କନକ ବ୍ୟୁରୋ: ଟାଟା ମୋଟର୍ସ ବ୍ୟକ୍ତିଗତ ବ୍ୟବହାର ପାଇଁ ବଜାରକୁ ଛାଡିଲା ଇଲେକ୍ଟ୍ରିକ୍ କାର ଟିଗର-ଇଭି । ଏହି କାରକୁ ମାତ୍ର ଗୋଟିଏ ଘଂଟା ଚାର୍ଜ କଲେ ଏହା ୨୧୩ କିଲୋମିଟର ପର୍ଯ୍ୟନ୍ତ ଯାଇପାରିବ । ଏହାର ମୂଲ୍ୟ ୯ଦଶମିକ୍ ୪୪ ଲକ୍ଷ ଟଙ୍କା ରହିଛି । ଏହି କାରରେ ଏକ ୨୧ ଦଶମିକ୍ ୫ କିଲୋୱାଟର ବ୍ୟାଟେରୀ ରହିଛି । ଏଥିରେ ଦୁଇଟି ଚାର୍ଜି ପଏଂଟ ରହିଛି । ଗୋଟିଏ ସ୍ଲୋ ଚାର୍ଜ ପାଇଁ ଓ ଅନ୍ୟଟି ଦୃତ ଗତିରେ ଚାର୍ଜିଂ ପାଇଁ । ଆସନ୍ତା ୨୦୨୦ ସୁଦ୍ଧା ଟାଟା ମୋଟର୍ସ ନିଜର ଲୋକପ୍ରିୟ ଏସୟୁଭି ନେକ୍ସନର ଇଲେକ୍ଟ୍ରିକ ଭର୍ସନ ଛାଡିବାକୁ ଘୋଷଣା କରିଛି ।
Kanak News is now on WhatsApp
Join and get latest news updates delivered to you via WhatsApp
ଟାଟା ମୋଟର୍ସ ପୂର୍ବରୁ ବିଭିନ୍ନ କମ୍ପାନୀ ବା ସରକାରଙ୍କ ପାଇଁ ଇଲେକ୍ଟ୍ରିକ୍ କାର ଛାଡୁଥିବାବେଳ ଏଣିକି ବ୍ୟକ୍ତିଗତ ବ୍ୟବହାର ପାଇଁ ଏହି କାରକୁ ବଜାରକୁ ଛାଡିଛି । ଗତ ୨୦୧୭ ଡିସେମ୍ବରରେ କେନ୍ଦ୍ର ସରକାରଙ୍କ ଅଧିନସ୍ଥ ଏନର୍ଜି ଏଫସିଏନସି ସର୍ଭିସେସ୍ ଲିମିଟେଡ୍ ପକ୍ଷରୁ ୧୦ ହଜାର ଇଲେକ୍ଟିକ୍ କାର କିଣିବା ପାଇଁ ଟେଣ୍ଡର ଡକାଯାଇଥିଲା । ଏଥିରେ ଟାଟା ମୋଟର୍ସ ବିଜୟୀ ହୋଇ ପ୍ରଥମ ପ୍ରାୟ ୩୫୦ କାର ଯୋଗାଇବା ପାଇଁ ଚୁକ୍ତି ବଦ୍ଧ ହୋଇଥିଲା । ଦେଶର ତୈଳ ଆମଦାନୀ ହ୍ରାସ ଓ ପରିବେଶ ପ୍ରଦୂଷଣକୁ ନିୟନ୍ତ୍ରଣ କରିବାକୁ ଭାରତ ସରକାର ୨୦୩୦ ସୁଧା କେବଳ ଇଲେକ୍ଟ୍ରିକ୍ କାର ପାଇଁ ଅନୁମତି ଦେବାକୁ ବିଚାର କରୁଛନ୍ତି ।