କନକ ବ୍ୟୁରୋ: ନିଜ ନାଁରେ ନିଜେ ମାମଲା ରୁଜୁ କରିଛନ୍ତି ଟାଙ୍ଗୀ ଆଇଆଇସି । ଅନୁସୂଚିତ ଜାତି ବର୍ଗର ମହିଳାଙ୍କୁ ଜାତିଆଣ ଆକ୍ଷେପ, ଗାଳିଗୁଲଜ ହତ୍ୟା ଓ ଦୁଷ୍କର୍ମ ଧମକ ଦେବାଭଳି ସଙ୍ଗୀନ୍ ଅଭିଯୋଗରେ ମାମଲା ରୁଜୁ କରିଛନ୍ତି ଟାଙ୍ଗୀ ଥାନା ଅଧିକାରୀ । ଜଣେ ଦଳିତ ମହିଳାଙ୍କୁ ବିଳମ୍ବିତ ରାତିରେ ଘରେ ପଶି ଏହିଭଳି ଧମକ ଦେଇଥିବା ଅଭିଯୋଗରେ ଆଇଆଇସି ସୁଚିତ୍ରବୀର୍ଜ୍ୟ ଦାସ ନିଜ ଥାନାରେ ନିଜ ନାଁରେ ମାମଲା ରୁଜୁ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୨୦୨୨ ସେପ୍ଟେମ୍ବର ୩୦ରେ ରାତି ୨ଟା ସମୟରେ ମହିଳାଙ୍କ ଘରେ ପଶି ମହିଳାଙ୍କୁ ଗାଳିଗୁଲଜ କରିଥିବା ଅଭିଯୋଗ ହୋଇଥିଲା । ମହିଳା ଜଣକ କବାଟ ନଖୋଲିବାରୁ କବାଟ ଭାଙ୍ଗି ଘର ଭିତରକୁ ଯାଇଥିଲେ ବୋଲି ଅଭିଯୋଗକାରିଣୀ ଏତଲାରେ ଲେଖିଥିଲେ । ମହିଳାଙ୍କ ସ୍ୱାମୀଙ୍କୁ ପୁଲିସ ଖୋଜୁଥିବା ବେଳେ ସେ ଘରେ ନଥିଲେ । ତାପରେ ଆଇଆଇସି ରାଗିଯାଇ ମହିଳାଙ୍କୁ ଜାତିଆଣ ଆକ୍ଷେପ କରିବା ସହିତ ଗାଳିଗୁଲଜ କରି ଧକ୍କା ମାରିଥିଲେ । ଘଟଣାନେଇ ଟାଙ୍ଗୀ ଥାନାରେ ଗତ ଡିସେମ୍ବର ୧୭ତାରିଖରେ ଅଭିଯୋଗ ହୋଇଥିଲା । ଏଥିସହ ପୁଲିସ ଡିଜି, କେନ୍ଦ୍ରାଂଚଳ ଆଇଜି, ଟାଙ୍ଗୀ ଏସଡିପିଓଙ୍କୁ ବି ଅଭିଯୋଗପତ୍ର ପଠାଇଛନ୍ତି ଅଭିଯୋଗକାରୀ । ତେବେ ଏହି ଘଟଣାର ସତ୍ୟସତ୍ୟ ପାଇଁ ତଦନ୍ତ ଆରମ୍ଭ ହୋଇଛି ।