ଆଜି ରାଜଧାନୀ ଆକାଶରେ କମାଲ ଦେଖାଇବ ଭାରତୀୟ ବାୟୁସେନା : କୁଆଖାଇ ନଦୀ ପଠାରେ ପଦର୍ଶନ ହେବ ସୂର୍ଯ୍ୟକିରଣ ଏୟାର ସୋ’
କନକ ବ୍ୟୁରୋ : ଆକାଶରେ ଆଜି ବାୟୁସେନା ପକ୍ଷରୁ ପଦର୍ଶନ କରାଯିବ ଏୟାର ସୋ’ । ଆୟୋଜିତ ହେବାକୁ ଥିବା ସୂର୍ଯ୍ୟକିରଣ ଏୟାର ସୋ ପାଇଁ ଗତାକାଲି ରିହର୍ସଲ ଶେଷ ହୋଇଛି । ଗୁରୁବାର ଦିନ ଭୁବନେଶ୍ବରସ୍ଥିତ ବାଲିଯାତ୍ରା ପଡ଼ିଆଠାରେ ଏହାର ରିହର୍ସାଲ ଅନୁଷ୍ଠିତ ହୋଇଥିଲା । ଗତକାଲି ବାୟୁସେନାର ୨ଟି ବିମାନ ରିହର୍ସାଲ କରିଥିବା ବେଳେ ଗୁରୁବାର ଦିନ ଅଭ୍ୟାସରେ ୯ଟି ବିମାନ ସାମିଲ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଆଜି ୧୮ରୁ ୨୦ ମିନିଟ୍ ଧରି ଚାଲିବାକୁ ଥିବା ଏହି ଏୟାର ସୋ’ରେ ୧୧ଟି ହକ୍ ବିମାନ ସାମିଲ ହେବେ । ବିମାନଗୁଡ଼ିକ ୫ଶହରୁ ୧ହଜାର ଫୁଟ୍ ଉଚ୍ଚରେ ନିଜର କଳାକୌଶଳ ପ୍ରଦର୍ଶନ କରିବେ ବୋଲି ଜଣାଯାଇଛି । ଦ୍ୱିତୀୟ ପର୍ଯ୍ୟାୟରେ ୨ଟି ଲେଖାଏଁ ବିମାନ ଘଣ୍ଟା ପ୍ରତି ୧୬୦୦ କିଲୋମିଟର ବେଗରେ ୨୦୦ରୁ ୩୦୦ ଫୁଟ୍ ଉଚ୍ଚରେ କୌଶଳ ଦେଖାଇବେ ।
ଗୁରୁବାରର ଏହି ଅଭ୍ୟାସ କାର୍ଯ୍ୟକ୍ରମରେ ଲିଟ୍ୟୁନାଣ୍ଟ ମିହିର ରଞ୍ଜନ ଏହି ହକ୍ ବିମାନ ଓ ସୋ’ର କୌଶଳ ସଂପର୍କରେ ସୂଚନା ଦେଇଥିଲେ। ଓଡ଼ିଶାର ପ୍ରତିଟି ଯୁବପିଢ଼ିକୁ ବାୟୁସେନା ପ୍ରତି ଉତ୍ସାହିତ କରିବା ଏହି ସୋ’ର ମୁଖ୍ୟ ଉଦ୍ଦେଶ୍ୟ ବୋଲି ସେ କହିଥିଲେ । ସୁରକ୍ଷା ଦୃଷ୍ଟିରୁ ଏହି ସୋ’କୁ ନଦୀପଠାରେ କରାଯାଇଛି । ସୋ’ରେ ସୁଇସାଇଡାଲ୍ କ୍ରସ୍, ଭର୍ଟିକାଲ୍ ଚାର୍ଲି, ଆରୋହାଇଡ୍ ଫର୍ମିସନ୍, ବମ୍ବ୍ରଷ୍ଟ, ଇନୋଭେଟେଡ୍ ଫ୍ଲାଇଙ୍ଗ୍ ପ୍ରମୁଖ ସୋ’ ପ୍ରଦର୍ଶିତ ହେବ ।
ଅପରପକ୍ଷେ, ଏହି ଏୟାର୍ ସୋ’ ପାଇଁ ବାଲିଯାତ୍ରା ପଡ଼ିଆରେ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି । କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ରାଜ୍ୟପାଳ ପ୍ରଫେସର୍ ଗଣେଶୀ ଲାଲ ଯୋଗଦେବାର ଥିବାରୁ ଆଇନ ଶୃଙ୍ଖଳା ଓ ଟ୍ରାଫିକ୍ ନିୟନ୍ତ୍ରଣ ପାଇଁ କମିସନରେଟ୍ ପୁଲିସ୍ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି । ୪୫ ପ୍ଲାଟୁନ୍ ପୁଲିସ ଫୋର୍ସ ମୁତୟନ ହେବେ ବୋଲି ଡିସିପି ପ୍ରତୀକ ସିଂଙ୍କ ସୂଚନା ଦେଇଛନ୍ତି । ଏହାବ୍ୟତୀତ ଓଡ୍ରାଫ୍ ଟିମ୍କୁ ମଧ୍ୟ ସଜାଗ ରଖାଯିବ ବୋଲି ସେ କହିଛନ୍ତି ।