କନକ ବ୍ୟୁରୋ: ଦକ୍ଷିଣ ଆଫ୍ରିକା ବିରୋଧରେ ଏବେ ଟିମ୍ ଇଣ୍ଡିଆ ଟି-୨୦ ସିରିଜ୍ ଖେଳୁଛି । ଏହାପରେ ଦଳ ଦକ୍ଷିଣ ଆଫ୍ରିକା ସହିତ ଦିନିକିଆ ସିରିଜ୍ ଖେଳିବ । ଏଥିପାଇଁ ବିସିସିଆଇ ଆଜି ଦଳ ଘୋଷଣା କରିଛି । ଟି-୨୦ ବିଶ୍ୱକପ୍ ପୂର୍ବରୁ ହେଉଥିବା ଏହି ସିରିଜରେ ଶିଖର ଧାୱନଙ୍କୁ ଅଧିନାୟକ ଦାୟିତ୍ୱ ଦିଆଯାଇଛି । ତା ସହିତ ସିନିୟର ଖେଳାଳିଙ୍କୁ ମଧ୍ୟ ଏହି ସିରିଜରୁ ବିଶ୍ରାମ ଦିଆଯାଇଛି । ତେବେ ଆସନ୍ତା ଅକ୍ଟୋବର ୬ ତାରିଖରୁ ଦକ୍ଷିଣ ଆଫ୍ରିକା ବିରୋଧରେ ଏହି ଦିନିକିଆ ସିରିଜ୍ ଆରମ୍ଭ ହେବ ।
Shikhar Dhawan (C), Shreyas Iyer (VC), Ruturaj Gaikwad, Shubhman Gill, Rajat Patidar, Rahul Tripathi, Ishan Kishan (WK), Sanju Samson (WK), Shahbaz Ahmed, Shardul Thakur, Kuldeep Yadav, Ravi Bishnoi, Mukesh Kumar, Avesh Khan, Mohd. Siraj, Deepak Chahar.#TeamIndia | #INDvSA
— BCCI (@BCCI) October 2, 2022
ଶିଖର ଧାୱନ (ଅଧିନାୟକ), ଶ୍ରେୟାସ ଆୟାର (ଉପ-ଅଧିନାୟକ), ଋତୁରାଜ ଗାଏକାର୍ଡ, ଶୁଭମନ୍ ଗିଲ୍, ରଜତ ପଟିଦାର, ରାହୁଲ ତ୍ରିପାଠୀ, ଇଶାନ କିଷାନ, ସଞ୍ଜୁ ସାମସନ୍, ଶାହବାଜ୍ ଅହମ୍ମଦ, ଶାର୍ଦ୍ଦୁଲ ଠାକୁର, କୁଲଦୀପ ଯାଦବ, ରବି ବିଷ୍ନୋଇ, ମୁକେଶ କୁମାର, ଆବେଶ ଖାନ୍, ମହମ୍ମଦ ସିରାଜ ଓ ଦୀପକ ଚହର
- ପ୍ରଥମ ଦିନିକିଆ - ଅକ୍ଟୋବର ୬ ତାରିଖ, ଲକ୍ଷ୍ନୌ
- ଦ୍ୱିତୀୟ ଦିନିକିଆ - ଅକ୍ଟୋବର ୯ ତାରିଖ, ରାଞ୍ଚି
- ତୃତୀୟ ଦିନିକିଆ - ଅକ୍ଟୋବର ୧୧ ତାରିଖ, ଦିଲ୍ଲୀ
ସୂଚନାଯୋଗ୍ୟ ଯେ, ଟି-୨୦ ବିଶ୍ୱକପ୍ ପାଇଁ ଆସନ୍ତା ଅକ୍ଟୋବର ୬ ତାରିଖରେ ଟିମ୍ ଇଣ୍ଡିଆ ଅଷ୍ଟ୍ରେଲିଆ ବାହାରିବ । ଯେବେ କି ଅକ୍ଟୋବର ୪ ତାରିଖରେ ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜ୍ ଶେଷ ହେବ । ତେଣୁ ବିଶ୍ୱକପକୁ ଆଖି ଆଗରେ ରଖି ଏହି ଦଳ ଘୋଷଣା କରାଯାଇଛି । ଯେଉଁଥିରେ କି ନବାଗତମାନଙ୍କୁ ଅଧିକ ସୁଯୋଗ ଦିଆଯାଇଛି ।