କନକ ବ୍ୟୁରୋ : ଆଜି ଆଫଗାନିସ୍ତାନରେ ସରକାର ଗଠନ କରିପାରେ ତାଲିବାନ । ଏହାପରେ ଆଫଗାନିସ୍ତାନକୁ ବିଶ୍ୱ ଆତଙ୍କବାଦୀମାନେ ନିଜର ଆଡ୍ଡାସ୍ଥଳ ବନାଇପାରନ୍ତି ବୋଲି ବିଶ୍ୱ ସମୁଦାୟ ସନ୍ଦେହ କରିବା ଆରମ୍ଭ କରିଥିବା ବେଳେ ତାଲିବାନ ମୁଖପାତ୍ର ସୁହେଲ ଶାହୀନଙ୍କ ମନ୍ତବ୍ୟ ଭାରତ ପାଇଁ ଚିନ୍ତା ବଢାଇଛି ।
Kanak News is now on WhatsApp
Join and get latest news updates delivered to you via WhatsApp
ଗୋଟେପଟେ ତାଲିବାନ ଆତଙ୍କୀ ସମୁହ ସାରା ବିଶ୍ୱକୁ ଆଶ୍ୱାସନା ଦେଇ କହିଥିଲେ କି ଆଫଗାନିସ୍ତାନରୁ ତାଲିବାନୀମାନେ ଅନ୍ୟଦେଶ ପ୍ରତି କେବେ ବି ବିପଦ ଆଣିବେ ନାହିଁ । ହେଲେ ଅନ୍ତର୍ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ତାଲିବାନ ମୁଖପାତ୍ର ସୁହେଲ ଶାହୀନ କହିଛନ୍ତି କି କାଶ୍ମୀର ହେଉ କି ଅନ୍ୟ କେଉଁ ସ୍ଥାନ, ମୁସଲମାନଙ୍କ ହକ୍ ପାଇଁ ସେମାନଙ୍କର ସ୍ୱର ଉର୍ତ୍ତୋଳନ କରିବାର ଅଧିକାର ରହିଛି ।
ଆମେ ସ୍ୱର ଉତ୍ତୋଳନ କରିବୁ ଏବଂ କହିବୁ ମୁସଲମାନମାନେ ଆପଣଙ୍କ ଲୋକ, ଆପଣଙ୍କ ଦେଶର ନାଗରିକ । ଆପଣଙ୍କ ଆଇନ ଅନୁଯାୟୀ, ସେମାନେ ମଧ୍ୟ ସମାନ । ତେଣୁ ସେମାନଙ୍କୁ ମଧ୍ୟ ସମାନ ଅଧିକାର ମିଳିବା ଉଚିତ ବୋଲି ଶାହିନ ମତ ରଖିଛନ୍ତି । ଏହାପୂର୍ବରୁ ତାଲିବାନର ଅନ୍ୟ ଜଣେ ମୁଖପାତ୍ର ଜାବିହୁଲ୍ଲା ମୁଜାହିଦ୍ ଭାରତ ଏବଂ ପାକିସ୍ତାନ ମଧ୍ୟରେ ଚାଲିଥିବା କଶ୍ମୀର ବିବାଦ ସମ୍ପର୍କରେ କହିଥିଲେ ଯେ ଏ ପ୍ରସଙ୍ଗରେ ଭାରତ ଏକ ସକରାତ୍ମକ ଆଭିମୁଖ୍ୟ ଗ୍ରହଣ କରିବା ଉଚିତ।
ସେ ଏହା ମଧ୍ୟ କହିଥିଲେ ଯେ ଭାରତ ଏବଂ ପାକିସ୍ତାନ ଏକାଠି ବସି ସମସ୍ୟାର ସମାଧାନ କରନ୍ତୁ, ଯେହେତୁ ଉଭୟ ପଡୋଶୀ ଏବଂ ସେମାନଙ୍କର ହିତ ପରସ୍ପର ସହିତ ଜଡିତ ।