କନକ ବ୍ୟୁରୋ :ପଦ ପଦବୀ ଆଗରେ ସଂପର୍କରେ କେତେ ତୁଚ୍ଛ ତାହା ଆପଣ ଏହି ଘଟଣାରୁ ଅନୁମାନ କରିପାରିବେ । ସ୍ତ୍ରୀ ମନ୍ତ୍ରୀ ଓ ସ୍ୱାମୀ ସେହି ରାଜନୈତିକ ଦଳର ରାଜ୍ୟ କାର୍ଯ୍ୟକାରିଣୀ ସଭ୍ୟ । ଉଭୟ ଗୋଟିଏ ଆସନରୁ ବିଧାନସଭା ଟିକେଟ ପାଇଁ ଚଳାଇଛନ୍ତି ଲବି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଉତ୍ତର ପ୍ରଦେଶ ଲକ୍ଷ୍ନୌର ସରୋଜନୀ ନଗର ଆସନ ପାଇଁ ଏଭଳି ସ୍ଥିତି ଦେଖିବାକୁ ମିଳିଛି କି ତାହାକୁ ମେଣ୍ଟାଇବାରେ ଦଳର ନେତୃତ୍ୱମାନେ ବି ଛନ୍ଦି ହୋଇପଡିଛନ୍ତି । ପତ୍ନୀ ସ୍ୱାତୀ ସିଂ ଯୋଗୀ ସରକାରରେ ମନ୍ତ୍ରୀ ଥିବା ବେଳେ ତାଙ୍କ ସ୍ୱାମୀ ଦୟାଶଂକର ସିଂ ବିଜେପିର ରାଜ୍ୟ କାର୍ଯ୍ୟକାରିଣୀ ସଦସ୍ୟ । ଉଭୟ ଗୋଟିଏ ଆସନରୁ ଟିକେଟ ପାଇଁ ଦଳ ପାଖରେ ଦାବି କରିଛନ୍ତି ।
ସ୍ୱାତୀ ସିଂ ସରୋଜନୀ ନଗରରେ ଏବେ ବିଧାୟକ ରହିଛନ୍ତି । ସ୍ୱାତୀଙ୍କ ରାଜନୀତିରେ ପ୍ରବେଶ ଏକ ଆକଶ୍ମିକ ଘଟଣା । ଅନ୍ୟପଟେ ସ୍ୱାମୀ ଦୟାଶଂକର ସିଂ ୨୦୧୬ ମସିହାରେ ୟୁପିର ପୂର୍ବତନ ମୁଖ୍ୟମନ୍ତ୍ରୀ ମାୟାବତୀଙ୍କ ବିରୋଧରେ ଆପତ୍ତି ଜନକ ମନ୍ତବ୍ୟ ଦେଇ ବିବାଦରେ ରହିଥିଲେ । ଏହି ମାମଲାରେ ଦୟାଶଂକର ଗିରଫ ହୋଇଥିବା ବେଳେ ବିଜେପି ତାଙ୍କୁ ଦଳରୁ ନିଲମ୍ବିତ କରିଥିଲା । ଏହି କ୍ରମରେ ବିଜେପି ଦୟାଶଂକରଙ୍କ ସ୍ତ୍ରୀଙ୍କୁ ରାଜ୍ୟ ମହିଳା ଶାଖାର ମୁଖ୍ୟ ଭାବେ ନିଯୁକ୍ତି ଦେଇଥିଲା । ଏହାପରେ ସ୍ୱାତୀ ରାଜନୀତିରେ ପୁରା ପାଦ ମଜବୁତ କରିଦେଇଥିଲେ ।
ଏହାପରେ ଯେତେବେଳେ ଯୋଗୀ ସରକାରରେ ସ୍ୱାତୀ ମନ୍ତ୍ରୀ ହୋଇଥିଲେ ସେତେବେଳେ ସେ ଏକ ବିଅର ବାର ଉଦଘାଟନ କରି ବିବାଦରେ ଫଶିଥିଲେ । ଏହାପରେ ଦଳ ଦୟାଶଂକରଙ୍କ ଉପରୁ ନିଲମ୍ବନ ଆଦେଶ ପ୍ରତ୍ୟାହାର କରି ତାଙ୍କୁ ରାଜ୍ୟ କାରିଣୀର ସଦସ୍ୟ କରିଦେଇଥିଲେ ।
ଏନେଇ ଏବେ ଉଭୟ ସ୍ୱାମୀ –ସ୍ତ୍ରୀ ସରୋଜନୀ ଆସନରୁ ଟିକେଟ ପାଇବାକୁ ଦଳ ପାଖରେ ଦାବି ରଖିଛନ୍ତି । ଦୟାଶଂକର କହିଛନ୍ତି କି ସ୍ୱାତୀଙ୍କର କିଛି ଲୋକପ୍ରିୟତା ନାହିଁ ସେ ମୋ ସାଥି ସମର୍ଥକଙ୍କ ବଳରେ ବିଧାୟକ ଜିତିଥିଲେ । ଏଥର କିନ୍ତୁ ମୁଁ ନିଜେ ନିର୍ବାଚନ ଲଢିବାକୁ ଚାହୁଁଛି । ଏହା ଉପରେ ସ୍ୱାତୀ ସିଂ କିଛି ବୟାନ ଦେବାକୁ ଅମଙ୍ଗ ହୋଇଛନ୍ତି ।