ସିବିଏସଇ ବିଦ୍ୟାଳୟରେ ଆସିଲା ନୂଆ ନିୟମ। ଏଣିକି ଗୋଟିଏ ଶ୍ରେଣୀର ଗୋଟିଏ ବିଭାଗରେ ସର୍ବାଧିକ ୪୫ ପିଲା ରହିବା ଉପରେ ଦିଆଯିବ ଗୁରୁତ୍ୱ
କନକ ବ୍ୟୁରୋ : ସିବିଏସଇ ବୋର୍ଡ ଗତ କିଛି ମାସ ହେଲା ଅନେକ ପରିବର୍ତନ ଆଣୁଛି । ତେବେ ବର୍ତମାନ ସମୟରେ ମିଳିଥିବା ସୂଚନା ଅନୁସାରେ ଏଣିକି ସିବିଏସଇ ନିଜର ସ୍କୁଲରେ ଥିବା (ନବମ ଓ ଦଶମ)ଶ୍ରେଣୀ ଗୃହରେ ଥିବା ସେକ୍ସନ ଗୁଡିକରେ ୪୫ଠାରୁ ଅଧିକ ପିଲା ରହିବେ ନାହିଁ ବୋଲି ସୂଚନା ମିଳିଛି । ଏହି ନିୟମ ୨୦୧୯ ଶିକ୍ଷା ବର୍ଷଠାରୁ ଲାଗୁ କରାଯିବ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସିବିଏସଇର ଜଣେ ବରିଷ୍ଠ ଅଧିକାରୀ ସୂଚନା ଦେଇ କହିଛନ୍ତି ଯେ, ପିଲାମାନେ କିପରି ଭାବରେ ଭଲ ପାଠ ପଢିବେ ତାହା ଆମର ଲକ୍ଷ୍ୟ ତେଣୁ ଅଧିକ ସଂଖ୍ୟାରେ ଗୋଟିଏ ସେକ୍ସନରେ ରଖିଲେ ପିଲାଙ୍କ ପାଠପଢା ନଷ୍ଟ ହୋଇପାରେ । ତେଣୁ ଆମେମାନେ ପ୍ରଥମେ ପିଲାଙ୍କ ପାଠପଢା ଉପରେ ଧ୍ୟାନ ଦେଉଛୁ ତେଣୁ ବୋର୍ଡର ନିଷ୍ପତ୍ତି ଅନୁସାରେ ଏପରି ନିୟମ ହୋଇଛି ବୋଲି ଅଧିକାରୀ ଜଣକ ସୂଚନା ଦେଇଛନ୍ତି । ତେବେ ଏପରି ନିୟମ ହେବ ବୋଲି ଜଣାପଡିବା ପରେ ଅନେକ ଏହାକୁ ସ୍ୱାଗତ କରିଥିବା ବେଳେ କେତେକ ସ୍କୁଲ ମଧ୍ୟ ଏହାକୁ ବିରୋଧ କରିଥିବା ଜଣାପଡିଛି ।