/kanak/media/agency_attachments/2024-07-23t061209958z-vpn68eiq1eknckql8r0y.jpg)
କନକ ବ୍ୟୁରୋ : ସବୁ କଳ୍ପନା ଜଳ୍ପନାର ଅନ୍ତ ଘଟାଇ ଶେଷରେ ଅଖିଳେଶଙ୍କ ସାଇକେଲରେ ବସିଲେ ଯୋଗୀ ସରକାରଙ୍କ କ୍ୟାବିନେଟରେ ମନ୍ତ୍ରୀଥିବା ସ୍ୱାମୀ ପ୍ରସାଦ ମୌର୍ଯ୍ୟ । କେବଳ ସେ ଏକା ନୁହେଁ ତାଙ୍କ ସହ ତାଙ୍କ ସମର୍ଥିତ ୬ ବିଧାୟକମାନେ ବି ସମାଜବାଦୀ ପାର୍ଟିରେ ସାମିଲ ହୋଇଛନ୍ତି ।
ଏନେଇ ଆୟୋଜିତ କାର୍ଯ୍ୟକ୍ରମରେ ସମାଜବାଦୀ ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ଅଖିଳେଶ ଯାଦବ ମଞ୍ଚ ଉପରେ ଉପସ୍ଥିତ ରହିଥିଲେ । ସମାଜବାଦୀ ପାର୍ଟିରେ ସାମିଲ ହେବା ପରେ ସ୍ୱାମୀ ବିଜେପି ଉପରେ ବର୍ଷିଛନ୍ତି । ସେ କହିଛନ୍ତି କି ମକରୂ ସଂକ୍ରାନ୍ତିରେ ଉତ୍ତର ପ୍ରଦେଶ ବିଜେପି ଅନ୍ତ ହେବାକୁ ଯାଉଛି । ସେ ଆହୁରି କହିଛନ୍ତି କି ଯେଉଁ ବିଜେପି ନେତାମାନେ ଲୋକଙ୍କ ସମସ୍ୟା ନଶୁଣି କୁମ୍ଭକର୍ଣ୍ଣ ନିଦ୍ରାରେ ଶୋଇଥିବା ବେଳେ ଏବେ ସେମାନଙ୍କର ନିଦ୍ରାଭଙ୍ଗ ହେଉଛି ।
ସ୍ୱାମୀ କହିଛନ୍ତି କି କିଛିଲୋକ ମୋତେ ପ୍ରଶ୍ନ ପଚାରୁଛନ୍ତି କି ବିଜେପିରୁ ୫ ବର୍ଷ ହେବ କାହିଁକି ଇସ୍ତଫା ଦେଉ ନଥିଲେ । ଏହାର ଉତ୍ତର ଦେବାକୁ ଯାଇ ସ୍ୱାମୀ କହିଥିଲେ କି ବିଜେପି ଗରୀବ, ପଛୁଆବର୍ଗ ଓ ଅଳ୍ପ ସଂଖ୍ୟକ ଲୋକଙ୍କ ଆଖିରେ ଧୂଳି ଦେଇ କ୍ଷମତା ହାସଲ କରିଥିଲା ।
आज भाजपा के खात्मे का शंखनाद बज गया है। भाजपा ने देश और प्रदेश की जनता को गुमराह कर उनकी आंखों में धूल झोंकी है और जनता का शोषण किया है। अब भाजपा का खात्मा करके उत्तर प्रदेश को भाजपा के शोषण से मुक्त कराना है: स्वामी प्रसाद मौर्य pic.twitter.com/E8OrRPUpkN
— ANI_HindiNews (@AHindinews) January 14, 2022
ଯୋଗୀଙ୍କୁ ଟାର୍ଗେଟ କରି ସ୍ୱାମୀ କହିଛନ୍ତି କି, ଯୋଗୀ କେଶବ ପ୍ରସାଦ ମୌର୍ଯ୍ୟ ଓ ସ୍ୱାମୀ ପ୍ରସାଦ ମୌର୍ଯ୍ୟଙ୍କ ନାମରେ କ୍ଷମତା ହାସଲ କରିଥିଲେ । ସେହି ସମୟରେ କେଶବ ପ୍ରସାଦ ମୌର୍ଯ୍ୟ ମୁଖ୍ୟମନ୍ତ୍ରୀ ହେବା ନେଇ ଚର୍ଚ୍ଚା ହେଉଥିବା ବେଳେ ସେଭଳି କିଛି ହୋଇ ନଥିଲା । ଏବେ ତାର ପରିଣାମ ଯୋଗୀ ସରକାରଙ୍କୁ ଭୋଗିବାକୁ ପଡିବ ବୋଲି ସ୍ୱାମୀ ଯୋଗୀଙ୍କୁ ଚେତାବନୀ ଦେଇଛନ୍ତି ।