ଶୂନରେ ଆଉଟ ହୋଇଥିଲି ବୋଲି… ରାଜସ୍ଥାନ ରୟାଲ୍ସ ମାଲିକ ମାରିଥିଲେ ଚାପୁଡା । ଆତ୍ମଜୀବନୀରେ ସାଂଘାତିକ ଅଭିଯୋଗ ଆଣିଲେ ରସ୍ ଟେଲର ।
କନକ ବ୍ୟୁରୋ : ନ୍ୟୁଜିଲାଣ୍ଡର ପୂର୍ବତନ କ୍ରିକେଟର ରସ୍ ଟେଲର ନିଜର ବାୟୋଗ୍ରାଫି ବ୍ଲାକ ଆଣ୍ଡ ହ୍ୱାଇଟରେ ଏକ ସାଂଘାତିକ ଖୁଲାସା କରିଛନ୍ତି । ଟେଲର ଏହି ବହିରେ ଲେଖିଛନ୍ତି ଯେ, ଆଇପିଏଲ ଫ୍ରାଞ୍ଚଇଜ ରାଜସ୍ଥାନ ରୟାଲ୍ସ ପାଇଁ ଖେଳିବା ବେଳେ ଶୂନରେ ଆଉଟ ହେବା କାରଣରୁ ଟିମର ମାଲିକ ମୋତେ ଚାପୁଡା ମାରିଥିଲେ । ଚାପୁଡା ଜୋରଦାର ନଥିଲା କିନ୍ତୁ କେବେ ଭାବିନଥିଲି ଯେ ମୋ ସହ ଏମିତି ହେବ ବୋଲି ।
Kanak News is now on WhatsApp
Join and get latest news updates delivered to you via WhatsApp
ଟେଲର ନିଜର ଆତ୍ମଜୀବନୀରେ ଲେଖିଛନ୍ତି, ପଞ୍ଜାବ ବିପକ୍ଷ ମ୍ୟାଚରେ ରାଜସ୍ଥାନ ୧୯୫ ରନର ବିଶାଳ ଟାର୍ଗେଟକୁ ପିଛା କରୁଥିଲା । କିନ୍ତୁ ଏହି ମ୍ୟାଚରେ ମୁଁ ଶୂନରେ ଆଉଟ ହୋଇଥିଲି ଏବଂ ଟିମ୍ ବିଜୟଲକ୍ଷ୍ୟ ହାସଲ କରିବାରେ ବିଫଳ ହୋଇଥିଲା । ପରେ ଟିମର ସମସ୍ତ ସଦସ୍ୟ ଓ ମ୍ୟାନେଜମେଣ୍ଟ ହୋଟେଲର ବାରରେ ବସିଥିଲେ । ଲିଜ ହର୍ଲେ ବି ସେନ ୱାର୍ଣ୍ଣଙ୍କ ସହ ସେଠାରେ ଉପସ୍ଥିତ ଥିଲେ । ସେତେବେଳେ ରାଜସ୍ଥାନ ରୟାଲ୍ସ ମାଲିକ ମୋ ପାଖକୁ ଆସି କହିଥିଲେ, ଆମେ ତୁମକୁ ଶୂନରେ ଆଉଟ ହେବା ପାଇଁ ଏକ ମିଲିୟନ ଡଲାର ଦେଇ କିଣିନଥିଲୁ । ଆଉ ଏହା କହିବା ପରେ ମୋ ଗାଲରେ ୩ରୁ ୪ ଚାପୁଡା ମାରିଥିଲେ । ମୁଁ କେବେ କଳ୍ପନା ମଧ୍ୟ କରିନଥିଲି ଯେ, ମୋ ସହିତ ଏମିତି ମଜାକ କରାଯାଉଛି । କିନ୍ତୁ କ୍ରିକେଟ ଭଳି ଖେଳରେ ଏଭଳି ହେବ ତାହା ମୋର ବିଶ୍ୱାସ ନଥିଲା ।
ରସ ଟେଲର ୨୦୦୮ରୁ ୨୦୧୦ ବାଙ୍ଗାଲୋର ପାଇଁ ଖେଳିଥିବା ବେଳେ ୨୦୧୧ରେ ରାଜସ୍ଥାନ ଟିମ୍ ପାଇଁ ଖେଳିଥିଲେ । ପରେ ଦିଲ୍ଲୀ ଡେୟାରଡେଭିଲ୍ସ ଓ ପୁଣେ ୱାରିୟର୍ସ ଇଣ୍ଡିଆ ପାଇଁ ଖେଳିଥିଲେ । ଟେଲର ମୋଟ ୫୫ଟି ଆଇପିଏଲ ମ୍ୟାଚ୍ ଖେଳିଥିବା ବେଳେ ମାତ୍ର ୧୦୧୭ ରନ କରିବାକୁ ସକ୍ଷମ ହୋଇଥିଲେ । ଆଉ ଏହାମଧ୍ୟରେ ଥିଲା ୩ଟି ଅର୍ଦ୍ଧଶତକ ।