କନକ ବ୍ୟୁରୋ: ରାଜ୍ୟ ସରକାରଙ୍କୁ କଂଗ୍ରେସ ନେତା ତାରା ପ୍ରସାଦ ବାହିନୀପତିଙ୍କ ଖୋଲା ଚେତାବନୀ । ଖୁବଶୀଘ୍ର ଅବିଭକ୍ତ କୋରାପୁଟ ଜିଲ୍ଲାର ବେକାର ଯୁବକଯୁବତୀଙ୍କୁ ନିଯୁକ୍ତି ନଦେଲେ ୧୦ ହଜାର ପିଲାଙ୍କୁ ଧରି ନକ୍ସଲରେ ମିଶିବେ ତାରା । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚେତାବନୀ ଦେଇ ତାରା କହିଛନ୍ତି ଯେ, କୋରାପୁଟ ଜିଲ୍ଲାରେ ଶିକ୍ଷକ ନିଯୁକ୍ତି ପାଇଁ କୋରାପୁଟ କେହି ଯାଇ ପାରୁନାହାଁନ୍ତି ।
Kanak News is now on WhatsApp
Join and get latest news updates delivered to you via WhatsApp
ତାରାଙ୍କ ଅଭିଯୋଗ ମୁତାବକ ଅବିଭକ୍ତ ଗତକାଲି ବିଧାନସଭାରେ ଏକଥା ଉଠାଇ ଥିଲି ଆଜି କହୁଛି କୋରାପୁଟ ଜିଲ୍ଲାରେ ସିଟି ବିିଇଡି ଟ୍ରେନିଂ ବି ପିଲାମାନେ କେହି ପାଇ ପାରୁନାହାଁନ୍ତି । ଏହାସହ ମେଡିକାଲ କଲେଜରେ ଆଟେଣ୍ଡାଟ ଓ ପିଅନ ପୋଷ୍ଟରେ ବାହାର ପିଲାଙ୍କୁ ନିଯୁକ୍ତି ଦିଆଯାଉଛି । ସେଥିପାଇଁ କୋରାପୁଟର ଶିକ୍ଷିତ ଯୁବକ ଯୁବତୀ ମାନେ ନବୀନ ସରକାର ଉପରେ ଉତ୍ୟକ୍ତ ହୋଇକି ଅଛନ୍ତି । ତେଣୁ ରାଜ୍ୟ ସରକାର ନିଷ୍ପତି ନିଅନ୍ତୁ ସେ ଜିଲ୍ଲାର ପିଲାମାନଙ୍କୁ ଜିଲ୍ଲା ଭିତିକ ନିଯୁକ୍ତି ଦେବେ ନଚେତ୍ ୧୦ ହଜାର ଯୁବକଙ୍କୁ ନେଇ ମୁଁ ନକ୍ସଲରେ ମିଶିବି ।
ସେପଟେ ଦାବି ପୂରଣ ନହେଲେ ଖୁବଶୀଘ୍ର ଆନ୍ଦୋଳନକୁ ଓହ୍ଲାଇବେ କୋରାପୁଟର ହଜାର ହଜାର ଶିକ୍ଷିତ ଯୁବକ ଯୁବତୀ । ତାରା କହିଛନ୍ତି ଯେ, ଏହା ହେଉଛି ଆମର ଶେଷ ନିଷ୍ପତି କୋରାପୁଟ ଜିଲ୍ଲାର ପିଲାମାନ ନିଯୁକ୍ତି ପାଇଁ । ନବୀନ ବାବୁ ଜାଣି ରଖିବା ଦରକାର ଯେ, ବେକାରି ସମସ୍ୟା ପାଇଁ ରାଜ୍ୟର ବିଭିନ୍ନ ଜିଲ୍ଲାର ଶିକ୍ଷିତ ଯୁବକ ଯୁବତୀ ମାନେ ମାଓବାଦୀ ହେଉଛନ୍ତି । ତେଣୁ ଯଥାଶୀଘ୍ର ଦାବି ପୂରଣ କରନ୍ତୁ ଅନ୍ୟଥା ଖୋଲାଖୋଲି ଭାବରେ ୧୦ହଜାର ପିଲା ମାଓବାଦୀ ହେବାପାଇଁ ବାହାରିଛନ୍ତି ।