିତ ଶର୍ମା, ବିରାଟ କୋହଲି,ରିଷଭ ପନ୍ତ, କେ.ଏଲ ରାହୁଲଙ୍କ ଭଳି ଖେଳାଳୀ ନିଜ ସୋସିଆଲ ମିଡ଼ିଆ ପ୍ରୋଫାଇଲରେ ତ୍ରିରଙ୍ଗା ପତାକା ରଖିଛନ୍ତି । ଯାହାକୁ ନେଇ ଏବେ ଚାରିଆଡେ ଚର୍ଚ୍ଚା । ଏପରିକି ଏସିଆ କପରୁ ବାଦ୍ ପଡିଥିବା ଯଶପ୍ରୀତ୍ ବୁମରା ମଧ୍ୟ ଏହି ଅଭିଯାନରେ ସାମିଲ ହୋଇ ନିଜ ପ୍ରୋଫାଇଲ ଫଟୋରେ ତ୍ରିରଙ୍ଗା ରଖିଛନ୍ତି ।
କେବଳ ଭାରତୀୟ କ୍ରିକେଟର ନୁହଁନ୍ତି ବରଂ ବିସିସିଆଇ ଅଧିକାରୀ ମଧ୍ୟ ଏହି ଅଭିଯାନରେ ନିଜକୁ ସାମିଲ କରିଛନ୍ତି । ବିସିସିଆଇ ସଚିବ ଜୟ ଶାହା ନିଜ ଘରେ ତ୍ରିରଙ୍ଗା ଉଡାଇବା ସହ ପୂରା ପରିବାର ସହ ଫଟୋ ସେୟାର କରିଛନ୍ତି । ବିସିସିଆଇ ସଭାପତି ସୌରଭ ଗାଙ୍ଗୁଲି ମଧ୍ୟ ନିଜର ପ୍ରୋଫାଇଲ ଫଟୋ ବଦଳାଇ ତ୍ରିରଙ୍ଗା ରଖିଛନ୍ତି ।
Tricolour our identity! Tricolour our legacy! Jai Hind #HarGharTiranga pic.twitter.com/GiFKpdcpXs
— Gautam Gambhir (@GautamGambhir) August 14, 2022
ବିସିସିଆଇ ଅଧିକାରୀଙ୍କ ବ୍ୟତୀତ ପୂର୍ବତନ କ୍ରିକେଟର ମହେନ୍ଦ୍ର ସିଂ ଧୋନୀ ଓ ସଚିନ ତେନ୍ଦୁଲକର ମଧ୍ୟ ପ୍ରୋଫାଇଲ ଫଟୋରେ ତ୍ରିରଙ୍ଗା ରଖିଛନ୍ତି । ସଚିନ୍ ନିଜ ଘରେ ତ୍ରିରଙ୍ଗା ପତାକା ଉତ୍ତୋଳନ କରିଥିବା ବେଳେ ପୂର୍ବତନ କ୍ରିକେଟର ତଥା ବିଜେପି ସାଂସଦ ଗୌତମ ଗମ୍ଭୀର ମଧ୍ୟ ନିଜ ଘରେ ପତାକା ଉତ୍ତୋଳନ କରିଛନ୍ତି ।