ବିବାଦ ପରେ ବଦଳିବ ଅଭିନେତ୍ରୀ ସନ୍ନି ଲିଓନିଙ୍କ ‘ମଧୁବନ’ ଗୀତ : ଗୀତ ହଟାଇବା ନେଇ ସାରେଗାମାପା ପକ୍ଷରୁ ବିବୃତି ଜାରି କରି ଦିଆଗଲା ସୂଚନା
ତିନି ଦିନ ମଧ୍ୟରେ ଗୀତ ନହଟାଇଲେ ଆଇନଗତ କାର୍ଯ୍ୟାନୁଷ୍ଠାନ ଚେତାବନୀ ଦେଇଥିଲେ ମଧ୍ୟପ୍ରଦେଶ ଗୃହମନ୍ତ୍ରୀ
କନକ ବ୍ୟୁରୋ : ବଦଳିବ ବିବାଦରେ ଥିବା ଅଭିନେତ୍ରୀ ସନ୍ନି ଲିଓନିଙ୍କ ‘ମଧୁବନ’ ଗୀତ । ଲିରିକ୍ସ ପରିବର୍ତନ କରାଯିବ ବୋଲି କହିଛି ମ୍ୟୁଜିକ୍ ଲେବଲ ସାରେଗାମାପା । ଏକ ବିବୃତି ଜାରି କରି ଗୀତକୁ ହଟାଇ ଦିଆଯିବ ବୋଲି ସାରେଗାମାପା ପକ୍ଷରୁ କୁହାଯାଇଛି । ମଧ୍ୟପ୍ରଦେଶ ଗୃହମନ୍ତ୍ରୀ ନରୋତମ ମିଶ୍ର ତିନି ଦିନ ଭିତରେ ସୋସିଆଲ ମିଡିଆରୁ ଗୀତକୁ ହଟାଇବାକୁ କହିଥିଲେ । ନହେଲେ ସନ୍ନି ଲିଓନି ଓ ଶାକିବ ତୋଶୀଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ଚେତାବନୀ ଦେଇଥିଲେ । ଏହା ପରେ ସାରେଗାମାପା ପକ୍ଷରୁ ଏପରି ନିଷ୍ପତ୍ତି ନିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବଲିଉଡ ଅଭିନେତ୍ରୀ ସନ୍ନି ଲିଓନ୍, ଶରିବ, ତୋଷୀ ଏବଂ କନିକା କପୁରଙ୍କ ନୂଆ ଗୀତ ମଧୁବାନ୍ ମେଁ ରାଧିକା ନାଚେ, ଜଙ୍ଗଲ ମେଁ ନାଚେ ଜେସା ମୋର୍, ସାୱାରିଆ ମୋରେ … ସାୱାରିଆ ତୁ ମେରେ ଦିଲ୍ କା ଚୋର’ ଗୀତକୁ ନେଇ ଏବେ ବିବାଦ ସୃଷ୍ଟି ହୋଇଛି । ଏ ସମ୍ପର୍କରେ ଗୃହମନ୍ତ୍ରୀ ନରୋତ୍ତମ ମିଶ୍ର ଗଣମାଧ୍ୟମକୁ ଏକ ବିବୃତ୍ତି ଦେଇଛନ୍ତି ଯେ ସନ୍ନି ଲିଓନ, ଶରିବ, ତୋଷୀ ତିନି ଦିନ ମଧ୍ୟରେ ୟୁଟ୍ୟୁବରୁ ଏହି ଗୀତ ହଟାଇବା ଉଚିତ । ସମସ୍ତଙ୍କୁ ଚେତାବନୀ ଦିଆଯାଇଥିଅବେଳେ ଯଦି ଏପରି ନ ହୁଏ ତେବେ ରାଜ୍ୟ ସରକାର ପଦକ୍ଷେପ ନେବେ ।
ସୂଚନାଯୋଗ୍ୟ ଯେ, ସନ୍ନି ଲିଓନଙ୍କୁ ନେଇ ଏହି ଗୀତ ପ୍ରସ୍ତୁତ କରାଯାଇଥିବାବେଳେ ଏହାକୁ ନେଇ ସୋସିଆଲ ମିଡିଆରେ ଅନେକ ଚର୍ଚ୍ଚା ଚାଲିଛି । ସନ୍ନି ଲିଓନିଙ୍କ ‘ମଧୁବନ ମେ ରାଧିକା ନାଚେ’ ଗୀତ ଗତ ୨୨ ତାରିଖରେ ରିଲିଜ୍ ହୋଇଥିଲା । ଏହି ଗୀତକୁ ଗାଇଛନ୍ତି କନିକା କପୁର ଓ ଅରିନ୍ଦମ ଚକ୍ରବର୍ତ୍ତୀ । ଗୀତ ରିଲିଜ୍ ହେବା ପରଠାରୁ ବିବାଦରେ ରହିଥିଲା । ଯଦିଓ ଏହି ଗୀତକୁ ପ୍ରାୟ ୯୫ ଲକ୍ଷ ଲୋକ ଦେଖିଛନ୍ତି, ବହୁ ସଂଖ୍ୟକ ଲୋକ ଏହାକୁ ନାପସନ୍ଦ କରିଛନ୍ତି ।